ಬೆಂಗಳೂರಿನ ಶಾಲಾ ದಿನಗಳ ಬಗ್ಗೆ ಅಚ್ಚಕನ್ನಡದಲ್ಲಿ ಮೆಲುಕು ಹಾಕಿದ ರಜನಿಕಾಂತ್​: ತಲೈವಾ ಕನ್ನಡ ಬಲು ಸೂಪರ್​​ - ವಿಡಿಯೋ

ತಲೈವಾ ರಜನಿಕಾಂತ್​ ಬೆಂಗಳೂರಿನ ಎಪಿಎಸ್​ ಹೈಸ್ಕೂಲ್​, ಕಾಲೇಜು ದಿನಗಳನ್ನು ಮೆಲುಕು ಹಾಕಿ ಅರಳು ಹುರಿದಂತೆ ಕನ್ನಡದಲ್ಲಿ ವಿವರಿಸಿರುವ ಸೂಪರ್​ ಸ್ಟಾರ್​.

ಭಾರತೀಯ ಚಿತ್ರರಂಗದ ಅತ್ಯಂತ ಬಹುಬೇಡಿಕೆ ನಟ ತಲೈವಾ ರಜನಿಕಾಂತ್​ ತಮ್ಮ ಮುಂದಿನ ಚಿತ್ರಗಳಲ್ಲಿ ಬ್ಯುಸಿಯಾಗಿದ್ದು, ಈ ಮಧ್ಯೆ ಬೆಂಗಳೂರಿನ ಎಪಿಎಸ್​ ಹೈಸ್ಕೂಲ್​, ಕಾಲೇಜು ದಿನಗಳನ್ನು ಮೆಲುಕು ಹಾಕಿದ್ದಾರೆ.

5 ನಿಮಿಷ 24 ಸೆಕೆಂಡುಗಳುಳ್ಳ ವಿಡಿಯೋದಲ್ಲಿ ನಟ ರಜನಿಕಾಂತ್​​ ಕನ್ನಡದಲ್ಲಿ ಮಾತನಾಡಿದ್ದಾರೆ. ಎಲ್ಲರಿಗೂ ನಮಸ್ಕಾರ ಎಂದು ಮಾತು ಆರಂಭಿಸಿದ ಸೂಪರ್​ ಸ್ಟಾರ್​, ಬ್ಯಾಂಕಾಕ್​ನಲ್ಲಿ ಶೂಟಿಂಗ್​ ನಡೆಯುತ್ತಿದೆ. ಇಲ್ಲಿಂದ ಮಾತನಾಡುತ್ತಿದ್ದೇನೆ. ಶಾಲೆ ಬಗ್ಗೆ ಮಾತನಾಡೋದು ತುಂಬಾನೇ ಸಂತೋಷ. ಎಪಿಎಸ್​ ಶಾಲೆ ಮತ್ತು ಕಾಲೇಜಿನಲ್ಲಿ ಓದಿರುವ ಗರ್ವ ನನಗಿದೆ. ತುಂಬಾನೆ ಹೆಮ್ಮೆ ಇದೆ ಎಂದು ತಿಳಿಸಿದರು.

ಬೆಂಗಳೂರಿನಲ್ಲಿ ತಮ್ಮ APS ಸ್ಕೂಲ್-ಕಾಲೇಜು ದಿನಗಳನ್ನು ನೆನಪಿಸಿಕೊಂಡ @rajinikanth #Rajini #Rajinikanth pic.twitter.com/1eei2Krvi6

