ಹೈದರಾಬಾದ್: ಅಭಿಮಾನಿಗಳು ಕಾದು ಕುಳಿತಿರುವ ಟಾಲಿವುಡ್ನ ಇಬ್ಬರು ಸ್ಟಾರ್ ನಟರಾದ ಅಜಿತ್ ಮತ್ತು ರಜನೀಕಾಂತ್ ಸಿನಿಮಾ ದೀಪಾವಳಿಗೆ ಬಿಡುಗಡೆಯಾಗಲಿದೆ ಎಂಬ ಮಾತು ಕೇಳಿ ಬಂದಿದೆ. ಸ್ಟಾರ್ ನಟರ ಮುಖಾಮುಖಿಗೆ ಬಾಕ್ಸ್ ಆಫೀಸ್ ಸಾಕ್ಷಿಯಾಗಲಿದೆ ಎನ್ನಲಾಗಿದೆ. ನಟ ರಜನೀಕಾಂತ್ ಅಭಿನಯದ ಬಹುನಿರೀಕ್ಷಿತ ಸಿನಿಮಾ 'ವೆಟ್ಟಿಯನ್' ಅಕ್ಟೋಬರ್ಗೆ ಬಿಡುಗಡೆಯಾಗಲು ಸಜ್ಜಾಗಿದೆ. ಈ ನಡುವೆ ಸೂರ್ಯ ನಟನೆಯ 'ಕಂಗುವಾ' ಸಿನಿಮಾ ಕೂಡ ಈ ಪೈಪೋಟಿಗೆ ಇಳಿಯುವುದಿಲ್ಲ ಎಂದು ನಿರ್ಮಾಪಕರಾಗಿರುವ ಕೆಇ ಜ್ಞಾನವೆಲ್ ರಾಜ್ ತಿಳಿಸಿದ್ದಾರೆ. ಭಾವಾನಾತ್ಮಕವಾಗಿ ಮತ್ತು ವೃತ್ತಿಯಿಂದಲೂ ನಾವು ರಜನೀಕಾಂತ್ ಸಿನಿಮಾದ ಜೊತೆಗೆ ನಮ್ಮ ಸಿನಿಮಾ ಬಿಡುಗಡೆ ಮಾಡುವುದಿಲ್ಲ ಎಂದು ತಿಳಿಸಿದ್ದಾರೆ.
ಈ ಮೂಲಕ 'ವೆಟ್ಟಿಯನ್' ಸಿನಿಮಾ ದೀಪಾವಳಿಗೆ ಬೆಳ್ಳಿತೆರೆ ಅಪ್ಪಳಿಸುವುದು ನಿಜ ಎನ್ನಲಾಗಿದೆ. ಆದರೆ, ಈ ಬಗ್ಗೆ ಚಿತ್ರತಂಡ ಯಾವುದೇ ಮಾಹಿತಿ ನೀಡಿಲ್ಲ. ಈ ನಡುವೆ ಅಜಿತ್ ಅಭಿನಯದ 'ವಿದಾಮುಯಾರ್ಚಿ' ಕೂಡ ದೀಪಾವಳಿಗೆ ಬಿಡುಗಡೆಯಾಗುವುದಾಗಿ ಸುಳಿವು ನೀಡಿದೆ. ಈ ಮೂಲಕ ಇಬ್ಬರು ಸ್ಟಾರ್ ಸಿನಿಮಾಗಳು ಕ್ಲಾಶ್ ಆಗಲಿದೆ. ಕಳೆದ 2019ರಲ್ಲಿ ಕೂಡ ರಜನೀಕಾಂತ್ ಅಭಿನಯದ 'ಪೆಟ್ಟಾ' ಮತ್ತು 'ಅಜಿತ್' ಅಭಿನಯದ ವಿಸ್ವಸಂ ಚಿತ್ರ ಪೋಗಲ್ (ಸಂಕ್ರಾಂತಿ)ನಲ್ಲಿ ಬಿಡುಗಡೆಗೊಂಡಿದ್ದು, ಎರಡು ಕೂಡ ದೊಡ್ಡ ಹಿಟ್ ಕಂಡಿತು, ಇದೀಗ ಮತ್ತೊಂದು ಬಾರಿ ಇಬ್ಬರು ಸ್ಟಾರ್ ನಟರ ಚಿತ್ರ ಏಕ ಸಮಯದಲ್ಲಿ ಬಿಡುಗಡೆಯಾಗುವ ಕುರಿತು ಭರವಸೆ ವ್ಯಕ್ತವಾಗಿದೆ.
'ವೆಟ್ಟಿಯನ್' ಚಿತ್ರವನ್ನು ಟಿಜೆ ಜ್ಞಾನವೇಲ್ ನಿರ್ದೇಶಿಸುತ್ತಿದ್ದು, ರಜನೀಕಾಂತ್ ಜೊತೆಗೆ ಅಮಿತಾಬ್ ಬಚ್ಚನ್, ಫಾಹದ್ ಫಸೀಲ್, ರಾಣಾ ದುಗ್ಗುಬಾಟಿ, ಮಂಜು ವಾರಿಯರ್, ದುಶಾರ ವಿಜಯನ್, ರಿತಿಕಾ ಸಿಂಗ್ ಮತ್ತು ರಕ್ಷಣ್ ಸೇರಿದಂತೆ ಬಹು ತಾರಾಗಣ ಕಾಣಬಹುದಾಗಿದೆ. ಇನ್ನು ನಟ ಅಜಿತ್ ಅಭಿಯನದ 'ವಿದಾಮುಯಾರ್ಚಿ' ಸಿನಿಮಾಗೆ ಮಾಗಿಜ್ ತಿರುಮೇನಿ ನಿರ್ದೇಶಿಸಿದ್ದಾರೆ. ರಜನೀಕಾಂತ್ ಮತ್ತು ಅಜಿತ್ ಇಬ್ಬರು ತಮ್ಮದೇ ಆದ ದೊಡ್ಡ ಅಭಿಮಾನ ಬಳಗ ಹೊಂದಿದ್ದು, ಈ ಬಾರಿ ದೀಪಾವಳಿಯಲ್ಲಿ ಅವರಿಗೆ ನಟರಿಂದ ಮನೋರಂಜನೆಯ ಸವಿ ಉಣಬಹುದಾಗಿದೆ.
ಇದನ್ನೂ ಓದಿ: ತಮಿಳು ಸಿನಿಮಾಕ್ಕೆ ಕಾಲಿಟ್ಟ ಶ್ರೀಲೀಲಾ; ನಟ ಅಜಿತ್ಗೆ ನಾಯಕಿಯಾಗಲಿರುವ ಕನ್ನಡತಿ
