ಸಿನಿಮಾ ಎಂಬ ಬಣ್ಣದ ಲೋಕದಲ್ಲಿ ಪ್ರೇಮಾಂಕುರವಾಗಿ, ಪ್ರೀತಿಗೆ ಮದುವೆ ಎಂಬ ಅಧಿಕೃತ ಮುದ್ರೆ ಒತ್ತಿ ಮಾದರಿ ದಾಂಪತ್ಯ ಜೀವನ ನಡೆಸುತ್ತಿರುವ ಹಲವು ಉದಾಹಣೆಗಳು ನಮ್ಮ ಕಣ್ಣ ಮುಂದಿವೆ. ಇದೀಗ ಈ ಸಾಲಿಗೆ ಸೇರಲು ಬಹುಭಾಷಾ ನಟಿ ರಾಕುಲ್ ಪ್ರೀತ್ ಸಿಂಗ್ ಮತ್ತು ಬಾಲಿವುಡ್ ನಿರ್ಮಾಪಕ ಜಾಕಿ ಭಗ್ನಾನಿ ಸಜ್ಜಾಗಿದ್ದಾರೆ.
ಕೆಲ ಸಮಯದಿಂದ ಡೇಟಿಂಗ್ನಲ್ಲಿದ್ದ ಈ ಜೋಡಿ ಈಗ ಹಸೆಮಣೆ ಏರಲು ಸಜ್ಜಾಗಿದೆ. ಗೋವಾದಲ್ಲಿ ಪರಿಸರ ಸ್ನೇಹಿ ವಿವಾಹ ಆಚರಣೆಗಳು ನಡೆಯಲಿವೆ. ಈ ವಾರವಿಡೀ ಮುಂಬೈನಲ್ಲಿ ಸಮಾರಂಭಗಳು ಜರುಗಿದ್ದು, ಇನ್ನೂ ಗೋವಾದ ನಿಶ್ಚಿತ ಸ್ಥಳದಲ್ಲಿ ಕಾರ್ಯಕ್ರಮಗಳು ಜರುಗಲಿವೆ. ಫೆಬ್ರವರಿ 19 ಅಂದರೆ ನಾಳೆಯಿಂದ ಪ್ರಾರಂಭವಾಗುವ ಮೂರು ದಿನಗಳ ವಿವಾಹ ಸಮಾರಂಭ ಫೆಬ್ರವರಿ 21ರಂದು ಮುಕ್ತಾಯಗೊಳ್ಳಲಿದೆ. ಇದೀಗ ವಧುವರರು ಗೋವಾ ತಲುಪಿದ್ದು, ಏರ್ಪೋರ್ಟ್ನಿಂದ ವಿಡಿಯೋಗಳು ವೈರಲ್ ಆಗಿವೆ.
ಈ ವಾರದ ಶುರುವಲ್ಲಿ ಈವೆಂಟ್ಗಳು ಆರಂಭವಾದವು. ಮುಂಬೈನಲ್ಲಿರುವ ಜಾಕಿ ಭಗ್ನಾನಿ ಅವರ ನಿವಾಸದಲ್ಲಿ ವಧು-ವರರ ಕುಟುಂಬಸ್ಥರು ಬಂದು ಸೇರಿದ್ದರು. ಮುಂಬೈನ ನಿವಾಸ ಅಲಂಕೃತಗೊಂಡ ವಿಡಿಯೋಗಳು ಸೋಷಿಯಲ್ ಮೀಡಿಯಾದಲ್ಲಿ ಸಖತ್ ವೈರಲ್ ಆಗಿ ಸದ್ದು ಮಾಡಿದವು. ಇದೀಗ ರಾಕುಲ್ ಮತ್ತು ಜಾಕಿ ತಮ್ಮ ಕುಟುಂಬಸ್ಥರೊಂದಿಗೆ ಗೋವಾ ತಲುಪಿದ್ದಾರೆ. ನಿನ್ನೆ ತಡರಾತ್ರಿ ಏರ್ಪೋರ್ಟ್ನಲ್ಲಿ ಕಾಣಿಸಿಕೊಂಡಿದ್ದು ವಿಡಿಯೋಗಳು ಸೋಷಿಯಲ್ ಮೀಡಿಯಾದಲ್ಲಿ ಜಾಗ ಗಿಟ್ಟಿಸಿಕೊಂಡಿವೆ.
