ಬೆಂಗಳೂರು: ದೇಶಾದ್ಯಂತ ರಣಬಿಸಿಲು ಜನರನ್ನು ಬಳಲಿ ಬೆಂಡಾಗುವಂತೆ ಮಾಡಿದೆ. ಕೆಲವು ನಗರಗಳಲ್ಲಿ 50 ಡಿಗ್ರಿ ಸೆಲ್ಸಿಯಸ್ ಉಷ್ಣಾಂಶ ದಾಖಲಾಗಿ ತೀವ್ರ ಆತಂಕ ಉಂಟು ಮಾಡಿದೆ. ಬಿಸಿಲ ತಾಪಕ್ಕೆ ಕಟ್ಟಡಗಳು ಬೆಂಕಿಯಲ್ಲಿ ಬೆಂದಂತೆ ಕುದಿಯುತ್ತಿವೆ. ಇದರಿಂದ ವಿಪರೀತ ಉಷ್ಣ ಉಂಟಾಗಿ ಮನೆಯೊಳಗಿರಲೂ ಕಷ್ಟಪಡುವಂತಾಗಿದೆ.
ಮನೆಯ ಕೋಣೆಯನ್ನು ತಂಪಾಗಿಡಲು ಏರ್ ಕೂಲರ್, ಏರ್ ಕಂಡೀಷನರ್ (ಎಸಿ)ಗಳನ್ನು ಬಳಸುತ್ತೇವೆ. ಆದಾಗ್ಯೂ ಕೊಠಡಿಗಳು ತಂಪಾಗುವುದಿಲ್ಲ. ಎಸಿ ಇದ್ದವರಿಗೆ ಬಿಸಿಲ ಸಮಸ್ಯೆ ಇರುವುದಿಲ್ಲ. ಆದರೆ, ಕೂಲರ್, ಫ್ಯಾನ್ಸ್ ಬಳಸುವವರು ನಿತ್ಯವೂ ಕಷ್ಟಪಡಬೇಕು. ಕೂಲರ್ ಪಕ್ಕದಲ್ಲೇ ಕೂತರೂ ತಣ್ಣನೆಯ ಅನುಭವ ಸಿಗುವುದಿಲ್ಲ. ಕೋಣೆಯಲ್ಲಿ ಬಿಸಿ ಕೂಲರ್ ಆನ್ ಮಾಡಿದರೂ ಇರುತ್ತದೆ.
ಬಿಸಿಲು ಪ್ರಖರವಾಗಿರುವ ಕೋಣೆಯ ಉಷ್ಣತೆ ಹೆಚ್ಚಿರುತ್ತದೆ. ಇಡೀ ಕೋಣೆ ಶಖೆಯಿಂದ ತುಂಬಿರುತ್ತದೆ. ಬೆವರುವುದು, ಬಿಸಿಗಾಳಿ, ದೇಹ ಜಿಡ್ಡು ಜಿಡ್ಡಾಗಿರುತ್ತದೆ. ಕೊಠಡಿಯಲ್ಲಿರುವ ಉಷ್ಣ ಹೊರಗೆ ಹೋಗದೇ ಇರುವುದೇ ಇದಕ್ಕೆ ಕಾರಣ ಎನ್ನುತ್ತಾರೆ ತಜ್ಞರು. ನಾವು ಮಾಡುವ ಸಣ್ಣಪುಟ್ಟ ಇಂತಹ ವಾತಾವರಣಕ್ಕೆ ಕಾರಣ. ಅದಕ್ಕಾಗಿಯೇ ವಾಟರ್ ಕೂಲರ್ ಆನ್ ಮಾಡಿದಾಗ ಕೆಲ ಎಚ್ಚರಿಕೆ ವಹಿಸಿದರೆ, ಕೋಣೆ ತಂಪಾಗಿಟ್ಟುಕೊಳ್ಳಲು ಸಾಧ್ಯ.
ಕಿಟಕಿ, ಬಾಗಿಲ ಬಳಿ ಕೂಲರ್ ಇಡಬೇಕು: ಬಹುತೇಕರು ಕೋಣೆಯಲ್ಲಿ ಯಾವುದೋ ಒಂದು ಭಾಗದಲ್ಲಿ ಕೂಲರ್ ಇಡುತ್ತಾರೆ. ಇದು ಆನ್ ಆಗಿದ್ದರೂ ತಣ್ಣನೆಯ ಅನುಭವ ಸಿಗುವುದಿಲ್ಲ. ಹಾಗಾಗಿ, ಕೂಲರ್ ಅನ್ನು ಮನೆಯ ಕಿಟಕಿ ಅಥವಾ ಬಾಗಿಲ ಬಳಿ ಇಡಬೇಕು. ಶುದ್ಧ ಗಾಳಿ ಬೀಸುವುದರಿಂದ ಕೋಣೆಯಲ್ಲಿನ ಬಿಸಿ ಅಂಶ ಕಡಿಮೆಯಾಗುತ್ತದೆ.
ನೀರಿನ ಪಂಪ್ ಆಫ್/ಆನ್ ಮಾಡಿ: ಕೋಣೆಯ ಬಾಗಿಲು ಅಥವಾ ಕಿಟಕಿಯ ಬಳಿ ಕೂಲರ್ ಇಡಲು ಸಾಧ್ಯವಾಗದಿದ್ದಾಗ ಬಿಸಿಯಾದ ಗಾಳಿಯಿಂದ ಕೂಡಿದ ತೇವಾಂಶ ಕೋಣೆಯಲ್ಲಿ ಹಾಗೆಯೇ ಉಳಿದಿರುತ್ತದೆ. ಆಗ ಕೂಲರ್ ಎತ್ತಿ ಕೊಡುವ ನೀರಿನ ಪಂಪ್ ಅನ್ನು ಆಫ್ ಮಾಡಬೇಕು. ಕೆಲ ಹೊತ್ತು ಬರಿಯ ಫ್ಯಾನ್ ಅನ್ನು ಮಾತ್ರ ಆನ್ ಮಾಡಿ. ಹೀಗೆ ಮಾಡುವುದರಿಂದ ಬಿಸಿ ತೇವಾಂಶ ಕಡಿಮೆಯಾಗುತ್ತದೆ. ಬಳಿಕ ಮತ್ತೆ ನೀರಿನ ಪಂಪ್ ಆನ್ ಮಾಡಿದರೆ ತಣ್ಣನೆಯ ಗಾಳಿ ನಿಮ್ಮದಾಗುತ್ತದೆ.
ಸೀಲಿಂಗ್ ಫ್ಯಾನ್ ಆನ್ ಮಾಡಿ: ಕೆಲವರು ಕೂಲರ್ ಆನ್ ಆಗಿರುವಾಗ ಸೀಲಿಂಗ್ ಫ್ಯಾನ್ ಆಫ್ ಮಾಡುತ್ತಾರೆ. ಹೀಗೆ ಮಾಡಬಾರದು ಎಂಬುದು ತಜ್ಞರ ಅಭಿಪ್ರಾಯ. ಇವೆರಡೂ ಆನ್ ಆಗಿರುವುದರಿಂದ ಕೋಣೆಯಲ್ಲಿನ ಬಿಸಿ ಗಾಳಿಯೆಲ್ಲ ಹೊರಹೋಗಿ ಕೋಣೆ ತಂಪಾಗಿರುತ್ತದೆ. ಕಿಟಕಿಗಳನ್ನು ತೆರೆದಿಟ್ಟರೂ ಇನ್ನೂ ಒಳ್ಳೆಯದು.
ಎಕ್ಸಾಸ್ಟ್ ಫ್ಯಾನ್ ಆನ್ ಆಗಿ ಇರಲಿ: ನಿಮ್ಮ ಕೋಣೆಯಲ್ಲಿ ಎಕ್ಸಾಸ್ಟ್ ಫ್ಯಾನ್ (ಬಿಸಿ ಹೊರಹಾಕಲು ಬಳಸುವ ಚಿಕ್ಕ ಫ್ಯಾನ್) ಇದ್ದರೆ ಅದನ್ನು ಮೊದಲು ಆನ್ ಮಾಡಿ. ಇಲ್ಲವಾದಲ್ಲಿ ಮನೆಯಲ್ಲಿನ ವಾಷ್ರೂಮ್ನಲ್ಲಿನ ಎಕ್ಸಾಸ್ಟ್ ಫ್ಯಾನ್ ಅನ್ನು ಆನ್ ಮಾಡಬಹುದು. ಇದರಿಂದ ಬಿಸಿ ಗಾಳಿ ಹೊರ ಹೋಗುತ್ತದೆ.
ಕೂಲರ್ ವೇಗ ಹೀಗಿರಲಿ: ಕೂಲರ್ ಆನ್ ಮಾಡಿದಾಗ ಅದರ ವೇಗವೂ ತಂಪು ಗಾಳಿ ಬೀಸುವುದನ್ನು ನಿರ್ಧರಿಸುತ್ತದೆ. ಸಹಜವಾಗಿ ಕೂಲರ್ ಮಧ್ಯಮದಿಂದ ಹೆಚ್ಚಿನ ವೇಗದಲ್ಲಿರಬೇಕು. ಇದರಿಂದ ಕೊಠಡಿಯು ತಂಪಾಗಿರುತ್ತದೆ ಎನ್ನುತ್ತಾರೆ ತಜ್ಞರು.
ಇದನ್ನೂ ಓದಿ: ದಿನಕ್ಕೆ ಎರಡು ಸ್ಪೂನ್ ತುಪ್ಪ ಬಳಸಿ, ಹಣ್ಣು ಹೆಚ್ಚಾಗಿ ಸೇವಿಸಿ; ಎನ್ಐಎನ್ ಹೊಸ ಮಾರ್ಗಸೂಚಿ ಪ್ರಕಟ - NIN new guidelines
