ಮುಂಬೈ(ಮಹಾರಾಷ್ಟ್ರ): ಕಳೆದ ವಾರ ನಡೆದ ಅಂಬಾನಿ ಕುಟುಂಬದ ಅದ್ಧೂರಿ ಮದುವೆ ಇಡೀ ವಿಶ್ವದ ಗಮನ ಸೆಳೆಯಿತು. ಶುಕ್ರವಾರ ಅನಂತ್ ಅಂಬಾನಿ ಮತ್ತು ರಾಧಿಕಾ ಮರ್ಚೆಂಟ್ ಸಪ್ತಪದಿ ತುಳಿದರು. ಸುಮಾರು ಎರಡು ವಾರಗಳ ಕಾಲ ವಿವಾಹ ಮಹೋತ್ಸವ ಜರುಗಿತ್ತು. ಸಾವಿರಾರು ಕೋಟಿ ರೂ. ಖರ್ಚು ಮಾಡಿರುವ ಈ ವೈಭವೋಪೇತ ವಿವಾಹ ಸಮಾರಂಭಕ್ಕೆ ಬಾಲಿವುಡ್‌ನಿಂದ ಹಿಡಿದು ದಕ್ಷಿಣ ಚಿತ್ರರಂಗದ ಖ್ಯಾತನಾಮರೆಲ್ಲ ಸಾಕ್ಷಿಯಾಗಿದ್ದರು. ಸ್ಯಾಂಡಲ್ವುಡ್ನ ರಾಕಿಂಗ್ ಸ್ಟಾರ್ ಯಶ್ ಕೂಡ ತಮ್ಮ ಪತ್ನಿಯೊಂದಿಗೆ ಹೈ-ಪ್ರೊಫೈಲ್ ಪ್ರೋಗ್ರಾಮ್ನಲ್ಲಿ ಭಾಗವಹಿಸಿದ್ದರು.
ಕಳೆದ ವಾರ ಸೋಷಿಯಲ್ ಮೀಡಿಯಾದಲ್ಲಿ ಅಂಬಾನಿ ಮದುವೆಯದ್ದೇ ಸದ್ದುಗದ್ದಲವಾಗಿತ್ತು. ಕ್ಷಣ ಕ್ಷಣದ ಮಾಹಿತಿ, ಫೋಟೋ-ವಿಡಿಯೋಗಳನ್ನು ಪಾಪರಾಜಿಗಳು ತಮ್ಮ ಅಧಿಕೃತ ಸೋಷಿಯಲ್ ಮೀಡಿಯಾ ಪ್ಲಾಟ್ಫಾರ್ಮ್ಗಳಲ್ಲಿ ಶೇರ್ ಮಾಡುತ್ತಾ ನೆಟ್ಟಿಗರ ಕಾತರ ತಣಿಸಿದ್ದರು. ಅಮಿತಾಭ್ ಬಚ್ಚನ್ ಅವರಿಂದ ಹಿಡಿದು ಶಾರುಖ್ ಖಾನ್, ಸಲ್ಮಾನ್ ಖಾನ್ವರೆಗೆ ಅನೇಕ ಬಾಲಿವುಡ್ ತಾರೆಯರ ಫೋಟೋ, ವಿಡಿಯೋಗಳು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದ್ದವು.
ಆದರೆ, ಕೆಜಿಎಫ್ ಸ್ಟಾರ್ನ ಫೋಟೋ, ವಿಡಿಯೋ ನೋಡಲು ಅಪಾರ ಸಂಖ್ಯೆಯ ಅಭಿಮಾನಿಗಳು ಕಾತರರಾಗಿದ್ದು, ತಡವಾಗಿ ಒಂದು ವಿಡಿಯೋವಷ್ಟೇ ವೈರಲ್ ಆಗಿತ್ತು. ಏರ್ಪೋರ್ಟ್ನಿಂದ ಯಶ್ ರಾಧಿಕಾ ಅವರ ವಿಡಿಯೋ ವೈರಲ್ ಆದ ಬೆನ್ನಲ್ಲೇ ಮದುವೆ ಸಮಾರಂಭದ ವಿಡಿಯೋಗಳಿಗಾಗಿ, ಪಾಪರಾಜಿಗಳು ಶೇರ್ ಮಾಡುವ ದೃಶ್ಯಗಳಿಗಾಗಿ ದಕ್ಷಿಣದ ಮಂದಿ ಕಾತರರಾಗಿದ್ದರು. ಆದರೆ ಫೋಟೋ- ವಿಡಿಯೋ ಮಾತ್ರ ಸಿಕ್ಕಿರಲಿಲ್ಲ. ನಂತರ ಗಣ್ಯರೊಂದಿಗೆ ಕುಳಿತಿರುವ ಒಂದು ವಿಡಿಯೋ ವೈರಲ್ ಆಗಿತ್ತು. ಇದೀಗ ಯಶ್ ರಾಧಿಕಾ ಅವರ ಸಂಪೂರ್ಣ ನೋಟ ರಿವೀಲ್ ಆಗಿದೆ.
