ರವಿಮಾಮನ ಹಳ್ಳಿಮೇಷ್ಟ್ರು ಸಹನಟಿ ಸಿಲ್ಕ್ ಸ್ಮಿತಾ ಬಯೋಪಿಕ್​ ಅನೌನ್ಸ್: ಶೀರ್ಷಿಕೆಯೇ ಹೇಳುತ್ತಿದೆ ತಾರೆಯ ಜನಪ್ರಿಯತೆ

1980 ಮತ್ತು 1990ರ ದಶಕದಲ್ಲಿ ದಕ್ಷಿಣ ಭಾರತೀಯ ಚಿತ್ರರಂಗದಲ್ಲಿ ಮಿಂಚಿ ಮರೆಯಾದ ಅಪ್ರತಿಮ ತಾರೆ ಸಿಲ್ಕ್ ಸ್ಮಿತಾ ಅವರ ಬಯೋಪಿಕ್​ ಘೋಷಣೆಯಾಗಿದೆ.

ಭಾರತೀಯ ಚಿತ್ರರಂಗದಲ್ಲಿ ಸಾಕಷ್ಟು ಬೇಡಿಕೆ ಹೊಂದಿದ್ದ ಸಿಲ್ಕ್ ಸ್ಮಿತಾ ಜನಪ್ರಿಯತೆ ಸದಾಕಾಲಕ್ಕೂ ಮುಂದುವರಿಯಲಿದೆ. ಇಂದು ಅವರ ಜನ್ಮದಿನೋತ್ಸವ ಹಿನ್ನೆಲೆ STRI ಸಿನಿಮಾಸ್ ಅಧಿಕೃತವಾಗಿ 'ಸಿಲ್ಕ್ ಸ್ಮಿತಾ - ಕ್ವೀನ್ ಆಫ್ ದಿ ಸೌತ್' ಎಂಬ ಶೀರ್ಷಿಕೆಯ ಬಯೋಪಿಕ್ ಪ್ರಾಜೆಕ್ಟ್​ ಘೋಷಿಸಿದೆ. 1980 ಮತ್ತು 1990ರ ದಶಕದಲ್ಲಿ ದಕ್ಷಿಣ ಭಾರತೀಯ ಚಿತ್ರರಂಗದಲ್ಲಿ ಮಿಂಚಿ ಮರೆಯಾದ ಅಪ್ರತಿಮ ತಾರೆಯ ಅದ್ಭುತ ಪ್ರಯಾಣವನ್ನು ಈ ಸಿನಿಮಾ ಒಳಗೊಂಡಿರಲಿದೆ.

ಈ ಬಯೋಪಿಕ್‌ಗೆ ನಾಯಕಿ ಯಾರು, ಸಿಲ್ಕ್‌ ಸ್ಮಿತಾ ಅವರ ಪಾತ್ರವನ್ನು ತೆರೆಮೇಲೆ ತರುವವರು ಯಾರು ಎಂಬ ಬಗ್ಗೆಯೂ ಮಾಹಿತಿ ಹೊರಬಿದ್ದಿದೆ. ಚಂದ್ರಿಕಾ ರವಿ ಅವರು ತೆರೆಮೇಲೆ ಸ್ಮಿತಾ ಆಗಿ ಕಾಣಿಸಿಕೊಳ್ಳಲಿದ್ದಾರೆ. ಈ ಸಿನಿಮಾವನ್ನು ಜಯರಾಮ್‌ ಸಂಕರನ್‌ ನಿರ್ದೇಶಿಸಲಿದ್ದು, ಎಸ್‌.ಬಿ ವಿಜಯ್‌ ಅಮೃತ್‌ರಾಜ್‌ ನಿರ್ಮಾಣ ಮಾಡಲಿದ್ದಾರೆ. 2025ರ ಆರಂಭದಲ್ಲಿ ಈ ಸಿನಿಮಾ ಸೆಟ್ಟೇರಲಿದೆ. ಸಿಲ್ಕ್‌ ಸ್ಮಿತಾ ಅವರ ಜನ್ಮದಿನದಂದು ಈ ವಿಶೇಷ ಘೋಷಣೆ ಮಾಡಿರುವ ತಂಡ, ಸ್ಪೆಷಲ್​​ ವಿಡಿಯೋವನ್ನೂ ಸಹ ಅನಾವರಣಗೊಳಿಸಿದ್ದಾರೆ.

