ಕನ್ನಡ ಚಿತ್ರರಂಗದಲ್ಲಿ ಶೀರ್ಷಿಕೆಯಿಂದಲೇ ಗಮನ ಸೆಳೆಯುತ್ತಿರುವ ಸಿನಿಮಾ 'ಪೌಡರ್' ಬಿಡುಗಡೆಗೆ ಎದುರು ನೋಡುತ್ತಿದೆ. ಆಗಸ್ಟ್ 23ಕ್ಕೆ ತೆರೆಕಾಣಲಿರುವ ಸಿನಿಮಾ ವಿಭಿನ್ನವಾಗಿ ಪ್ರಚಾರ ಮಾಡುವ ಮೂಲಕ ಪ್ರೇಕ್ಷಕರ ಗಮನ ಸೆಳೆಯುವಲ್ಲಿ ಯಶ ಕಂಡಿದೆ. ಅದರಂತೆ ಇಂದು ಚಿತ್ರತಂಡ ಶೇರ್ ಮಾಡಿರುವ ಸೋಷಿಯಲ್ ಮೀಡಿಯಾ ಪೋಸ್ಟ್, ಚಿತ್ರದ ಪೋಸ್ಟರ್ ನೆಟ್ಟಿಗರ ಗಮನ ಸೆಳೆದಿದೆ.
Heyy Powderrry Peeps!! 🤩
— KRG Studios (@KRG_Studios) July 30, 2024
Come join the 𝐏𝐎𝐖𝐃𝐄𝐑 tribe and vibe!! 🥳
Gang up and Gear up for the peppiest party ever!! 🍻#PowderKanMovie now in theaters from 𝟮𝟯𝗿𝗱 𝗔𝘂𝗴𝘂𝘀𝘁 𝟮𝟬𝟮𝟰@KRG_Studios @TheViralFever #TVFMotionPictures @diganthmanchale @Janardhan_11… pic.twitter.com/rRvXTFYUPB
ಕೆಆರ್ಜಿ ಸ್ಟುಡಿಯೋಸ್ ಪೋಸ್ಟ್: ಪೋಸ್ಟರ್ ಒಂದನ್ನು ಶೇರ್ ಮಾಡಿದ 'ಪೌಡರ್' ಹಿಂದಿರುವ ಜನಪ್ರಿಯ ಚಲನಚಿತ್ರ ನಿರ್ಮಾಣ ಸಂಸ್ಥೆ ಕೆಆರ್ಜಿ ಸ್ಟುಡಿಯೋಸ್, ''ಹೇ ಪೌಡರೀ ಸ್ನೇಹಿತರೇ, ಪೌಡರ್ ಟ್ರೈಬ್ಗೆ ಸೇರಲು ಬನ್ನಿ, ವೈಬ್ ಮಾಡಿ. ಉತ್ಸಾಹಭರಿತ ಪಾರ್ಟಿಯಲ್ಲಿ ಭಾಗಿಯಾಗಿ'' ಎಂದು ಬರೆದುಕೊಂಡಿದೆ. ಪೌಡರ್ ಕನ್ನಡ ಸಿನಿಮಾ ಆಗಸ್ಟ್ 23ಕ್ಕೆ ಚಿತ್ರಮಂದಿರಗಳಲ್ಲಿ ಬಿಡುಗಡೆ ಆಗಲಿದೆ ಎಂದು ಪೋಸ್ಟ್ನ ಕ್ಯಾಪ್ಷನ್ನಲ್ಲಿ ಬರೆಯಲಾಗಿದೆ.
ಕಲರ್ಫುಲ್ ಪೋಸ್ಟರ್ನಲ್ಲಿ ಚಿತ್ರತಂಡದವರ ಉತ್ಸಾಹಭರಿತ ಫೋಟೋಗಳಿವೆ. ''ಪೌಡರ್ ಪಾರ್ಟಿ'' ಎಂದು ಶೀರ್ಷಿಕೆಯಲ್ಲಿ ಹೇಳಲಾಗಿದೆ. ಜೊತೆಗೆ, ಪೌಡರ್ ಸ್ಟಾರ್ಸ್ ಅಂಡ್ ರೋಸ್ಟಿಂಗ್ ಸ್ಟಾರ್ಸ್, ಆಗಸ್ಟ್ 1, 6ಪಿಎಂ, 1522 ಜೆಪಿ ನಗರ್ ಎಂದು ಸಂದೇಶ ನೀಡಲಾಗಿದೆ.
ದಿಗಂತ್ ಪೋಸ್ಟ್: ನಾಯಕ ನಟ ದಿಗಂತ್ ಮಂಚಾಲೆ ಕೂಡಾ ಪೋಸ್ಟ್ ಶೇರ್ ಮಾಡಿದ್ದು, ಪೌಡರ್ ಪಾರ್ಟಿ ಆಗಸ್ಟ್ 1ರಂದು ನಡೆಯಲಿದೆ. ಬಂದು ಪಾರ್ಟಿಗೆ ಸೇರಿಕೊಳ್ಳಿ, ವೈಬ್ ಮಾಡಿ ಎಂದು ಬರೆದುಕೊಂಡಿದ್ದಾರೆ.
