ನವದೆಹಲಿ: ತೂಕ ಇಳಿಕೆ ಮಾಡುವ ಜೊತೆಗೆ ಫಿಟ್ನೆಸ್ ನಿರ್ವಹಣೆ ಮಾಡಲು ದಿನನಿತ್ಯ ವರ್ಕ್ಔಟ್ ಮೊರೆ ಹೋಗುವವರ ಸಂಖ್ಯೆ ಹೆಚ್ಚಾಗಿದೆ. ಆದರೆ, ಈ ವರ್ಕೌಟ್ಗೆ ಮುಂದಾಗುವ ಜನರಲ್ಲಿ ಒಂದು ಗೊಂದಲ ಸದಾ ಕಾಡುತ್ತದೆ. ಅದೆಂದರೆ, ವರ್ಕ್ಔಟ್ಗೆ ಮುನ್ನ ಆಹಾರ ಸೇವಿಸಬೇಕಾ ಅಥವಾ ಖಾಲಿ ಹೊಟ್ಟೆಯಲ್ಲಿ ವ್ಯಾಯಾಮಕ್ಕೆ ಮುಂದಾಗಬೇಕಾ ಎಂಬುದು. ಅನೇಕ ಜನರು ಖಾಲಿ ಹೊಟ್ಟೆಯಲ್ಲಿ ವರ್ಕ್ಔಟ್ ಮಾಡುವುದರಿಂದ ಕೊಬ್ಬು ಕರಗುತ್ತದೆ ಎಂದರೆ ಮತ್ತೆ ಕೆಲವರು ಇದರಿಂದ ದೇಹಕ್ಕೆ ಹಾನಿಯಾಗುತ್ತದೆ ಎನ್ನುತ್ತಾರೆ.
ಖಾಲಿ ಹೊಟ್ಟೆಯಲ್ಲಿ ವರ್ಕ್ಔಟ್ ಮಾಡುವುದರಿಂದ ಇದು ಕ್ಯಾಲೋರಿ ಕರಗಿಸಲು ಸಾಧ್ಯವಾಗತ್ತಾ ಅಥವಾ ಇದರಿಂದ ಹಾನಿಯಾಗುತ್ತದೆಯೇ ಎಂಬ ಗೊಂದಲದಲ್ಲಿ ನೀವು ಇದ್ದು, ಏನು ಮಾಡಬೇಕು ಎಂದು ಯೋಚಿಸುತ್ತಿದ್ದರೆ ಇಲ್ಲಿದೆ ಸಲಹೆ.
ಖಾಲಿ ಹೊಟ್ಟೆಯಲ್ಲಿನ ವ್ಯಾಯಾಮದ ಪ್ರಯೋಜನ: ಖಾಲಿ ಹೊಟ್ಟೆಯಲ್ಲಿ ವರ್ಕ್ಔಟ್ ಮೊರೆ ಹೋದರೆ, ಇದು ದೇಹದ ಕೊಬ್ಬು ಕರಗಿಸುತ್ತದೆ. ಅಲ್ಲದೇ, ಏನೂ ತಿನ್ನದೇ ವ್ಯಾಯಾಮ ಮಾಡುವುದರಿಂದ ಮೊದಲ ಶಕ್ತಿ ಮೂಲವಾಗಿರುವ ಗ್ಲೇಕೊಜೆನ್ ದಣಿಯುತ್ತದೆ. ಇದರಿಂದಾಗಿ ಶಕ್ತಿಗಾಗಿ ದೇಹದ ಕೊಬ್ಬನ್ನು ಬಳಕೆ ಮಾಡುತ್ತದೆ.
ಖಾಲಿ ಹೊಟ್ಟೆಯಲ್ಲಿ ಇನ್ಸುಲಿನ್ ಮಟ್ಟವೂ ಕಡಿಮೆಯಾಗುತ್ತದೆ. ಇದು ದೇಹದ ಕೊಬ್ಬು ಕರಗಿಸಲು ಸಾಧ್ಯವಾಗುತ್ತದೆ. ಇದರ ಹೊರತಾಗಿ, ಖಾಲಿ ಹೊಟ್ಟೆಯಲ್ಲಿ ವ್ಯಾಯಾಮ ಮಾಡುವುದರಿಂದ ಹಾರ್ಮೋನ್ ಬೆಳವಣಿಗೆ ಉತ್ತೇಜಿಸುತ್ತದೆ. ಇದು ಕೊಬ್ಬನ್ನು ಕರಗಿಸಲು ಸಹಾಯ ಮಾಡುತ್ತದೆ.
