ಹೈದರಾಬಾದ್: ಇಂದು ಅನೇಕ ಮಂದಿ ಸಾಮಾನ್ಯ ಬದಲಾಗಿ ಡಯಟ್ ಸಾಫ್ಟ್ ಡ್ರಿಂಕ್ಸ್ ಮೊರೆ ಹೋಗುತ್ತಿದ್ದಾರೆ. ಈ ಮೂಲಕ ತಮ್ಮ ಡಯಟ್ನಲ್ಲಿ ಸಕ್ಕರೆ ಅಂಶ ಕಡಿತದ ಪಾನೀಯಗಳಿಗೆ ಆದ್ಯತೆ ನೀಡುತ್ತಿದ್ದಾರೆ. ಆದರೆ, ಈ ಡಯಟ್ ಸಾಫ್ಟ್ ಡ್ರಿಂಕ್ಸ್ಗಳನ್ನು ದೀರ್ಘಕಾಲ ಸೇವಿಸುವುದು ಆರೋಗ್ಯದ ಮೇಲೆ ಪ್ರತಿಕೂಲ ಪರಿಣಾಮ ಕೂಡ ಬೀರಲಿದೆ ಎಂದಿದ್ದಾರೆ ಸಂಶೋಧಕರು.
ಡಯಟ್ ಸಾಫ್ಟ್ ಡ್ರಿಂಕ್ಸ್ನಲ್ಲಿ ಸಿಹಿ: ಜನರು ಪ್ರತಿನಿತ್ಯ ಈ ರೀತಿ ಡಯಟ್ ಡ್ರಿಂಕ್ಸ್ ಸೇವಿಸುತ್ತಿದ್ದರೆ, ಅದರ ಪ್ರಮಾಣವನ್ನು ಶೇ 10 ಕ್ಕಿಂತ ಕಡಿಮೆ ಮಾಡಲು ಡಬ್ಲ್ಯೂಎಚ್ಒ ಸಲಹೆ ನೀಡಿದೆ. ಬಳಿಕ ಶೇ 5ಕ್ಕಿಂತ ಅಥವಾ ಶೇ 25ರಷ್ಟುನ್ನು ಪ್ರತಿನಿತ್ಯ ಕಡಿಮೆ ಮಾಡುವುದರಿಂದ ಹೆಚ್ಚುವರಿ ಆರೋಗ್ಯ ಲಾಭ ಪಡೆಯಬಹುದು ಎಂದಿದೆ.
ಡಯಟ್ ಸಾಫ್ಟ್ ಡ್ರಿಂಕ್ಸ್ಗಳು ಸಾಮಾನ್ಯ ಸಾಫ್ಟ್ ಡ್ರಂಕ್ಸ್ನ ರುಚಿಯನ್ನೇ ಹೊಂದಿರುವಂತೆ ಮಾಡಿದ್ದರೂ ಇದರಲ್ಲಿ ಸಕ್ಕರೆ ಇರುವುದಿಲ್ಲ. ಸಕ್ಕರೆ ಬದಲಾಗಿ ಇದರಲ್ಲಿ ಕೃತಕ ಸಿಹಿ ಬಳಕೆ ಮಾಡಲಾಗುವುದು. ಈ ಕೃತಕ ಸಿಹಿ ಆಸ್ಪರ್ಟೇಮ್, ಸಚ್ಚರೈನ್ ಸುಕ್ರಲೊಸ್ ಹೊಂದಿರುತ್ತದೆ. ಕೃತಕ ಸಿಹಿ ಹೊಂದಿರುವ ಪಾನೀಯಗಳು ಸಾಮಾನ್ಯ ಪಾನೀಯಕ್ಕಿಂತ ಹೆಚ್ಚು ಸಿಹಿಯಾಗಿರುತ್ತದೆ.
ಆಸ್ಪರ್ಟೇಮ್ ಬಗ್ಗೆ ಸಂಶೋಧಕರು ಹೇಳುವುದೇನು?: ಸಾಫ್ಟ್ ಡ್ರಿಂಕ್ಸ್ನಲ್ಲಿರುವ ಕೃತಕ ಸಿಹಿಗಳು ಸೇವನೆಗೆ ಸುರಕ್ಷಿತವಾಗಿದೆ ಎಂದು ಅಮೆರಿಕ ಮತ್ತು ಆಸ್ಟ್ರೇಲಿಯಾ ಆಹಾರ ಅಧಿಕಾರಿಗಳು ತಿಳಿಸುತ್ತಾರೆ. ಆದರೆ, ಸಂಶೋಧಕರು ಇದರ ದೀರ್ಘ ಸೇವನೆ ಬಗ್ಗೆ ಆತಂಕ ವ್ಯಕ್ತಪಡಿಸಿದ್ದಾರೆ. ನಿಯಮಿತವಾಗಿ ಇದರ ಸೇವನೆ ಮುಂದಾಗುವವರಲ್ಲಿ ಇದು ಕೆಲವು ನಿರ್ದಿಷ್ಟ ಚಯಾಪಚಯ ಪರಿಸ್ಥಿತಿಗೆ ಕಾರಣವಾಗಬಹುದು.
ಕೃತಕ ಸಿಹಿಗೆ ಬಳಕೆ ಮಾಡುವ ಆಸ್ಪರ್ಟೇಮ್ ಕ್ಯಾನ್ಸರ್ ಕಾರಕ ಬೆಳವಣಿಗೆ ಕಾರಣವಾಗಬಹುದು ಎಂದು 2023ರಲ್ಲಿ ಡಬ್ಲ್ಯೂಹೆಚ್ಒ ತಿಳಿಸಿದೆ. ಆದರೆ, ಈ ಸಂಬಂಧ ಯಾವುದೇ ನೈಜ ದೃಢವಾದ ಸಾಕ್ಷ್ಯಗಳು ಲಭ್ಯವಾಗಿಲ್ಲ.
ತೂಕ ನಿರ್ವಹಣೆಗೆ ಡಯಟ್ ಸಾಫ್ಟ್ ಡ್ರಿಂಕ್ಸ್?: ಸಂಶೋಧಕರ ಪ್ರಕಾರ, ಡಯಟ್ ಸಾಫ್ಟ್ ಡ್ರಿಂಕ್ಸ್ಗಳು ತೂಕ ನಿರ್ವಹಣೆಗೆ ಸಹಾಯ ಮಾಡುತ್ತದೆ ಎಂಬ ಯಾವುದೇ ಬಲವಾದ ಸಂಬಂಧ ಇಲ್ಲ. 2022ರಲ್ಲಿ ಡಬ್ಲ್ಯೂಹೆಚ್ಒ ಈ ಸಂಬಂಧ ವ್ಯವಸ್ಥಿತಿ ಪರಮಾರ್ಶೆ ನಡೆಸಿದೆ. ಈ ಯಾದೃಚ್ಛಿಕ ನಿಯಂತ್ರಣದಲ್ಲಿ ಕೃತಕ ಸಿಹಿಕಾರಕಗಳು ಕೊಂಚ ಪ್ರಮಾಣದ ತೂಕ ತಗ್ಗಿಸುವಲ್ಲಿ ಸಹಾಯ ಮಾಡಿರುವುದು ಕಂಡಿದೆ. ಆದರೆ, ಗ್ರಹಿಕೆ ಅಧ್ಯಯನದಲ್ಲಿ ಕೃತಕ ಸಿಹಿ ಸೇವನೆಯು ಹೆಚ್ಚಿನ ಬಿಎಂಐ ಅಪಾಯಕ್ಕೆ ಕಾರಣವಾಗಿದೆ.
ಮತ್ತೊಂದೆಡೆ, ಕೃತಕ ಸಿಹಿಕಾರಣಗಳು ದೀರ್ಘ ಕಾಲದಲ್ಲಿ ತೂಕ ನಿರ್ವಹಣೆಗೆ ನೇರ ಸಹಾಯ ಮಾಡಿಲ್ಲ. ಡಬ್ಲ್ಯೂಹೆಚ್ಒ ಕೂಡ ಕೃತಕ ಸಿಹಿಕಾರಕವನ್ನು ತೂಕ ನಿರ್ವಹಣೆಗೆ ಬಳಸದಂತೆ ಸಲಹೆ ನೀಡಿದೆ.
ಪ್ರಾಣಿಗಳ ಮೇಲೆ ನಡೆಸಲಾದ ಅಧ್ಯಯನದಲ್ಲಿ ಅಧಿಕ ಮಟ್ಟದ ಕೃತಕ ಸಿಹಿ ಬಳಕೆಯು ಮೆದುಳಿಗೆ ಹಸಿವೆಯ ಚಿಹ್ನೆಯನ್ನು ರವಾನಿಸಿ, ಮತ್ತಷ್ಟು ತಿನ್ನುವಿಕೆಗೆ ಪ್ರೆರೇಪಿಸುತ್ತದೆ. ಆದಾಗ್ಯೂ ಈ ಅಧ್ಯಯನ ಮನುಷ್ಯರ ಮೇಲೆ ಇನ್ನು ಸಾಬೀತಾಗಿಲ್ಲ.