ಕೆಲವು ಫೋಟೋಗಳನ್ನು ಬಾಲಿವುಡ್‌ನ ಧಕ್ ಧಕ್ ಬೆಡಗಿ ಮಾಧುರಿ ದೀಕ್ಷಿತ್ ಅವರ ಪತಿ ಡಾ. ಶ್ರೀರಾಮ್ ನೆನೆ ತಮ್ಮ ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಂಡಿದ್ದಾರೆ. ನಿನ್ನೆ ರಾತ್ರಿ ಶ್ರೀರಾಮ್ ತಮ್ಮ ಅಧಿಕೃತ ಇನ್ಸ್ಟಾಗ್ರಾಮ್ನಲ್ಲಿ ಅನಂತ್ ರಾಧಿಕಾ ಮದುವೆಯ ಫೋಟೋಗಳನ್ನು ಹಂಚಿಕೊಂಡಿದ್ದಾರೆ. ಮಾಧುರಿ ದೀಕ್ಷಿತ್ ಸೇರಿದಂತೆ ಗಣ್ಯರನ್ನು ಈ ಫೋಟೋಗಳಲ್ಲಿ ಕಾಣಬಹುದು. ಶಾರುಖ್ ಖಾನ್ ಅವರ ಸಂಪೂರ್ಣ ಕುಟುಂಬವೂ ಇದೆ. ಅದರಂತೆ ಪ್ರಧಾನಿ ಮೋದಿ ಮತ್ತು ಅನಂತ್ ಅಂಬಾನಿ ಇದ್ದಾರೆ. ಜೊತೆಗೆ ಮಾಜಿ ವಿಶ್ವ ಸುಂದರಿ ಐಶ್ವರ್ಯಾ ರೈ ಮತ್ತು ಮಗಳು ಆರಾಧ್ಯ ಅವರೊಂದಿಗೂ ಕಾಣಿಸಿಕೊಂಡಿದ್ದಾರೆ.
ಇದನ್ನೂ ಓದಿ: ಸ್ಯಾಂಡಲ್ವುಡ್ನ ಕಾಮಿಡಿ ಸ್ಟಾರ್ ಈಗ ಖಡಕ್ ವಿಲನ್: ಈ ನಟನನ್ನು ಗುರುತಿಸುವಿರೇ? - Villain role Photoshoot
ಮತ್ತೊಂದು ಫೋಟೋದಲ್ಲಿ ರಣ್ವೀರ್ ಸಿಂಗ್, ಯಶ್, ರಾಧಿಕಾ ಪಂಡಿತ್ ಅವರೊಟ್ಟಿಗೆ ಮಾಧುರಿ - ಶ್ರೀರಾಮ್ ಇದ್ದಾರೆ. ಐದನೇ ಚಿತ್ರದಲ್ಲಿ ಜಾಕಿ ಶ್ರಾಫ್, ಆರನೇ ಚಿತ್ರದಲ್ಲಿ ಸ್ಟಾರ್ ಕ್ರಿಕೆಟರ್ ಬುಮ್ರಾ ಮತ್ತು ಅವರ ಪತ್ನಿ ಸಂಜನಾ ಗಣೇಶನ್, ಏಳನೇ ಚಿತ್ರದಲ್ಲಿ ಎಂ.ಎಸ್.ಧೋನಿ ಕುಟುಂಬದೊಂದಿಗಿದ್ದಾರೆ. ಈ ಚಿತ್ರದಲ್ಲಿ ಕ್ರಿಕೆಟಿಗ ರಿಷಬ್ ಪಂತ್ ಅವರನ್ನೂ ನೋಡಬಹುದು. ಕೊನೆ ಚಿತ್ರದಲ್ಲಿ, ನೆನೆ ಕುಟುಂಬ ಮಾಸ್ಟರ್ ಬ್ಲಾಸ್ಟರ್ ಸಚಿನ್ ತೆಂಡೂಲ್ಕರ್ ಮತ್ತು ಅವರ ಪತ್ನಿ ಅಂಜಲಿಯೊಂದಿಗೆ ಕಾಣಿಸಿಕೊಂಡಿದ್ದಾರೆ. ಸದ್ಯ ಯಶ್ ರಾಧಿಕಾ ಲುಕ್ ವೈರಲ್ ಆಗುತ್ತಿದ್ದು, ಅಭಿಮಾನಿಗಳ ಮೆಚ್ಚುಗೆ ಗಳಿಸಿದೆ.