— ಎಸ್ ಶ್ಯಾಮ್ ಪ್ರಸಾದ್ | S Shyam Prasad (@ShyamSPrasad) January 18, 2025

ಪ್ರಾಥಮಿಕ ಶಾಲೆಯಲ್ಲಿ ಕ್ಲಾಸ್​​​​ಗೆ ನಾನೇ ಫಸ್ಟ್​: ಪ್ರಾಥಮಿಕ ಶಾಲಾ ದಿನಗಳಲ್ಲಿ ತುಂಬಾ ಚೆನ್ನಾಗಿ ಕಲಿಯುತ್ತಿದ್ದೆ. ಕ್ಲಾಸ್​ಗೆ ಫಸ್ಟ್. ನಾನೇ ಕ್ಲಾಸ್​ ಮಾನಿಟರ್​. ಮಿಡಲ್​ ಸ್ಕೂಲ್​​ನಲ್ಲಿ 98 ಪರ್ಸೆಂಟ್​ ಮಾರ್ಕ್ಸ್​ ಪಡೆದು ಪಾಸಾಗಿದ್ದೆ. ಒಳ್ಳೆ ಮಾರ್ಕ್​ ಇದೆ ಎಂದು ಎಪಿಎಸ್​​​​​ನಲ್ಲಿ ಕಲಿಯಲು ಅವಕಾಶ ಸಿಕ್ತು. ಕನ್ನಡ ಮೀಡಿಯಂನಿಂದ ಇಂಗ್ಲೀಷ್​ಗೆ ಸೇರಿಸಿಬಿಟ್ರು.

ಇದನ್ನೂ ಓದಿ: ಸೈಫ್ ಅಲಿ ಖಾನ್ ಮೇಲೆ ಚಾಕು ಇರಿತ: ಛತ್ತೀಸ್‌ಗಢದಲ್ಲಿ ಆರೋಪಿ ವಶಕ್ಕೆ!

ಮೊದ ಮೊದಲು ಇಂಗ್ಲಿಷ್​ ಕಲಿಯೋಕೆ ತುಂಬಾನೇ ಕಷ್ಟ ಆಯ್ತು: ಮೊದಲು ತುಂಬಾನೇ ಕಷ್ಟವಾಯ್ತು. ಫಸ್ಟ್ ಬೆಂಚ್​ ಸ್ಟುಡೆಂಟ್​ ಲಾಸ್ಟ್ ಬೆಂಚ್​ಗೆ ಬಂದ್ಬಿಟ್ಟೆ. ಡಿಪ್ರೆಶನ್​ ಆಗ್ಬಿಡ್ತು. ತುಂಬಾನೆ ಕಷ್ಟವಾಗ್ತಿತ್ತು. ಆದ್ರೆ ಎಪಿಎಸ್​ ಶಿಕ್ಷಕರು ನನ್ನ ಮೇಲೆ ಕರುಣೆ ತೋರಿದರು. ನನ್ನ ಕಷ್ಟವನ್ನು ಅರ್ಥ ಮಾಡ್ಕೊಂಡ್ರು. ಪ್ರೇಮದಿಂದ ಪಾಠ ಹೇಳಿಕೊಟ್ರು. 8ನೇ ಮತ್ತು 9ನೇ ತರಗತಿ ಪಾಸ್​ ಆಯ್ತು. ಆದ್ರೆ 10th ಪಬ್ಲಿಕ್​ ಎಕ್ಸಾಂ.... ಪಿಸಿಎಂ ನಲ್ಲಿ ತುಂಬಾನೇ ವೀಕ್​ ಇದ್ದೆ. ಆ ಸಬ್ಜೆಕ್ಟ್​ನಲ್ಲಿ ಫೇಲ್​​ ಆದೆ. ಆಗ ಓರ್ವ ಶಿಕ್ಷಕರು ನನಗೆ ಸ್ಪೆಷಲ್​ ಕ್ಲಾಸ್​ ಕೊಟ್ರು ಎಂದು ಶಾಲಾ ದಿನಗಳನ್ನು ನೆನಪಿಸಿಕೊಂಡಿದ್ದಾರೆ.

ಇದನ್ನೂ ಓದಿ: ಸೂಟ್​ಕೇಸ್​ನಲ್ಲಿದೆ ಸ್ಪರ್ಧಿಗಳ ಭವಿಷ್ಯ!; ಬಿಗ್​ ಬಾಸ್​​ನಲ್ಲಿ ಇಂದು ಒಬ್ಬರು ಎಲಿಮಿನೇಟ್​, ನಾಳೆ ಮತ್ತೊಬ್ಬರು!

