ಕಳೆದ ಕೆಲ ದಿನಗಳಿಂದ ಗ್ಲೋಬಲ್ ಐಕಾನ್ ಪ್ರಿಯಾಂಕಾ ಚೋಪ್ರಾ ಅವರು ಪತಿ ನಿಕ್ ಜೋನಾಸ್ ಮತ್ತು ಮಗಳು ಮಾಲ್ತಿಯೊಂದಿಗೆ ತವರು ದೇಶ ಭಾರತದಲ್ಲಿದ್ದಾರೆ. ನಿನ್ನೆ ರಾತ್ರಿ ಮುಂಬೈನಲ್ಲಿ ತಮ್ಮ ಸೋದರಸಂಬಂಧಿ ಮನಾರಾ ಚೋಪ್ರಾ ಅವರ ಜನ್ಮದಿನದ ಅದ್ಧೂರಿ ಆಚರಣೆಯಲ್ಲಿ ಭಾಗಿಯಾಗಿದ್ದರು. ಸೋಷಿಯಲ್ ಮೀಡಿಯಾದಲ್ಲೀಗ ಚೋಪ್ರಾ ಫ್ಯಾಮಿಲಿ ಪಾರ್ಟಿ ಜಾಗ ಪಡೆದಿದೆ.
ಬಾಲಿವುಡ್ ಸೂಪರ್ ಸ್ಟಾರ್ ಸಲ್ಮಾನ್ ಖಾನ್ ನಡೆಸಿಕೊಡುವ ಜನಪ್ರಿಯ ಕಾರ್ಯಕ್ರಮ ಬಿಗ್ ಬಾಸ್ ಸೀಸನ್ 17ರಲ್ಲಿ ಎರಡನೇ ರನ್ನರ್ ಅಪ್ ಆಗಿ ಮನಾರಾ ಚೋಪ್ರಾ ಹೊರಹೊಮ್ಮಿದ್ದರು. ಈ ಕಾರ್ಯಕ್ರಮದ ಮೂಲಕ ಅವರು ಸಾಕಷ್ಟು ಜನಪ್ರಿಯರಾಗಿದ್ದಾರೆ. ಶುಕ್ರವಾರ ಮುಂಬೈನಲ್ಲಿ ತಮ್ಮ 33ನೇ ಜನ್ಮದಿನವನ್ನು ಅದ್ಧೂರಿಯಾಗಿ ಆಚರಿಸಿಕೊಂಡಿದ್ದಾರೆ. ಈ ಪಾರ್ಟಿ ಕುಟುಂಬಸ್ಥರು, ಆಪ್ತರಿಗಷ್ಟೇ ಸೀಮಿತವಾಗಿತ್ತು.
ಪರಿಣಿತಿ, ಮೀರಾ ಮತ್ತು ಮನಾರಾ ಸೇರಿದಂತೆ ತಮ್ಮ ಸೋದರಸಂಬಂಧಿಗಳ ಮೇಲಿನ ಪ್ರೀತಿಯಿಂದ ಗಮನ ಸೆಳೆದಿರುವ ದೇಸಿ ಗರ್ಲ್ ಪ್ರಿಯಾಂಕಾ ಚೋಪ್ರಾ ಯಾವಾಗಲೂ ಅವರ ಪರವಾಗಿ ನಿಲ್ಲುತ್ತಾರೆ. ಅವರ ಏಳಿಗೆಯನ್ನು ಬಯಸುತ್ತಾರೆ. ಅದರಂತೆ ಇದೀಗ ಭಾರತದಲ್ಲಿರುವ ಪ್ರಿಯಾಂಕಾ, ನಿಕ್ ಮತ್ತು ಮಗಳು ಮಾಲ್ತಿ ಮೇರಿ, ಮನಾರಾ ಚೋಪ್ರಾ ಬರ್ತ್ಡೇ ಪಾರ್ಟಿಯಲ್ಲಿ ಪಾಲ್ಗೊಂಡಿದ್ದರು. ಪಾಪರಾಜಿಗಳು ಶೇರ್ ಮಾಡಿರೋ ಫೋಟೋ-ವಿಡಿಯೋಗಳು ಸೋಷಿಯಲ್ ಮೀಡಿಯಾದಲ್ಲಿ ಜಾಗ ಗಿಟ್ಟಿಸಿಕೊಂಡಿವೆ.
