ನವದೆಹಲಿ: ಅಟೆನ್ಶನ್ ಡೆಫಿಸಿಟ್ ಹೈಪರ್‌ ಆ್ಯಕ್ಟಿವಿಟಿ ಡಿಸಾರ್ಡರ್ (ಎಡಿಎಚ್ಡಿ) ಅಂದರೆ ಚಂಚಲತೆ ಮತ್ತು ಅತಿಯಾದ ಚಟುವಟಿಕೆಯಿಂದ ಇರುವುದು. 3ರಿಂದ 5 ವರ್ಷದ ಮಕ್ಕಳಲ್ಲಿ ಸಾಮಾನ್ಯವಾಗಿ ಕಂಡುಬರುವ ನರ ಸಂಬಂಧಿತ ಆರೋಗ್ಯ ಸಮಸ್ಯೆ ಇದಾಗಿದೆ. ಈ ಸಮಸ್ಯೆಯ ನಿವಾರಣೆಗೆ ಔಷಧದೊಂದಿಗೆ ಮಾನಸಿಕ ಚಿಕಿತ್ಸೆಯೂ ಅವಶ್ಯಕತೆಯೂ ಇದೆ ಎಂದು ಅಧ್ಯಯನ ತಿಳಿಸಿದೆ.
ಅಮೆರಿಕದ ದಕ್ಷಿಣ ಕ್ಯಾಲಿಫೋರ್ನಿಯಾ ಯೂನಿವರ್ಸಿಟಿ ಸಂಶೋಧಕರು ಎಡಿಎಚ್ಡಿ ಕುರಿತು 23,000ಕ್ಕೂ ಹೆಚ್ಚು ಅಧ್ಯಯನಗಳ ಪರಿಶೀಲನೆ ನಡೆಸಿದ್ದಾರೆ. ಈ ಸಂಶೋಧನೆಯ ಫಲಿತಾಂಶವನ್ನು ಪೀಡಿಯಾಟ್ರಿಕ್ಸ್ ಜರ್ನಲ್‌ನಲ್ಲಿ ಎರಡು ಕಂಪ್ಯಾನಿಯನ್ ಪೇಪರ್‌ನಲ್ಲಿ ಪ್ರಕಟಿಸಲಾಗಿದೆ. ಈ ಅಧ್ಯಯನದಲ್ಲಿ ಎಡಿಎಚ್ಡಿ ಪತ್ತೆ ಮತ್ತು ಚಿಕಿತ್ಸೆಯ ಪರಿಣಾಮಕಾರಿ ಮಾದರಿಯನ್ನು ಬಹಿರಂಗಪಡಿಸಲಾಗಿದೆ. ಇದರ ಜತೆಗೆ ಕಾಲಾನಂತರದಲ್ಲಿ ಈ ಸಮಸ್ಯೆಯ ನಿರ್ವಹಣೆಯ ಪ್ರಗತಿ ಕುರಿತು ಕೂಡ ವಿಮರ್ಶೆ ನಡೆದಿದೆ.
ಎಡಿಎಚ್ಡಿ ಕುರಿತು ಸಾಕ್ಷ್ಯ ಆಧಾರಿತ ಮಾಹಿತಿಯನ್ನು ಶಿಕ್ಷಕರು, ಪೋಷಕರು ಹೊಂದುವ ಅಗತ್ಯವಿದೆ. ನಾವು ದೃಢವಾದ ವಿಮರ್ಶೆ ಮಾಡಿದ್ದೇವೆ. ಇದು ನಮಗೆ ಬಲವಾದ ಸಾಕ್ಷ್ಯ ನೀಡಿದೆ ಎಂದು ಯುಎಸ್ಸಿಯ ಕೆಕ್ ಸ್ಕೂಲ್ನ ಪ್ರೊ.ಸುಸಾನೆ ಹೆಂಪೆಲ್ ತಿಳಿಸಿದ್ದಾರೆ.
ಸದ್ಯ ಎಡಿಎಚ್ಡಿ ಸಮಸ್ಯೆಯನ್ನು ಮಕ್ಕಳಲ್ಲಿ ಪತ್ತೆ ಮಾಡಲು ಅನೇಕ ಸಾಧನಗಳ ಬಳಕೆ ಮಾಡಲಾಗುತ್ತಿದೆ. ಇದರಲ್ಲಿ ಪೋಷಕರು ಮತ್ತು ಶಿಕ್ಷಕರ ರೇಟಿಂಗ್ ಸ್ಕೇಲ್, ರೋಗಿಯ ಸ್ವಯಂ ವರದಿ, ನರ ಮಾನಸಿಕ ಸಮಸ್ಯೆ, ಇಇಜಿ ವಿಧಾನ, ಬಯೋಮಾರ್ಕ್ಸ್, ಚಟುವಟಿಕೆಯ ನಿರ್ವಹಣೆ ಮತ್ತು ವೀಕ್ಷಣೆ ಮಾಡಲಾಗುತ್ತದೆ.
ಎಡಿಎಚ್ಡಿ ಸಂಬಂಧ ಅನೇಕ ಔಷಧಿಗಳನ್ನು ಕಟ್ಟುನಿಟ್ಟಾಗಿ ಪರೀಕ್ಷೆ ಮಾಡಲಾಗಿದೆ. ಇದರಲ್ಲಿ ಉತ್ತೇಜಕ ಮತ್ತು ಉತ್ತೇಜಕೇತರ ಅಂಶಗಳು ಸೇರಿವೆ. ಮಾಸಿಕ ವಿಧಾನ ಮತ್ತು ನಡವಳಿಕೆಯ ಮಾರ್ಪಡು ಹೊಂದಿದೆ. ಅರಿವಿನ ತರಬೇತಿ, ನ್ಯೋರೋಫೀಡ್ಬ್ಯಾಕ್, ದೈಹಿಕ ವ್ಯಾಯಾಮ, ಪೋಷಣೆ ಮತ್ತು ಪೋಷಕರ ಬೆಂಬಲ, ಶಾಲೆಗಳು ಮಧ್ಯಸ್ಥಿಕೆ ಮತ್ತು ಇತರೆ ಔಷಧೇತರ ಚಿಕಿತ್ಸೆಗಳನ್ನು ಸಂಶೋಧಕರು ವಿಶ್ಲೇಷಿಸಿದ್ದಾರೆ.
ಚಿಕಿತ್ಸೆ ಮತ್ತು ಔಷಧಗಳು ಎಡಿಚ್ಡಿ ಲಕ್ಷಣಗಳ ಸುಧಾರಣೆ ಮಾತ್ರವಲ್ಲದೇ ಎಡಿಎಚ್ಡಿ ಜತೆಗೆ ಆಗಾಗ್ಗೆ ಬರುವ ಸಮಸ್ಯೆಗಳನ್ನೂ ಪರಿಹರಿಸಲು ಸಹಾಯ ಮಾಡುತ್ತದೆ ಎಂದು ಅಧ್ಯಯನದ ಪ್ರಮುಖ ಲೇಖಕ ಬ್ರಡ್ಲೆ ಪೀಟರ್ಸನ್ ಹೇಳಿದ್ದಾರೆ.
ಎಡಿಎಚ್ಡಿ ಎಂಬುದು ಚಿಕಿತ್ಸೆ ನೀಡಬಹುದಾದ ಸಮಸ್ಯೆಯಾಗಿದ್ದು, ಮಕ್ಕಳು ಇದರಿಂದ ಸಂಪೂರ್ಣ ಗುಣಮುಖರಾಗುತ್ತಾರೆ ಎಂಬುದನ್ನು ಅನೇಕ ಅಧ್ಯಯನಗಳು ತೋರಿಸಿವೆ. ಎಡಿಎಚ್‌ಡಿಗಾಗಿ ಅಮೆರಿಕನ್ ಅಕಾಡೆಮಿ ಆಫ್ ಪೀಡಿಯಾಟ್ರಿಕ್ಸ್ (ಎಎಪಿ) ಕ್ಲಿನಿಕಲ್ ಅಭ್ಯಾಸ ಮಾರ್ಗಸೂಚಿ ನವೀಕರಿಸಲು ಈ ಅಧ್ಯಯನ ಸಹಾಯ ಮಾಡುತ್ತದೆ ಎಂದು ಅಧ್ಯಯನ ತಂಡ ತಿಳಿಸಿದೆ. (ಐಎಎನ್ಎಸ್)
ಇದನ್ನೂ ಓದಿ: ಗಂಭೀರ ಮಾನಸಿಕ ಆರೋಗ್ಯ ಸಮಸ್ಯೆಯಲ್ಲಿ ಎಡಿಎಚ್ಡಿ ಅಪಾಯದ ಅಂಶಗಳು; ಅಧ್ಯಯನ
