ಶಸ್ತ್ರಚಿಕಿತ್ಸೆಗೊಳಗಾದ ಸೂಪರ್​ ಸ್ಟಾರ್ ರವಿತೇಜ: 6 ವಾರ ಬೆಡ್ ರೆಸ್ಟ್​​ಗೆ ವೈದ್ಯರ ಸಲಹೆ - Ravi Teja Injury

ತಾತ್ಕಾಲಿಕ ಶೀರ್ಷಿಕೆಯುಳ್ಳ 'RT75' ಚಿತ್ರದ ಶೂಟಿಂಗ್​ ಸಂದರ್ಭ ಮಾಸ್ ಮಹಾರಾಜ ರವಿತೇಜ ಅವರು ಗಾಯಗೊಂಡಿದ್ದಾರೆ. ಅದಾಗ್ಯೂ ಶೂಟಿಂಗ್​ ಮುಂದುವರಿಸಿದ ಪರಿಣಾಮ ನಟನ ಪರಿಸ್ಥಿತಿ ಹದಗೆಟ್ಟಿತು. ಈ ಹಿನ್ನೆಲೆ ಯಶೋದಾ ಆಸ್ಪತ್ರೆಯಲ್ಲಿ ಶಸ್ತ್ರ ಚಿಕಿತ್ಸೆಗೊಳಗಾಗಿದ್ದಾರೆ.

ಹೈದರಾಬಾದ್: ತೆಲುಗು ಚಿತ್ರರಂಗದ ಖ್ಯಾತ ರವಿತೇಜ ಅವರು ತಮ್ಮ ಮುಂದಿನ ಸಿನಿಮಾ ಸೆಟ್‌ನಲ್ಲಿದ್ದ ಸಂದರ್ಭ ಬಲಗೈಗೆ ಪೆಟ್ಟು ಮಾಡಿಕೊಂಡಿದ್ದರು. ನೋವಿನ ಹೊರತಾಗಿಯೂ ಚಿತ್ರೀಕರಣವನ್ನು ಮುಂದುವರೆಸಿದ ಪರಿಣಾಮ ಅವರ ಸ್ಥಿತಿ ಹದಗೆಟ್ಟಿತು. ಈ ಬೆನ್ನಲ್ಲೇ ಹೈದರಾಬಾದ್​ನ ಯಶೋದಾ ಆಸ್ಪತ್ರೆಯಲ್ಲಿ ಶಸ್ತ್ರ ಚಿಕಿತ್ಸೆ ಪಡೆದಿದ್ದು, ಸಂಪೂರ್ಣ ಚೇತರಿಕೆಗಾಗಿ ಆರು ವಾರಗಳ ಕಾಲ ಬೆಡ್ ರೆಸ್ಟ್ ತೆಗೆದುಕೊಳ್ಳುವಂತೆ ವೈದ್ಯರು ಸೂಚಿಸಿದ್ದಾರೆ.

ಅಧಿಕೃತ ಹೇಳಿಕೆಯಲ್ಲೇನಿದೆ? ನಟನ ವಕ್ತಾರರು ಈ ವಿಚಾರವನ್ನು ದೃಢಪಡಿಸಿದ್ದಾರೆ. ಮುಂದಿನ ಆರು ವಾರಗಳವರೆಗೆ ರವಿ ತೇಜ ತಮ್ಮ ಕೆಲಸದಿಂದ ದೂರವಿರಲಿದ್ದಾರೆ ಎಂಬುದನ್ನು ತಿಳಿಸಿದರು. ಶುಕ್ರವಾರ ಹೊರಡಿಸಲಾದ ಅಧಿಕೃತ ಹೇಳಿಕೆಯಲ್ಲಿ, "ಇತ್ತೀಚೆಗೆ 'RT75' ಶೂಟಿಂಗ್​ ಸಂದರ್ಭ ಮಾಸ್ ಮಹಾರಾಜ ರವಿತೇಜ ಅವರು ಬಲಗೈನ ಸ್ನಾಯು ನೋವಿಗೊಳಗಾದರು (muscle tear in his right hand). ಗಾಯದ ಹೊರತಾಗಿಯೂ, ಅವರು ಚಿತ್ರೀಕರಣ ಮುಂದುವರೆಸಿದರು. ದುರಾದೃಷ್ಟವಶಾತ್ ನೋವು ಉಲ್ಬಣಗೊಂಡಿತು. ಹಾಗಾಗಿ, ಗುರುವಾರ ಯಶೋದಾ ಆಸ್ಪತ್ರೆಯಲ್ಲಿ ಶಸ್ತ್ರಚಿಕಿತ್ಸೆಗೊಳಗಾದರು. ಅವರ ಸಂಪೂರ್ಣ ಚೇತರಿಕೆಗಾಗಿ ವೈದ್ಯರು ಆರು ವಾರಗಳ ಬೆಡ್ ರೆಸ್ಟ್​​ಗೆ ಸೂಚಿಸಿದ್ದಾರೆ'' ಎಂದು ತಿಳಿಸಲಾಗಿದೆ.