ಏರ್ಪೋರ್ಟ್ ವಿಡಿಯೋಗೂ ಮುನ್ನ ಮುಂಬೈನ ಪ್ರಸಿದ್ಧ ದೇವಾಲಯದಿಂದ ಈ ಪ್ರೇಮಪಕ್ಷಿಗಳ ವಿಡಿಯೋ ವೈರಲ್ ಆಗಿತ್ತು. ಹೌದು, ಮುಂಬೈನ ಪ್ರಸಿದ್ಧ ಗಣೇಶ ದೇವಸ್ಥಾನವಾದ ಸಿದ್ಧಿವಿನಾಯಕ ದೇಗುಲಕ್ಕೆ ಭೇಟಿ ಕೊಟ್ಟು ಪೂಜೆ ಸಲ್ಲಿಸಿದ್ದಾರೆ. ನಿನ್ನೆ ಬೆಳಗ್ಗೆ ಶೇರ್ ಆದ ವಿಡಿಯೋದಲ್ಲಿ, ಸಾಂಪ್ರದಾಯಿಕ ಉಡುಗೆ ಧರಿಸಿ ಸಿದ್ಧಿವಿನಾಯಕ ದೇವಾಲಯಕ್ಕೆ ಈ ಜೋಡಿ ಬಂದಿರುವುದನ್ನು ಕಾಣಬಹುದು. ರಾಕುಲ್ ಪಿಂಕ್ ಅನಾರ್ಕಲಿ ಸೂಟ್ನಲ್ಲಿ ಕಂಗೊಳಿಸಿದರೆ, ಜಾಕಿ ಹಸಿರು ಕುರ್ತಾ ಧರಿಸಿದ್ದರು. ಪಾಪರಾಜಿಗಳ ಕ್ಯಾಮರಾಗಳಿಗೆ ಪೋಸ್ ಕೊಟ್ಟಿದ್ದು, ಈ ವಿಡಿಯೋ ಸಹ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ.
ಇದನ್ನೂ ಓದಿ: ಮದುವೆಗೂ ಮುನ್ನ ಸಿದ್ಧಿವಿನಾಯಕನ ದರ್ಶನ ಪಡೆದ ರಾಕುಲ್-ಜಾಕಿ
ರಾಕುಲ್ ಮತ್ತು ಜಾಕಿ ಅವರ ಸಿನಿಮಾ ವಿಚಾರ ಗಮನಿಸೋದಾದರೆ, 'ಬಡೆ ಮಿಯಾನ್ ಚೋಟೆ ಮಿಯಾನ್' ಬಿಡುಗಡೆಗೆ ಸಜ್ಜಾಗುತ್ತಿದೆ. ಅಲಿ ಅಬ್ಬಾಸ್ ಜಾಫರ್ ನಿರ್ದೇಶನದ ಈ ಚಿತ್ರವನ್ನು ಜಾಕಿ ಭಗ್ನಾನಿ ನಿರ್ಮಿಸಿದ್ದು, ಚಿತ್ರದಲ್ಲಿ ಅಕ್ಷಯ್ ಕುಮಾರ್, ಟೈಗರ್ ಶ್ರಾಫ್, ಸೋನಾಕ್ಷಿ ಸಿನ್ಹಾ ಮತ್ತು ಪೃಥ್ವಿರಾಜ್ ಸುಕುಮಾರನ್ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ. ಇನ್ನೂ ರಾಕುಲ್ ಪ್ರೀತ್ ಸಿಂಗ್ ಇಂಡಿಯನ್ 2 ಮತ್ತು ಅಯಾಲಾನ್‌ ಸೇರಿದಂತೆ ಬಹುಭಾಷಾ ಸಿನಿಮಾಗಳಲ್ಲಿ ನಿರತರಾಗಿದ್ದಾರೆ.
ಇದನ್ನೂ ಓದಿ: ಪುಷ್ಪ 3 ಬಗ್ಗೆ ಖಚಿತ ಮಾಹಿತಿ ಕೊಟ್ಟ ಅಲ್ಲು ಅರ್ಜುನ್