ಹಲವು ವರ್ಷಗಳಿಂದ ಕನ್ನಡ ಚಿತ್ರರಂಗದಲ್ಲಿ ನಟಿಸುತ್ತಾ ಜನಪ್ರಿಯರಾಗಿರುವ ದೂದ್ ಪೇಡಾ ಖ್ಯಾತಿಯ ದಿಗಂತ್ ಮಂಚಾಲೆ ಈ ಚಿತ್ರದಲ್ಲಿ ಮುಖ್ಯಭೂಮಿಕೆಯಲ್ಲಿದ್ದಾರೆ. ನಿನ್ನ ಸನಿಹಕೆ, ಹೈಡ್ ಆ್ಯಂಡ್ ಸೀಕ್ ಸಿನಿಮಾಗಳ ಮೂಲಕ ಚಿತ್ರರಂಗ ಮತ್ತು ಪ್ರೇಕ್ಷಕರಲ್ಲಿ ಭರವಸೆ ಮೂಡಿಸಿರುವ ಧನ್ಯಾ ರಾಮ್ಕುಮಾರ್, ದಿಗಂತ್ಗೆ ಜೋಡಿಯಾಗಿದ್ದಾರೆ. ಇದೊಂದು ಕಾಮಿಡಿ ಸಿನಿಮಾವಾಗಿದ್ದು, ಸಿನಿಪ್ರಿಯರಿಗೆ ಮನರಂಜನೆಯ ರಸದೌತಣ ಉಣಬಡಿಸಲು ಸಜ್ಜಾಗಿದೆ.
ಸಿನಿಮಾ ಒಂದರ ಶೀರ್ಷಿಕೆ ಪ್ರೇಕ್ಷಕರಿಗೆ ಚಿತ್ರತಮಂಡದಿಂದ ಸಿಗುವ ಮೊದಲ ಆಮಂತ್ರಣ. ನಂತರ ಫಸ್ಟ್ ಲುಕ್, ಪೋಸ್ಟರ್ಸ್, ಗ್ಲಿಂಪ್ಸ್, ಟೀಸರ್, ಟ್ರೇಲರ್ಗಳು ಹೆಚ್ಚಿನ ಸಂಖ್ಯೆಯ ಸಿನಿಪ್ರಿಯರನ್ನು ಆಕರ್ಷಿಸಲು ಮುಂದಾಗುತ್ತವೆ. ಅದರಂತೆ ಸೆಟ್ಟೇರಿದ ಸಂದರ್ಭದಿಂದಲೂ ಟೈಟಲ್ ಸಲುವಾಗಿಯೇ ಹೆಚ್ಚು ಸದ್ದು ಮಾಡಿದ್ದ ಈ ಚಿತ್ರದ ಸಾಂಗ್ಸ್ ಶೀರ್ಷಿಕೆ ಕೂಡಾ ಅಷ್ಟೇ ಕುತೂಹಲಕಾರಿಯಾಗಿದೆ. ಇತ್ತೀಚೆಗಷ್ಟೇ ಅನಾವರಣಗೊಂಡಿರುವ ಪರಪಂಚ ಘಮ ಘಮ ಎಂಬ ವಿಭಿನ್ನ ಶೀರ್ಷಿಕೆಯ ಹಾಡು ಸಖತ್ ಟ್ರೆಂಡಿಂಗ್ನಲ್ಲಿದೆ. ಜೂನ್ ತಿಂಗಳ ಶುರುವಲ್ಲಿ ಅನಾವರಣಗೊಂಡ 'ಮಿಷನ್‌ ಘಮ ಘಮ' ಕೂಡಾ ತನ್ನ ಶೀರ್ಷಿಕೆ ಮೂಲಕ ಗಮನ ಸೆಳೆದಿತ್ತು.
ಇದನ್ನೂ ಓದಿ: ಪೌಡರ್‌ನಿಂದ 'ಪರಪಂಚ ಘಮ ಘಮ': ಅಭಿಮಾನಿಗಳಿಗೆ ದಿಗಂತ್, ಧನ್ಯಾ ಸಿನಿಮಾ ನೋಡುವ ಹಂಬಲ - Parapancha Gama Gama Song
'ಪೌಡರ್' ಅನ್ನು ಆಗಸ್ಟ್ 15 ರಂದು ಬಿಡುಗಡೆಗೊಳಿಸಲು ಚಿತ್ರತಂಡ ನಿರ್ಧಾರ ಮಾಡಿತ್ತು. ಆದ್ರೆ ಸ್ವಾತಂತ್ರ್ಯ ದಿನಾಚರಣೆ ಸಂದರ್ಭ ಕನ್ನಡ ಸೇರಿದಂತೆ ಹಲವು ಚಿತ್ರಗಳು ಬಿಡುಗಡೆ ಆಗಲಿದೆ. ಗಲ್ಲಾಪೆಟ್ಟಿಗೆ ಘರ್ಷಣೆ ತಪ್ಪಿಸಲು ಕೆಆರ್ಜಿ, ಆಗಸ್ಟ್ 15ರ ಬದಲಿಗೆ ಆಗಸ್ಟ್ 23ಕ್ಕೆ ಪೌಡರ್ ಸಿನಿಮಾವನ್ನು ಬಿಡುