ಹೈದರಾಬಾದ್: ಇಂದು ಬಹುತೇಕ ಮನೆಗಳಲ್ಲಿ ನೀರು ಸಂಗ್ರಹಕ್ಕೆ ವಾಟರ್ ಟ್ಯಾಂಗ್ ಅಳವಡಿಸಿರುತ್ತೇವೆ. ಇದರ ಮೂಲಕ ಮನೆಯೊಳಗೆ ಸದಾ ನೀರಿನ ಸೌಕರ್ಯ ಇರುವಂತೆ ನೋಡಿಕೊಳ್ಳುತ್ತೇವೆ. ಆದರೆ, ಈ ಟ್ಯಾಕ್ನ ಶುಚಿತ್ವ ಬಗ್ಗೆ ಬಹುತೇಕರು ಗಮನಹರಿಸುವುದಿಲ್ಲ. ಬೃಹದಾಕಾರದ ಈ ಟ್ಯಾಂಕ್ ಅನ್ನು ನಿಯಮಿತವಾಗಿ ಶುಚಿ ಮಾಡುವುದು ಅತ್ಯವಶ್ಯಕವಾಗಿದೆ. ದೀರ್ಘಕಾಲದಿಂದ ನೀರು ಸಂಗ್ರಹವಾಗುವ ಈ ನೀರು ಅಶುಚಿತ್ವಗೊಂಡರೆ ಅದು ಮನೆಯವರ ಆರೋಗ್ಯದ ಮೇಲೆ ಪರಿಣಾಮ ಬೀರುತ್ತದೆ.
ಟ್ಯಾಂಕ್ಗಳನ್ನು ಶುಚಿ ಮಾಡುವುದು ಒಂದು ದೊಡ್ಡ ಟಾಸ್ಕೇ ಸರಿ. ಇದೇ ಕಾರಣಕ್ಕೆ ಇದನ್ನು ಸ್ವಚ್ಛಗೊಳಿಸಲು ಪ್ಲಂಬರ್ ಕರೆಯುತ್ತಾರೆ. ಇದಕ್ಕಾಗಿ ಅವರು ಕೊಂಚ ಅಧಿಕ ಹಣವನ್ನೇ ಖರ್ಚು ಮಾಡಬೇಕಾಗುತ್ತದೆ. ಆದರೆ, ವಾಟರ್ ಟ್ಯಾಂಕ್ ಶುದ್ಧ ಮಾಡುವುದು ಬಲು ಸುಲಭದ ಕೆಲಸ. ಈ ಕುರಿತ ಮಾಹಿತಿ ಇಲ್ಲಿದೆ.
ಬ್ಲೀಚಿಂಗ್ ಪೌಡರ್: ತಜ್ಞರ ಪ್ರಕಾರ, ಬ್ಲೀಚಿಂಗ್ ಪೌಡರ್ ಮತ್ತು ಲಿಕ್ವಿಡ್ಗಳು ವಾಟರ್ ಟ್ಯಾಂಕ್ ಅನ್ನು ಸುಲಭವಾಗಿ ಶುಚಿಗೊಳಿಸುತ್ತವೆ. ಇದಕ್ಕಾಗಿ ಮಾಡಬೇಕಿರುವ ಮೊದಲ ಕೆಲಸ ಟ್ಯಾಂಕ್ ಖಾಲಿ ಮಾಡಿ ಬಳಿಕ ಅದರ ಒಳಭಾಗದಲ್ಲಿ ಬ್ಲೀಚಿಂಗ್ ಪೌಡರ್ ಹಾಕುವುದು. ಒಂದು ಗಂಟೆ ಅದನ್ನು ಹಾಗೇ ಬಿಡಿ. ಬಳಿಕ ಬ್ರಶ್ ಮತ್ತು ಸ್ಕ್ರಬರ್ ಸಹಾಯದಿಂದ ಉಜ್ಜಿರಿ. ಬಳಿಕ ತಾಜಾ ನೀರಿನಿಂದ ತೊಳೆಯಿರಿ. ಇದರಿಂದ ಟ್ಯಾಂಕ್ ಕೆಳಗೆ ನಿಂತಿರುವ ಕೊಳೆ ನಿವಾರಣೆಯಾಗತ್ತದೆ.