ಪಾರ್ಟಿ ಆಯೋಜನೆಗೊಂಡಿದ್ದ ಸ್ಥಳಕ್ಕೆ ಆಗಮಿಸಿದ ಪ್ರಿಯಾಂಕಾ ಮತ್ತು ನಿಕ್ ತಮ್ಮ ಸ್ಟೈಲಿಶ್ ಉಡುಗೆ ಮತ್ತು ಹಾವಭಾವದಿಂದ ಎಲ್ಲರ ಗಮನ ಸೆಳೆದರು. ಅಲ್ಲದೇ ಜಾಗತಿಕ ಮಟ್ಟದಲ್ಲಿ ಗಮನ ಸೆಳೆದಿರುವ ಈ ತಾರಾ ದಂಪತಿ ಬಹಳ ಸಂತೋಷದಿಂದ ಪಾಪರಾಜಿಗಳಿಗೆ ಕ್ಯಾಮರಾಗಳಿಗೆ ಪೋಸ್ ನೀಡಿದರು. ಈ ವೇಳೆ ಪರಸ್ಪರ ಶುಭಾಶಯ ಕೋರಿದರು.
ಇದನ್ನೂ ಓದಿ: ತಾಯಿ, ಪತಿ, ಪುತ್ರಿ ಜೊತೆ ಅಯೋಧ್ಯೆಗೆ ಭೇಟಿ ಕೊಟ್ಟ ಪ್ರಿಯಾಂಕಾ ಚೋಪ್ರಾ: ವಿಡಿಯೋ
ಈ ಪಾರ್ಟಿಗೂ ಮೊದಲು ಪ್ರಿಯಾಂಕಾ ಮತ್ತು ನಿಕ್, ನೋಯ್ಡಾದಲ್ಲಿ ಮನಾರಾ ಚೋಪ್ರಾ ಸೇರಿದಂತೆ ಕಟುಂಬಸ್ಥರ ಜೊತೆ ಹೋಳಿ ಹಬ್ಬವನ್ನು ಬಹಳ ಅದ್ಧೂರಿಯಾಗಿ ಆಚರಿಸಿದರು. ಎರಡು ವಾರಗಳ ಹಿಂದೆ ಪ್ರಿಯಾಂಕಾ ಮತ್ತು ಮಗಳು ಭಾರತಕ್ಕೆ ಆಗಮಿಸಿದರು. ನಂತರ ನಿಕ್ ಬಂದು ಸೇರಿದರು. ಬ್ಯಾಕ್ ಟು ಬ್ಯಾಕ್ ಕಾರ್ಯಕ್ರಮಗಳ ಮೂಲಕ ಗಮನ ಸೆಳೆಯುತ್ತಿದ್ದಾರೆ.
ಇದನ್ನೂ ಓದಿ: ಪತಿ, ಪುತ್ರಿಯೊಂದಿಗೆ ಭಾರತದಲ್ಲಿ ಪ್ರಿಯಾಂಕಾ ಚೋಪ್ರಾ ಹೋಳಿ ಸಂಭ್ರಮಾಚರಣೆ - Priyanka Chopra
ನಿಕ್ ಅವರಿಗಿದು ಈ ವರ್ಷದ ಎರಡನೇ ಭೇಟಿ. ಜನವರಿಯಲ್ಲಿ ತಮ್ಮ ಸಂಗೀತ ಕಾರ್ಯಕ್ರಮ ನೀಡುವ ಸಲುವಾಗಿ ಭಾರತಕ್ಕೆ ಬಂದಿದ್ದರು. ಪ್ರಿಯಾಂಕಾ ಮತ್ತು ನಿಕ್ ಹಲವು ಈವೆಂಟ್ಗಳ ಜೊತೆಗೆ ಶ್ರೀರಾಮ ಜನ್ಮಭೂಮಿ ಅಯೋಧ್ಯೆಗೂ ಭೇಟಿ ಕೊಟ್ಟಿದ್ದಾರೆ. ಇತ್ತೀಚೆಗಷ್ಟೇ ಮಗಳು ಮಾಲ್ತಿಯೊಂದಿಗೆ ರಾಮಮಂದಿರಕ್ಕೆ ಭೇಟಿ ಕೊಟ್ಟ ಸೆಲೆಬ್ರಿಟಿ ಕಪಲ್, ವಿಶೇಷ ಪೂಜೆ ಸಲ್ಲಿಸಿದ್ದರು. ಅಯೋಧ್ಯೆಯಿಂದಲೂ ಸಾಕಷ್ಟು ಫೋಟೋ-ವಿಡಿಯೋಗಳು ವೈರಲ್ ಆಗಿದ್ದವು.
