ಕಿರುತೆರೆಯ ಜನಪ್ರಿಯ ಕಾರ್ಯಕ್ರಮ 'ಬಿಗ್ ಬಾಸ್ ಕನ್ನಡ ಸೀಸನ್ 11' ಏಳನೇ ವಾರಾಂತ್ಯದಲ್ಲಿದೆ. ಕಳೆದ ವಾರ ಎಲಿಮಿನೇಷನ್ ನಡೆದಿಲ್ಲ. ಕೊನೆಗೆ ಟ್ವಿಸ್ಟ್ ನಡೆದಿದ್ದು, ಭವ್ಯಾ ಬಚಾವ್ ಅಗಿದ್ದಾರೆ. ಆದ್ರೆ ಈ ವಾರ ಮನೆಯಿಂದ ಓರ್ವರು ಹೊರನಡೆಯೋದು ಬಹುತೇಕ ಪಕ್ಕಾ. ಈ ಬಾರಿ ಯಾರು ಮನೆಯಿಂದ ಹೊರನಡೆಯುತ್ತಾರೆ ಎಂಬ ಕುತೂಹಲ ಸಹಸ್ಪರ್ಧಿಗಳ ಜೊತೆಗೆ ನೋಡುಗರಿಗೂ ಇದೆ. ರಾತ್ರಿ 9 ಗಂಟೆಗೆ ಸಂಪೂರ್ಣ ಸಂಚಿಕೆ ಪ್ರಸಾರ ಆಗಲಿದೆ.
''ಒಟ್ಟಿಗಿದ್ದು ಒಳಗೊಳಗೇ ಕತ್ತಿ ಮಸೆದಿದ್ಯಾರು?'' ವಾರದ ಕಥೆ ಕಿಚ್ಚನ ಜೊತೆ. ಇಂದು ರಾತ್ರಿ 9ಕ್ಕೆ ಪ್ರಸಾರ ಎಂಬ ಕ್ಯಾಪ್ಷನ್ನೊಂದಿಗೆ ಇಂದಿನ ಸಂಚಿಕೆಯ ಪ್ರೋಮೋ ಅನಾವರಣಗೊಂಡಿದೆ. ''ಹತ್ತು ಕಂಟಸ್ಟೆಂಟ್ಗಳ ಮೇಲೆ ನಾಮಿನೇಷನ್ ತೂಗುಗತ್ತಿ. ಒಟ್ಟಿಗಿದ್ದು ಒಳಗೊಳಗೇ ಕತ್ತಿ ಮಸೆದವರಾರು?. ಕಿಚ್ಚನ ಪಂಚಾಯಿತಿಯಲ್ಲಿ ಪಾಸಾಗೋದ್ಯಾರು?. ಗೇಟ್ ಪಾಸ್ ಯಾರಿಗೆ?. ವಾರದ ಕಥೆ ಕಿಚ್ಚನ ಜೊತೆಗೆ. ಇಂದು ರಾತ್ರಿ 8 ಗಂಟೆಗೆ'' ಎಂಬ ಪ್ರೋಮೋದ ಹಿನ್ನೆಲೆ ದನಿ ನೋಡುಗರ ಕುತೂಹಲ ಕೆರಳಿಸಿದೆ. ಸಂಪೂರ್ಣ ಸಂಚಿಕೆ ವೀಕ್ಷಿಸಲು ಅಭಿಮಾನಿಗಳು ಕಾತರರಾಗಿದ್ದಾರೆ.
