ಹೈದರಾಬಾದ್: ಬಾಲಿವುಡ್ನಲ್ಲಿ ಮಾತ್ರವಲ್ಲದೇ ಹಾಲಿವುಡ್ನಲ್ಲಿ ಯಶಸ್ವಿ ನಟಿಯಾಗಿ ಗುರುತಿಸಿಕೊಂಡಿರುವ ನಟಿ - ನಿರ್ಮಾಪಕಿ ಪ್ರಿಯಾಂಕಾ ಚೋಪ್ರಾ ಇತ್ತೀಚಿಗೆ ತಾವು ಸಾಗಿ ಬಂದ ಹಾದಿ ಕುರಿತು ಮಾತನಾಡಿದ್ದಾರೆ. ಹಾಲಿವುಡ್ನಲ್ಲಿ ಆರಂಭಿಕ ದಿನಗಳಲ್ಲಿ ಅನುಭವಿಸಿದ ಸವಾಲುಗಳ ಕುರಿತು ಮಾತನಾಡಿರುವ ಅವರು ಆ ಸಮಯದಲ್ಲಿ ಒಬ್ಬಂಟಿತನ ಮತ್ತು ಭಯ ಕಾಡುತ್ತಿತ್ತು ಎಂದಿದ್ದಾರೆ. 2017ರಲ್ಲಿ ಬೇವಾಚ್ ಮೂಲಕ ಪ್ರಿಯಾಂಕಾ ಹಾಲಿವುಡ್ ಪ್ರಯಾಣ ಆರಂಭಿಸಿದ್ದಾರೆ.
ಇತ್ತೀಚಿಗೆ ಪೋಡ್ಕಾಸ್ಟ್ನಲ್ಲಿ ಮಾತನಾಡಿರುವ ಅವರು, ಆರಂಭಿಕ ದಿನದಲ್ಲಿ ಪಶ್ಚಿಮದಲ್ಲಿ ನನ್ನ ಜೀವನ ಸುಲಭದ ಹಾದಿಯಾಗಿರಲಿಲ್ಲ ಎಂದಿದ್ದಾರೆ. ಅದರ ಅರ್ಥ ಹಾಲಿವುಡ್ನಲ್ಲಿ ತಮ್ಮ ಆರಂಭ ಸುಖಕರವಾಗಿರಲಿಲ್ಲ ಎಂದು. ಈ ಉದ್ಯಮದಲ್ಲಿ ನನಗೆ ಯಾರು ಕೂಡ ಪರಿಚಿತರಿರಲಿಲ್ಲ. ಏನು ಕೂಡ ತಿಳಿದಿರಲಿಲ್ಲ. ಸ್ನೇಹಿತರು ಕೂಡ ಇರಲಿಲ್ಲ. ನಾನು ಏಕಾಂಗಿಯಾಗಿದ್ದೆ. ಭಯ ಆವರಿಸಿತ್ತು. ನ್ಯೂಯಾರ್ಕ್ ನನಗೆ ಆಗ ಕತ್ತಲಿನ ಪ್ರಪಂಚವಾಗಿತ್ತು ಎಂದಿದ್ದಾರೆ.
ಭಾರತದಲ್ಲಿನ ಯಶಸ್ಸಿನ ಹೊರತಾಗಿ ಹಾಲಿವುಡ್ನಲ್ಲಿ ತಾವು ಅನೇಕ ಸವಾಲುಗಳನ್ನು ಅನುಭವಿಸಬೇಕಾಯಿತು. ಮತ್ತೆ ವೃತ್ತಿಯನ್ನು ಹೊಸದಾಗಿ ಆರಂಭಿಬೇಕಿತ್ತು. ಈ ವೇಳೆ ತಿರಸ್ಕಾರ ಮತ್ತು ಹಿನ್ನಡೆ ಅನುಭವಿಸಿದೆ. ಆದರೆ, ಸ್ಥಿರತೆ, ಸಮರ್ಪಣೆ ಮನೋಭಾವ ಆಕೆಯನ್ನು ಇದರಿಂದ ದೂರ ಮಾಡಲಿಲ್ಲ. ಆಕೆಯ ಮಹತ್ವಕಾಂಕ್ಷೆ, ಪರಿಹಾರ ಸಾಮರ್ಥ್ಯದ ಮನಸ್ಥಿತಿ, ಒಪ್ಪಿಕೊಳ್ಳುವ ಮನಸ್ಥಿತಿಯಿಂದ ಇದು ಸಾಧ್ಯವಾಯಿತು.
