ಹೈದರಾಬಾದ್: ಆರೋಗ್ಯಕರ ಡಯಟ್ ಸಂದರ್ಭದಲ್ಲಿ ಸ್ನಾಕ್ಸ್ ವೇಳೆ ಡ್ರೈಫ್ರೂಟ್ಸ್ ಸೇವನೆಯಲ್ಲಿ ಗೋಡಂಬಿ ಮತ್ತು ಬಾದಾಮಿಯನ್ನು ಆಯ್ಕೆ ಮಾಡುತ್ತಾರೆ. ಪ್ರತಿಯೊಬ್ಬರೂ ಇದನ್ನು ತಿನ್ನಲು ಕಾರಣ ಇದು ರುಚಿಕರ ಎಂಬುದು. ಇವುಗಳು ಪೋಷಕಾಂಶದ ಆಗರವಾಗಿದ್ದು, ಆರೋಗ್ಯಕ್ಕೆ ಉತ್ತಮವಾಗಿದೆ. ಬಾದಾಮಿ ಮತ್ತು ಗೋಡಂಬಿ ಎರಡು ಕೂಡ ಸಮೃದ್ಧ ಗುಣಗಳಿಂದ ಕೂಡಿದೆ. ತೂಕ ನಷ್ಟಕ್ಕೆ ಇದರೆಡರಲ್ಲಿ ಯಾವುದು ಉತ್ತಮ ಎಂಬ ಪ್ರಶ್ನೆ ಕಾಡುತ್ತದೆ. ನಿಮ್ಮ ಅನುಮಾನಕ್ಕೆ ಇಲ್ಲಿದೆ ಉತ್ತರ.
ಗೋಡಂಬಿ ಪ್ರಯೋಜನ: ಪ್ರೋಟೀನ್, ಆರೋಗ್ಯಯುತ ಕೊಬ್ಬು, ಪಾಲಿಪೆನೊಲ್ಸ್ನಂತಹ ಆ್ಯಂಟಿಆಕ್ಸಿಡೆಂಟ್ ಗುಣವನ್ನು ಇದು ಹೊಂದಿದ್ದು, ಆರೋಗ್ಯಕ್ಕೆ ಪ್ರಯೋಜನಕಾರಿಯಾಗಿದೆ. ಇದರಲ್ಲಿ ಸಮೃದ್ಧವಾದ ಮೊನೊಸ್ಯಾಚುರೇಡೆಟ್ ಕೊಬ್ಬು ಇದ್ದು, ಇದು ಆರೋಗ್ಯಕರ ಕೊಬ್ಬು ಎಚ್ಡಿಎಲ್ ಮಟ್ಟ ಏರಿಕೆ ಮಾಡಿ, ಕೆಟ್ಟ ಕೊಬ್ಬಾಗಿರುವ ಎಲ್ಡಿಎಲ್ ಮಟ್ಟವನ್ನು ಕಡಿಮೆ ಮಾಡುತ್ತದೆ. ಜೊತೆಗೆ ಇದರಲ್ಲಿರುವ ಹೆಚ್ಚಿನ ಮೆಗ್ನಿಶಿಯಂ ಅಂಶವೂ ಹೃದಯ ರೋಗದ ಅಪಾಯವನ್ನು ತಡೆಯುತ್ತದೆ. ಇದರಲ್ಲಿ ಕಡಿಮೆ ಕಾರ್ಬೋಹೈಡ್ರೇಟ್ಸ್ ಇದ್ದು, ರಕ್ತದ ಸಕ್ಕರೆ ಮಟ್ಟವನ್ನು ನಿಯಂತ್ರಿಸುವಲ್ಲಿ ಪರಿಣಾಮಕಾರಿಯಾಗಿದೆ.
ಬಾದಾಮಿ: ಇತರ ಡ್ರೈಫ್ರೂಟ್ಸ್ಗೆ ಹೋಲಿಕೆ ಮಾಡಿದಾಗ ಇದರಲ್ಲಿ ಅತಿ ಹೆಚ್ಚಿನ ಫೈಬರ್ ಅಂಶ ಇದೆ. ಒಂದು ಔನ್ಸ್ ಬಾದಾಮಿಯಲ್ಲಿ 3 ಗ್ರಾಂ ಫೈಬರ್ ಇರುತ್ತದೆ. ವಿಟಮಿನ್ ಇ ಸಮೃದ್ಧವಾಗಿದೆ. ಕೆಲವು ಅಧ್ಯಯನಗಳ ಪ್ರಕಾರ, ಬಾದಾಮಿಯು ದೇಹದಲ್ಲಿನ ಉತ್ತಮ ಬ್ಯಾಕ್ಟೀರಿಯಾ ಮಟ್ಟವನ್ನು ಹೆಚ್ಚಿಸಿ, ದೇಹದ ಪ್ರತಿರೋಧಕ ಶಕ್ತಿ ವೃದ್ದಿಸುತ್ತದೆ. ಅದೇ ರೀತಿ ಬಾದಾಮಿಯಲ್ಲಿ ಮೆಗ್ನಿಶಿಯಂ ಸಮೃದ್ಧವಾಗಿದ್ದು, ಟೈಪ್ 2 ಮಧುಮೇಹ ಅಪಾಯ ಕಡಿಮೆ ಮಾಡಿ, ರಕ್ತದೊತ್ತಡವನ್ನು ನಿಯಂತ್ರಿಸುತ್ತದೆ.