''ವಾರದ ಪಂಚಾಯ್ತಿಯಲ್ಲಿ ಕಿಚ್ಚ ಸುದೀಪ ಯಾವೆಲ್ಲಾ ವಿಷ್ಯ ಚರ್ಚೆ ಮಾಡ್ಬೇಕು?'' ಎಂಬ ಕ್ಯಾಪ್ಷನ್ನೊಂದಿಗೆ ಕಳೆದ ದಿನ ಪೋಸ್ಟರ್ ಅನಾವರಣಗೊಳಿಸಲಾಗಿತ್ತು. ಇಲ್ಲಿನ ಪ್ರತೀ ಸ್ಪರ್ಧಿಗಳು ತಮ್ಮದೇ ಆದ ಅಭಿಮಾನಿ ಬಳಗವನ್ನು ಹೊಂದಿದ್ದಾರೆ. ಆ ಪ್ರಕಾರ, ಸೋಷಿಯಲ್ ಮೀಡಿಯಾದಲ್ಲಿ ಪ್ರತಿಯೊಬ್ಬರ ಬಗ್ಗೆ ಪರ ವಿರೋಧ ಚರ್ಚೆ ನಡೆಯುತ್ತಿದೆ. ಇಂದಿನ ಸಂಚಿಕೆಯಲ್ಲಿ ಯಾವ ವಿಷಯ ಹೈಲೆಟ್ ಆಗಲಿದೆ ಅನ್ನೋದನ್ನು ಕಾದು ನೋಡಬೇಕಿದೆ.
ಇದನ್ನೂ ಓದಿ: 'ಭೈರತಿ ರಣಗಲ್' ಅತ್ಯುತ್ತಮ ಪ್ರದರ್ಶನ: ಮೊದಲ ದಿನ ಬಾಕ್ಸ್ ಆಫೀಸ್ನಲ್ಲಿ ಗಳಿಸಿದ್ದಿಷ್ಟು
ಬಿಗ್ ಬಾಸ್ ಕಾರ್ಯಕ್ರಮದ ಹೈಲೆಟ್ ಅಭಿನಯ ಚಕ್ರವರ್ತಿ ಅಂತಲೇ ಹೇಳಬಹುದು. ವಾರಾಂತ್ಯದ ಕಾರ್ಯಕ್ರಮಗಳನ್ನು ವೀಕ್ಷಿಸುವ ಸಪರೇಟ್ ಫ್ಯಾನ್ ಬೇಸ್ ಇದೆ. ಕಿಚ್ಚನ ನಿರೂಪಣಾ ಶೈಲಿ, ಟಾಕಿಂಗ್ ಸ್ಟೈಲ್, ಡೆಸ್ಸಿಂಗ್ ಸ್ಟೈಲ್, ಬಾಡಿ ಲ್ಯಾಂಗ್ವೇಜ್ , ತಪ್ಪುಗಳನ್ನು ತಿದ್ದಿತೀಡುವ ರೀತಿ, ನಾಜೂಕಾಗೇ ಚಾಟಿ ಬೀಸುವ ರೀತಿ, ಪ್ರಬುದ್ಧತೆಯಿಂದ ಅಪಾರ ಸಂಖ್ಯೆಯ ಅಭಿಮಾನಿಗಳನ್ನು ಸಂಪಾದಿಸಿದ್ದಾರೆ. ವಾರದ ದಿನಗಳಲ್ಲಿ ನಡೆದ ವಿಷಯಗಳನ್ನು ಅವಲೋಕಿಸಿ ವಾರಾಂತ್ಯ ಸರಿಪಡಿಸುವ ಕೆಲಸ ನಡೆಯುತ್ತದೆ. ಇಂದಿನ ಎಪಿಸೋಡ್ ಗಾಂಭೀರ್ಯದಿಂದ ಕೂಡಿದ್ದರೆ, ನಾಳೆಯ ಸಂಚಿಕೆ ಮೋಜು ಮಸ್ತಿಯಿಂದ ಇರಲಿದೆ. ಸದ್ಯ ಇಂದು ರಾತ್ರಿ ಪ್ರಸಾರ ಆಗಲಿರುವ ವಾರದ ಕಥೆ ಕಿಚ್ಚನ ಜೊತೆ ಎಪಿಸೋಡ್ ವೀಕ್ಷಿಸಲು ಅಪಾರ ಸಂಖ್ಯೆಯ ಕನ್ನಡಿಗರು ಕಾತರರಾಗಿದ್ದಾರೆ.
ಇದನ್ನೂ ಓದಿ: ''ಅಹಂಕಾರಿ, ಕಳಪೆ ಮೋಕ್ಷಿತಾ'': ದನಿ ಎತ್ತಿದ ಧನರಾಜ್; ಬಿಗ್ ಬಾಸ್ ಸ್ಪರ್ಧಿಗಳಿಗೆ ಆಶ್ಚರ್ಯ