1960ರ ಡಿಸೆಂಬರ್ 2ರಂದು ವಿಜಯಲಕ್ಷ್ಮಿ ವಡ್ಲಪಾಟಿಯಾಗಿ ಜನಿಸಿದ ಸಿಲ್ಕ್ ಸ್ಮಿತಾ, ದಕ್ಷಿಣ ಭಾರತ ಚಲನಚಿತ್ರೋದ್ಯಮದಲ್ಲಿ ಅತ್ಯಂತ ಯಶಸ್ವಿ ತಾರೆಯಾಗಿ ಗುರುತಿಸಿಕೊಂಡರು. ಬೋಲ್ಡ್​​ ಪಾತ್ರಗಳು ಮತ್ತು ಅದ್ಭುತ ಡ್ಯಾನ್ಸ್​​​ ನಟಿಯ ಜನಪ್ರಿಯತೆಗೆ ಪ್ರಮುಖ ಕಾರಣ. ತಮಿಳು, ತೆಲುಗು, ಕನ್ನಡ, ಮಲಯಾಳಂ ಮತ್ತು ಹಿಂದಿ ಚಿತ್ರರಂಗದಲ್ಲಿ ಬೋಲ್ಡ್​​ ಬ್ಯೂಟಿಯಾಗಿ ಗುರುತಿಸಿಕೊಂಡರು. 18 ವರ್ಷಗಳ ವೃತ್ತಿಜೀವನದಲ್ಲಿ ಸಿಲ್ಕ್ ಸ್ಮಿತಾ 450ಕ್ಕೂ ಹೆಚ್ಚು ಸಿನಿಮಾಗಳಲ್ಲಿ ಕಾಣಿಸಿಕೊಂಡರು. ಅಪಾರ ಸಂಖ್ಯೆಯ ಪ್ರೇಕ್ಷಕರನ್ನು ಆಕರ್ಷಿಸಿದ ನಟಿ ವಿಶೇಷವಾಗಿ 1980ರ ದಶಕದಲ್ಲಿ ಸಖತ್​ ಸದ್ದು ಮಾಡಿದ್ದರು. ಗ್ಲಾಮರ್‌ಗೆ ಮತ್ತೊಂದು ಹೆಸರೇ ಸಿಲ್ಕ್​​ ಸ್ಮಿತಾ ಎಂಬಂತಿತ್ತು.

#SilkSmitha - Queen Of The South

Happy birthday to the timeless beauty, Silk Smitha.https://t.co/KpkvQ2Jy6K

With the blessings of her family, it is with immense gratitude that we share a glimpse into her biopic, titled Silk Smitha - Queen Of The South.@chandrikaravi_… pic.twitter.com/RoWiwcZzeN

— Ramesh Bala (@rameshlaus) December 2, 2024

ಇದನ್ನೂ ಓದಿ: ಡ್ರಾಮಾಗೆ ಅವಕಾಶ ಕೊಡದ ಸುದೀಪ್: ಬಾಗಿಲು ತೆರೆದಮೇಲೆ ಹೋಗಲ್ಲವೆಂದ ಶೋಭಾ ಶೆಟ್ಟಿ

'ಸಿಲ್ಕ್ ಸ್ಮಿತಾ - ಕ್ವೀನ್ ಆಫ್ ದಿ ಸೌತ್' ಜೀವನಚರಿತ್ರೆಯು ನಟಿಯ ಸ್ಟಾರ್‌ಡಮ್‌ ಮಾತ್ರವಲ್ಲದೇ ಮಹಿಳಾ ಕಲಾವಿದರಾಗಿ ಅವರು ಎದುರಿಸಿದ ವೈಯಕ್ತಿಕ ಹೋರಾಟಗಳು ಮತ್ತು ಸವಾಲುಗಳನ್ನು ಎತ್ತಿಹಿಡಿಯಲಿದೆ. ಆ ಸಂದರ್ಭ ಕಲಾವಿದೆಯರು ಟೀಕೆಗೊಳಗಾಗುತ್ತಿದ್ದ ಸಂದರ್ಭವಿತ್ತು. ಈ ಕುರಿತು ಕೂಡಾ ಚಿತ್ರ ಹೇಳಲಿದೆ. ಬೋಲ್ಡ್​ ಬ್ಯೂಟಿ ಸಿಲ್ಕ್ ಸ್ಮಿತಾ ಅವರ ಪಾತ್ರವನ್ನು ಪ್ರತಿಭಾನ್ವಿತ ತಾರೆ ಚಂದ್ರಿಕಾ ರವಿ ಅವರು ಚಿತ್ರಿಸಲಿದ್ದು, ಸೂಕ್ಷ್ಮತೆಯಿಂದ ಪಾತ್ರಕ್ಕೆ ಜೀವ ತುಂಬುವ ನಿರೀಕ್ಷೆಗಳಿವೆ.

ಇದನ್ನೂ ಓದಿ: ಪುಷ್ಪ-2 ಸಿನಿಮಾದ 'ಪೀಲಿಂಗ್ಸ್' ಸಾಂಗ್ ರಿಲೀಸ್​: ಅಲ್ಲು ಅರ್ಜುನ್-ರಶ್ಮಿಕಾ ಮಂದಣ್ಣ ರೊಮ್ಯಾಂಟಿಕ್​ ​ಸ್ಟೆಪ್ಸ್

ಜಯರಾಮ್ ಸಂಕರನ್ ನಿರ್ದೇಶನದ ಈ ಚಿತ್ರವನ್ನು ಎಸ್​ಟಿಆರ್​​ಐ ಸಿನಿಮಾಸ್ ಬ್ಯಾನರ್ ಅಡಿ ವಿಜಯ್ ಅಮೃತರಾಜ್ ನಿರ್ಮಿಸಲಿದ್ದಾರೆ. 2025ರ ಆರಂಭದಲ್ಲಿ ಚಿತ್ರೀಕರಣ ಶುರುವಾಗಲಿದ್ದು, ಗ್ಲಿಂಪ್ಸ್​​​ ಒಂದು ಇಂದು ಅನಾವರಣಗೊಂಡಿದೆ. ಇದು ಸಿನಿಮಾದ ಮೇಲಿನ ನಿರೀಕ್ಷೆಗಳನ್ನು ಹೆಚ್ಚಿಸಿದೆ.