ನಟ ಶೀಘ್ರ ಚೇತರಿಕೆಗೆ ಹಾರೈಕೆ: ಈ ಪೋಸ್ಟ್​​ ಸೋಷಿಯಲ್​ ಮೀಡಿಯಾದಲ್ಲಿ ವೈರಲ್​ ಆಗಿದೆ. ಮೆಚ್ಚಿನ ನಟನ ನೋವಿನ ವಿಚಾರ ತಿಳಿದ ಅಭಿಮಾನಿಗಳು ಬೇಸರ ವ್ಯಕ್ತಪಡಿಸಿದ್ದಾರೆ. ಜೊತೆಗೆ ಶೀಘ್ರ ಚೇತರಿಕೆಗೆ ಪ್ರಾರ್ಥನೆ ಸಲ್ಲಿಸಿದ್ದಾರೆ. ಈ ಬಗ್ಗೆ ಸೋಷಿಯಲ್​​ ಮೀಡಿಯಾ ಪೋಸ್ಟ್​​ಗಳು ಹರಿದಾಡುತ್ತಿವೆ.

Mass Maharaja #Raviteja recently sustained a muscle tear in his right hand during the filming of #RT75. Despite the injury, he continued to shoot, which unfortunately led to further aggravation.

Yesterday, He underwent a successful surgery at Yashoda Hospitals and as per…

— 𝐕𝐚𝐦𝐬𝐢𝐒𝐡𝐞𝐤𝐚𝐫 (@UrsVamsiShekar) August 23, 2024

ಇದನ್ನೂ ಓದಿ: 'ವಿಹಾನ್, ಅಂಕಿತಾ ಅಮರ್ ಅಭಿನಯಕ್ಕೆ ಪ್ರಶಸ್ತಿ ಸಿಗಲಿದೆ': ರಕ್ಷಿತ್ ಶೆಟ್ಟಿ ಭವಿಷ್ಯ - Rakshit Shetty

ಟಾಲಿವುಡ್​ನಲ್ಲಿ ತಮ್ಮದೇ ಆದ ಸ್ಟಾರ್ ಡಮ್​​​ ಗಿಟ್ಟಿಸಿಕೊಂಡಿರುವ ರವಿತೇಜ ಅವರ ಸಿನಿಮಾ ವಿಚಾರ ಗಮನಿಸೋದಾದರೆ, ಹರೀಶ್ ಶಂಕರ್ ನಿರ್ದೇಶನದ 'ಮಿಸ್ಟರ್ ಬಚ್ಚನ್' ಚಿತ್ರದಲ್ಲಿ ಕೊನೆಯದಾಗಿ ಕಾಣಿಸಿಕೊಂಡಿದ್ದಾರೆ. ಸ್ವಾತಂತ್ರ್ಯ ದಿನಾಚರಣೆಯಂದು ಈ ಬಹುನಿರೀಕ್ಷಿತ ಚಿತ್ರ ಚಿತ್ರಮಂದಿರಗಳಲ್ಲಿ ಬಿಡುಗಡೆ ಆಯಿತು. ಈ ಚಿತ್ರ ಪುರಿ ಜಗನ್ನಾಥ್ ಅವರ ಡಬಲ್ ಇಸ್ಮಾರ್ಟ್‌ ಸಿನಿಮಾದೊಂದಿಗೆ ಮುಖಾಮುಖಿಯಾಯಿತು. ಆದ್ರೆ ಎರಡೂ ಚಿತ್ರಗಳು ಗಲ್ಲಾಪೆಟ್ಟಿಗೆ ವಿಚಾರದಲ್ಲಿ ನಿರೀಕ್ಷಿತ ಮಟ್ಟ ತಲುಪಲಿಲ್ಲ.

ಇದನ್ನೂ ಓದಿ: ಇನ್​​​ಸ್ಟಾಗ್ರಾಮ್​ನಲ್ಲಿ ಪಿಎಂ ಮೋದಿ ಬಳಿಕ ಪ್ರಿಯಾಂಕಾ ಚೋಪ್ರಾರನ್ನು ಹಿಂದಿಕ್ಕಿದ ಶ್ರದ್ಧಾ ಕಪೂರ್​​: ಈಗ ನಂಬರ್ 1 ನಟಿ - Most Followed Indian actress

'ಮಿಸ್ಟರ್ ಬಚ್ಚನ್' ಸಿನಿಮಾ ಅಜಯ್ ದೇವಗನ್ ಅಭಿನಯದ 2018ರ ರೈಡ್ ಚಿತ್ರದ ತೆಲುಗು ರಿಮೇಕ್. ಈ ಚಿತ್ರ ಗೆಲ್ಲಲಿದೆ ಎಂದೇ ನಿರಿಕ್ಷಿಸಲಾಗಿತ್ತು. ಆದ್ರೆ ಕೊಂಚ ಹಿನ್ನಡೆ ಕಂಡಿದೆ. ಸದ್ಯ ಆರ್​ಟಿ75 ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ. ಆರ್​ಟಿ75 ತಾತ್ಕಾಲಿಕ ಶೀರ್ಷಿಕೆ. ನಟನ ಮುಂದಿನ ಚಿತ್ರದ ಮೇಲೆ ಅಭಿಮಾನಿಗಳು ಸಾಕಷ್ಟು ನಿರೀಕ್ಷೆಗಳನ್ನಿಟ್ಟುಕೊಂಡಿರುವ ಸಂದರ್ಭ ಗಾಯಗೊಂಡಿದ್ದಾರೆ. ಶೀಘ್ರ ಚೇತರಿಕೆಗೆ ಪ್ರಾರ್ಥನೆಗಳು ಮುಂದುವರಿದಿವೆ.