ಇತ್ತೀಚಿಗೆ ಫ್ರಾನ್ಸ್ನಲ್ಲಿನ ತಮ್ಮ ಜೀವನದ ಕುರಿತು ಫೋಟೋಗಳನ್ನು ಹಂಚಿಕೊಂಡಿದ್ದರು. ತಮ್ಮ ವೃತ್ತಿ ಜೊತೆಗೆ ಮಗಳೊಂದಿಗೆ ಕೂಡ ಉತ್ತಮ ಸಮಯವನ್ನು ಅವರು ಕಳೆಯುತ್ತಿದ್ದಾರೆ. ವೃತ್ತಿ ಮತ್ತು ತಾಯ್ತನದ ಬದ್ಧತೆಯ ಸಮತೋಲನ ಮಾಡುತ್ತಿದ್ದಾರೆ.
ಸದ್ಯ, ಹೆಡ್ ಆಫ್ ಸ್ಟೇಟ್ನಲ್ಲಿ ಶೂಟಿಂಗ್ನಲ್ಲಿ ಪ್ರಿಯಾಂಕಾ ಬ್ಯುಸಿಯಾಗಿದ್ದರು. ಇದೊಂದು ಆ್ಯಕ್ಷನ್ ಕಾಮಿಡಿ ಸಿನಿಮಾವಾಗಿದ್ದು, ಐಡ್ರಿಸ್ ಎಲ್ಬಾ ಮತ್ತು ಜಾನ್ ಕೆನಾ ಜೊತೆಗೆ ನಟಿ ಪ್ರಿಯಾಂಕಾ ನಟಿಸುತ್ತಿದ್ದಾರೆ. ಇದರ ಹೊರತಾಗಿ ಬ್ಲಫ್ನಲ್ಲಿ ಕೂಡ ಅವರು ನಟಿಸುತ್ತಿದ್ದಾರೆ.
ಟಿ ಪ್ರಿಯಾಂಕಾ ಚೋಪ್ರಾ ಅವರು 'ಅನ್‌ಫಿನಿಶ್ಡ್' ಎಂಬ ಆತ್ಮಕಥೆ ಬರೆಯುವ ಮೂಲಕ ಲೇಖಕಿಯಾಗಿಯೂ ಗುರುತಿಸಿಕೊಂಡಿದ್ದಾರೆ. ಈ ಪುಸ್ತಕ 'ಅಭಿ ಬಾಕಿ ಹೈ ಸಫರ್' ಎಂಬ ಹೆಸರಿನಲ್ಲಿ ಹಿಂದಿ ಆವೃತ್ತಿಯಲ್ಲೂ ಬಂದಿದೆ. 'ಅನ್‌ಫಿನಿಶ್ಡ್' ಹಿಂದಿ ಆವೃತ್ತಿ 'ಅಭಿ ಬಾಕಿ ಹೈ ಸಫರ್' ಪುಸ್ತಕದಲ್ಲಿ ಮಧ್ಯಮ ವರ್ಗದ ಕುಟುಂಬದಿಂದ ಬಂದ ಓರ್ವ ಹುಡುಗಿ ಈ ಮಟ್ಟದ ಖ್ಯಾತಿ ಗಳಿಸಲು ಯಾವ ಯಾವ ಸಮಸ್ಯೆಗಳನ್ನು ಎದುರಿಸಬೇಕಾಯಿತು ಎಂಬುದನ್ನು ಉಲ್ಲೇಖಿಸಿದ್ದಾರೆ.
ಇದನ್ನೂ ಓದಿ: ತಾಯಿ, ಪತಿ, ಪುತ್ರಿ ಜೊತೆ ಅಯೋಧ್ಯೆಗೆ ಭೇಟಿ ಕೊಟ್ಟ ಪ್ರಿಯಾಂಕಾ ಚೋಪ್ರಾ: ವಿಡಿಯೋ