ಡಿಟರ್ಜೆಂಟ್ ಪೌಡರ್: ಬ್ಲಿಚಿಂಗ್ ಹೊರತಾಗಿ ಡಿಟರ್ಜೆಂಟ್ ಪೌಡರ್ ಕೂಡಾ ಬಳಕೆ ಮಾಡಬಹುದು. ಬಕೆಟ್ನಲ್ಲಿ ಸ್ವಲ್ಪ ನೀರು ಹಾಕಿ ಅದಕ್ಕೆ ಸೋಪಿನ ಪುಡಿ ಹಾಕಿ ಸಲ್ಯೂಷನ್ ಮಾಡಿಕೊಳ್ಳಿ. ಬಳಿಕ ಈ ನೀರನ್ನು ಟ್ಯಾಂಕ್ನ ಒಳಗೊಡೆಗೆ ಹಚ್ಚಿ. ನೈಲನ್ ಬ್ರಶ್ ಅಥವಾ ಸ್ಪಾಂಜ್ನಿಂದ ಅದನ್ನು ತೊಳೆಯಿರಿ. ಬಳಿಕ ಶುದ್ದ ನೀರಿನಿಂದ ಶುಚಿ ಮಾಡಿ.
ಹೈಡ್ರೋಜೆನ್ ಪೆರೊಕ್ಸೈಡ್: ಸುಲಭವಾಗಿ ಪರಿಣಾಮಕಾರಿಯಾಗಿ ಶುಚಿ ಮಾಡುವ ವಿಧಾನ ಇದಾಗಿದೆ. ಟ್ಯಾಂಕ್ ನೀರು ಖಾಲಿ ಮಾಡಿದ ಬಳಿಕ ಹೈಡ್ರಾಜೆನ್ ಪೆರೋಕ್ಸೈಡ್ ಅನ್ನು ಹಾಕಿ. ಅರ್ಧಗಂಟೆಗಳ ಕಾಲ ಹಾಗೇ ಬಿಡಿ. ಬಳಿಕ ಚೆನ್ನಾಗಿ ಬ್ರಶ್ ಸಹಾಯದಿಂದ ಉಜ್ಜಿರಿ ನಂತರ ಶುದ್ದ ನೀರಿನಿಂದ ತೊಳೆಯಿರಿ. ಬಳಿಕ ಒಣ ಬಟ್ಟೆ ತೆಗೆದುಕೊಂಡು ಕ್ಲೀನ್ ಆಗಿ ಒರೆಸಿ.
2021ರಲ್ಲಿ ಪ್ರಕಟವಾದ ವಾಟರ್ ರಿಸರ್ಚ್ ಜರ್ನಲ್ ಅಧ್ಯಯನದ ಪ್ರಕಾರ, ಹೈಡ್ರೋಜನ್ ಪೆರೋಕ್ಸೈಡ್ ಮೂಲಕ ಪರಿಣಾಮಕಾರಿಯಾಗಿ ವಾಟರ್ ಟ್ಯಾಂಕ್ ಸ್ವಚ್ಛ ಮಾಡಬಹುದಾಗಿದೆ. ಬ್ರೆಹುಕ್ನಲ್ಲಿನ ಸೀರ್ರಾ ಫೆಡರಲ್ ಯುನಿವರ್ಸಿಟಿಯ ಸಮೀಲ್ಲಾ ಒಲಿವರ್ ಈ ಅಧ್ಯಯನದಲ್ಲಿ ಭಾಗಿಯಾಗಿದ್ದಾರೆ.
ಪ್ರಮುಖ ಸೂಚನೆ: . ಇವುಗಳನ್ನು ಅನುಸರಿಸುವ ಮೊದಲು ಪರಿಣತರ ಸಲಹೆಯನ್ನು ತೆಗೆದುಕೊಳ್ಳುವುದು ಉತ್ತಮ.
ಇದನ್ನೂ ಓದಿ: ಅಡುಗೆ ಮನೆಯ ಸಿಂಕ್ನಲ್ಲಿ ನೀರು ತುಂಬಿ ಕೆಟ್ಟ ದುರ್ವಾಸನೆ ಬರುತ್ತಿದೆಯೇ?, ಈ ಸಿಂಪಲ್ ಟಿಪ್ಸ್ ಒಮ್ಮೆ ಪಾಲಿಸಿ ನೋಡಿ