ಎರಡರಲ್ಲಿ ಯಾವುದು ಬೆಸ್ಟ್: ಪೌಷ್ಟಿಕ ತಜ್ಞರು ಹೇಳುವಂತೆ, ಬಾದಾಮಿ ದೇಹದಲ್ಲಿ ಹೆಚ್ಚಿರುವ ಕೊಬ್ಬನ್ನು ತೆಗೆದು ಹಾಕುತ್ತದೆ, ಇದರಲ್ಲಿ ಸಮೃದ್ಧ ಅಮಿನೋ ಆಸಿಡ್ ಅರ್ಗೈನೈನ್ ಇದೆ. ಕೆಲವು ಅಧ್ಯಯನಗಳ ಪ್ರಕಾರ, ಬಾದಾಮಿ, ಹೆಚ್ಚಿನ ಕೊಬ್ಬು ಮತ್ತು ಕಾರ್ಬೋ ಹೈಡ್ರೇಟ್ ಕರಗಿಸುತ್ತದೆ. ಜೊತೆಗೆ ತಜ್ಞರು ಸಲಹೆ ನೀಡುವಂತೆ, ಸ್ಥೂಲಕಾಯ ಹೊಂದಿರುವವರು ನಿಯಮಿತವಾಗಿ ಬಾದಾಮಿ ಸೇವನೆ ಮಾಡುವುದರಿಂದ ತೂಕ ನಷ್ಟಗೊಳ್ಳಬಹುದು.
ಅಧ್ಯಯನದ ಪ್ರಕಾರ, ಇತರ ಒಣಹಣ್ಣುಗಳಿಗೆ ಹೋಲಿಕೆ ಮಾಡಿದರೆ, ಗೋಡಂಬಿಯಲ್ಲಿ ಕಡಿಮೆ ಕೊಬ್ಬು ಇದೆ. ಅದಾಗ್ಯೂ ಇದು ತೂಕ ನಷ್ಟಕ್ಕೆ ಪರಿಣಾಮಕಾರಿ ಎಂಬ ಕುರಿತು ಯಾವುದೇ ಅಗತ್ಯ ಅಧ್ಯಯನಗಳು ಲಭ್ಯವಿಲ್ಲ. ಗೋಡುಂಬಿಯಲ್ಲಿ ಪ್ರೋಟೀನ್ ಅಂಶ ಹೆಚ್ಚಿದೆ. ಇದರಿಂದ ಇದನ್ನು ಸೇವಿಸಿದಾಗ ಹೊಟ್ಟೆ ತುಂಬಿದ ಅನುಭವ ಆಗುತ್ತದೆ. ಆದರೆ, ರೀತಿ ಇದರಲ್ಲಿ ವಿಟಮಿನ್ ಕೆ ಮತ್ತು ಜಿಂಕ್ ಇದೆ. ಪೌಷ್ಟಿಕಾಂಶ ತಜ್ಞರು ಹೇಳುವಂತೆ ಫೈಬರ್ ಅಂಶ ಹೊಂದಿರುವ ಹಿನ್ನಲೆ ತೂಕ ನಷ್ಟಕ್ಕೆ ಇದು ಉತ್ತಮವಾಗಿದ್ದು, ವಿಟಮಿನ್ ಇ ಮತ್ತು ಕ್ಯಾಲ್ಸಿಯಂ ಗುಣ ಇದರಲ್ಲಿದೆ.
2017ರಲ್ಲಿ ಅಮೆರಿಕನ್ ಜರ್ನಲ್ ಆಫ್ ಕ್ಲಿನಿಕಲ್ ನ್ಯೂಟ್ರಿಷಿಯನ್ನಲ್ಲಿ ಪ್ರಕಟವಾದ ವರದಿ ಪ್ರಕಾರ, ಆರು ತಿಂಗಳ ಕಾಲ ಪ್ರತಿ ನಿತ್ಉ 35 ಗ್ರಾಂ ಬಾದಾಮಿ ಸೇವಿಸಿದವರಲ್ಲಿ 1.5 ಪೌಂಡ್ ತೂಕ ನಷ್ಟವಾಗಿದೆ. ಪೆನ್ಸಿಲ್ವೇನಿಯಾ ಸ್ಟೇಟ್ ಯುನಿವರ್ಸಿಟಿಯ ಪ್ರಮುಖ ನ್ಯೂಟ್ರಿಷಿಯನಿಸ್ಟ್ ಡಾ ಪೀಟರ್ ಡಿ ಈ ಸಂಶೋಧನೆಯ ಭಾಗವಾಗಿದ್ದಾರೆ. ಅವರು ಕೂಡ ಪ್ರತಿನಿತ್ಯ ಬಾದಾಮಿ ಸೇವನೆ ಮಾಡುವುದರಿಂದ ತೂಕ ನಷ್ಟವಾಗಿದೆ ಎಂದು ತಿಳಿಸಿದ್ದಾರೆ.
ವಿಶೇಷ ಸೂಚನೆ: ಇಲ್ಲಿ ನೀಡಿರುವ ಮಾಹಿತಿಗಳು ಸಂಶೋಧನೆ, ಅಧ್ಯಯನಗಳ ಅಧರಿಸಿ ನೀಡಲಾಗಿದೆ. ಆದರೆ, ಇವುಗಳನ್ನು ಅನುಸರಿಸುವ ಮೊದಲು ವೈದ್ಯರ ಸಲಹೆಯನ್ನು ಪಡೆಯುವುದು ಉತ್ತಮ.
ಇದನ್ನೂ ಓದಿ: ತುಪ್ಪದಲ್ಲಿ ನೆನೆಸಿಟ್ಟ ಖರ್ಜೂರ ತಿಂದರೆ, ಆರೋಗ್ಯಕ್ಕೆ ಏನೆಲ್ಲಾ ಪ್ರಯೋಜನ ಎಂಬುದು ನಿಮಗೆ ಗೊತ್ತಾ?