ಫ್ರೀಯಾಗಿ ನನಗೆ ಸ್ಪೆಷಲ್​ ಕ್ಲಾಸ್​ ಕೊಟ್ರು. ನಂತರ ಆ ಸಬ್ಜೆಕ್ಟ್​ ಪಾಸ್​ ಮಾಡಿಕೊಂಡೆ. ಮಾರ್ಕ್ ಕಡಿಮೆ ಇದ್ರೂ ಕಾಲೇಜಿಗೆ ಎಪಿಎಸ್​ ನಲ್ಲೇ ಸೇರಿದೆ. ಬಳಿಕ ಕೆಲ ಕಾರಣಗಳಿಂದ ಕಂಟಿನ್ಯೂ ಮಾಡಲು ಸಾಧ್ಯವಾಗಲಿಲ್ಲ.

ಹೈಸ್ಕೂಲ್​ ಟೈಮ್​​ನಲ್ಲಿ ಈವೆಂಟ್​ಗಳು ನಡೆಯುತ್ತಿದ್ದವು. ನಾನು ಕಥೆ ಹೇಳುವುದರಲ್ಲಿ ಪರಿಣಿತನಾಗಿದ್ದೆ. ಕ್ಲಾಸ್​ಗೆ ಶಿಕ್ಷಕರು ಬರೋದು ಲೇಟ್​ ಆದ್ರೆ ನಾನು ಕಥೆ ಹೇಳುತ್ತಿದ್ದೆ. ನನ್ನ ಸಹಪಾಠಿಗಳಿಗೆ ಇಷ್ಟ ಆಗ್ತಿತ್ತು, ಶಿಕ್ಷಕರಿಗೂ ಈ ವಿಷಯ ತಲುಪಿತ್ತು.

ಸ್ಕೂಲ್​​ ನಲ್ಲಿ ಮಾಡಿದ ಡ್ರಾಮಾಗೆ ಫಸ್ಟ್​ ಪ್ರೈಸ್​​​​ ಬಂದಿತ್ತು: ಹೀಗೆ, ಡ್ರಾಮಾ ನೀನು ಮಾಡು ಎಂದು ತಿಳಿಸಿದ್ರು. ಹೀಗೆ ಹೈಸ್ಕೂಲ್​​ನಲ್ಲಿ ಮಾಡಿದ ಡ್ರಾಮಾಗೆ ಬಹುಮಾನ ಕೂಡಾ ಬಂತು. ನನಗೆ ಬೆಸ್ಟ್ ಆ್ಯಕ್ಷರ್ ಅವಾರ್ಡ್ ಕೂಡಾ ಸಿಕ್ತು. ಆಗ್ಲೇ ನನ್ನನ್ನು ಆ್ಯಕ್ಟರ್​ ಅಂತಾ ಅಂಗೀಕಾರ ಮಾಡಿದ್ರು, ನಂತರ ಪ್ರೊಫೆಶನಲ್​ ಆಗಿ ತೆಗೆದುಕೊಂಡೆ. ಸದ್ಯ ನನ್ನಿಂದ ಸಾಧ್ಯ ಆದಷ್ಟು ನಟನೆ ಮಾಡಿ ಮಕ್ಕಳನ್ನು ರಂಜಿಸುತ್ತಿದ್ದೀನಿ. ಅದಕ್ಕೆ ಕಾರಣ ಎಪಿಎಸ್​ನಿಂದ ಆರಂಭ ಆದ ಪಯಣ ಎಂದು ಹೇಳಿಕೊಳ್ಳಲು ಬಹಳ ಹೆಮ್ಮೆ ಇದೆ. ಆ ಹೈಸ್ಕೂಲ್​, ಕಟ್ಟಡ, ಮುಂದಿದ್ದ ಮೈದಾನ, ಆಟಗಳು... ಮರೆಯಲು ಸಾಧ್ಯವೇ ಇಲ್ಲ. ನೆನಪುಗಳು ಮನಸ್ಸಲ್ಲಿ ಹಚ್ಚ ಹಸಿರಾಗಿರುತ್ತದೆ. ತುಂಬಾನೆ ಹೆಮ್ಮೆ.