ಉರಿಯೂತ ಮತ್ತು ಹಲ್ಲಿನ ಸಮಸ್ಯೆ: ಕೃತಕ ಸಿಹಿಕಾರಕವೂ ಜೀರ್ಣವ್ಯವಸ್ಥೆಯ ಪದರದ ಮೇಲೆ ಕಿರಿಕಿರಿ ಮೂಡಿಸಿ, ಉರಿಯೂತಕ್ಕೆ ಕಾರಣವಾಗುತ್ತದೆ. ಇದು ಅತಿಸಾರ, ಮಲಬದ್ಧತೆ, ಉಬ್ಬರ ಮತ್ತು ಇತರೆ ಉದರದ ಸಮಸ್ಯೆಗೆ ಕಾರಣವಾಗುತ್ತದೆ. ಆದಾಗ್ಯೂ ಈ ಸಂಬಂಧ ಹೆಚ್ಚಿನ ಸಂಶೋಧನೆ ಅಗತ್ಯವಾಗಿದೆ.
ಅಧಿಕ ಮಟ್ಟದ ಸಾಫ್ಟ್ ಡ್ರಿಂಕ್ಸ್ ಸೇವನೆಯು ಲಿವರ್ ಸಮಸ್ಯೆಯೊಂದಿಗೆ ಸಂಬಂಧ ಹೊಂದಿದೆ. ಜೊತೆಗೆ ಇದು ಹಲ್ಲಿನ ಸಮಸ್ಯೆಗೂ ಕಾರಣವಾಗುತ್ತದೆ. ಫಾಸ್ಪರಿಕ್ ಮತ್ತು ಸಿಟ್ರಿಕ್ ಅಂಶ ಹೊಂದಿರುವ ಪಾನೀಯ ಸೇವನೆಯು ಹಲ್ಲಿನ ಎನಾಮಲ್ ಹಾನಿಗೆ ಕಾರಣವಾಗುವ ಸಾಧ್ಯತೆ ಇದೆ.
ಸುಧಾರಣೆ ಅಂಶ: ಸಾಫ್ಟ್ ಡ್ರಿಂಕ್ಸ್ ಪರಿಣಾಮ ತಡೆಗೆ ಪೋಷಕಾಂಶ ಮತ್ತು ಸುಧಾರಣೆ ಪ್ರಮುಖವಾಗಿದೆ. ಅಪರೂಪಕ್ಕೆ ಒಮ್ಮೆ ಈ ರೀತಿ ಪಾನೀಯ ಸೇವನೆ ಯಾವುದೇ ಆರೋಗ್ಯ ಹಾನಿಗೆ ಕಾರಣವಾಗುವುದಿಲ್ಲ. ಆದರೆ, ಪದೇ ಪದೇ ಅಥವಾ ಅಧಿಕ ಪಾನೀಯ ಸೇವನೆ ಆರೋಗ್ಯದ ಅಪಾಯವನ್ನು ಹೆಚ್ಚಿಸುತ್ತದೆ.
ನಿರ್ಜಲೀಕರಣ ಸಮಸ್ಯೆ ತಡೆಗೆ ಶುದ್ಧ ಸಾಮಾನ್ಯ ನೀರು, ಇನ್ಫ್ಯೂಸ್ಡ್ ನೀರು, ಸ್ಪಾರ್ಕಲಿಂಗ್ ವಾಟರ್, ಹರ್ಬಲ್ ಟೀ ಅಥವಾ ಹಾಲು ಉತ್ತಮ ಆಯ್ಕೆಯಾಗಿದೆ.
ಇದನ್ನೂ ಓದಿ: ಸಾಫ್ಟ್ ಡ್ರಿಂಕ್ಸ್ ಇಷ್ಟವೇ? ಹೆಚ್ಚು ಕುಡೀತೀರಾ? ಹಾಗಿದ್ದರೆ, ಒಮ್ಮೆ ಮೂಳೆ ಪರೀಕ್ಷೆ ಮಾಡಿಸಿ!