ಖಾಲಿ ಹೊಟ್ಟೆಯಲ್ಲಿ ವ್ಯಾಯಾಮ ಮಾಡುವುದರ ಅನಾನೂಕುಲತೆ: ಖಾಲಿ ಹೊಟ್ಟೆಯಲ್ಲಿ ವರ್ಕೌಟ್ ಮಾಡುವುದರಿಂದ ದೇಹದ ಶಕ್ತಿ ನಷ್ಟ ಹೆಚ್ಚುತ್ತದೆ. ಇದರಿಂದ ವ್ಯಾಯಾಮದ ಮೇಲೆ ಪರಿಣಾಮ ಬೀರುತ್ತದೆ. ಜೊತೆಗೆ ದೇಹಕ್ಕೆ ವ್ಯಾಯಾಮ ಮಾಡಲು ಅಗತ್ಯವಾದ ಸಾಕಷ್ಟು ಶಕ್ತಿ ಲಭಿಸುವುದಿಲ್ಲ. ಇದರಿಂದ ವರ್ಕೌಟ್ ಮಾಡಲು ಸಾಧ್ಯವಾಗುವುದಿಲ್ಲ. ಇಂತಹ ಪರಿಸ್ಥಿತಿಯಲ್ಲಿ ವರ್ಕೌಟ್ ಮಾಡಿದರೆ, ಅಂತಹ ಸ್ಥಿತಿಯಿಂದ ಯಾವುದೇ ಪ್ರಯೋಜನ ಪಡೆಯಲು ಸಾಧ್ಯವಾಗುವುದಿಲ್ಲ.
ಇದರ ಹೊರತಾಗಿ, ಖಾಲಿ ಹೊಟ್ಟೆಯಲ್ಲಿ ವರ್ಕೌಟ್ ಮಾಡುವುದು ಗ್ಲೇಕೊಜೆನ್ ಕೊರತೆಗೆ ಕಾರಣವಾಗುತ್ತದೆ. ಆಗ ದೇಹ ಸ್ನಾಯುಗಳಲ್ಲಿನ ಶಕ್ತಿಯನ್ನು ಪಡೆಯಲಾರಂಭಿಸುತ್ತದೆ. ಇದು ಸ್ನಾಯು ಬೆಳವಣಿಗೆಗೆ ತೊಡಕಾಗುತ್ತದೆ.
ಖಾಲಿ ಹೊಟ್ಟೆಯಲ್ಲಿ ವರ್ಕೌಟ್ ಕೆಲವು ಜನರಲ್ಲಿ ಆರೋಗ್ಯ ಸಮಸ್ಯೆಗೆ ಕೂಡ ಕಾರಣವಾಗುತ್ತದೆ. ಊಟ ಮಾಡದೇ ಕೆಲಸ ಮಾಡುವುದು ಆಲಸ್ಯ, ದುರ್ಬಲತೆ ಅಥವಾ ತಲೆ ಸುತ್ತುವಿಕೆಗೆ ಕಾರಣವಾಗುತ್ತದೆ. ಅದರಲ್ಲೂ ದೀರ್ಘಕಾಲ ಖಾಲಿ ಹೊಟ್ಟೆ ಈ ಪರಿಣಾಮವನ್ನು ಹೆಚ್ಚಿಸುತ್ತದೆ.
ವಿಶೇಷ ಸೂಚನೆ: ಇಲ್ಲಿ ನಿಮಗೆ ನೀಡಿರುವ ಎಲ್ಲ ಆರೋಗ್ಯ ಸಂಬಂಧಿತ ಮಾಹಿತಿ ಮತ್ತು ಸಲಹೆಗಳು ಕೇವಲ ತಿಳಿವಳಿಕೆಗಾಗಿ ಮಾತ್ರ. ವೈಜ್ಞಾನಿಕ ಸಂಶೋಧನೆ, ಅಧ್ಯಯನಗಳು, ವೈದ್ಯಕೀಯ ಮತ್ತು ಆರೋಗ್ಯ ವೃತ್ತಿಪರ ಸಲಹೆಯನ್ನು ಆಧರಿಸಿ ನಾವು ಈ ಮಾಹಿತಿಯನ್ನು ನಿಮಗೆ ಒದಗಿಸುತ್ತಿದ್ದೇವೆ. ಆದರೆ, ಇವುಗಳನ್ನು ಅನುಸರಿಸುವ ಮೊದಲು ಈ ಸಂಬಂಧಿತ ಪರಿಣತರ ಬಳಿ ಸಲಹೆಯನ್ನು ತೆಗೆದುಕೊಳ್ಳುವುದು ಉತ್ತಮ.
ಇದನ್ನೂ ಓದಿ: ಊಟವಾದ ಮೇಲೆ ಜಸ್ಟ್ ಹತ್ತೇ 10 ನಿಮಿಷ ನಡೆಯಿರಿ ಸಾಕು; ಆರೋಗ್ಯದಲ್ಲಾಗುವ ಬದಲಾವಣೆ ನೋಡಿ!
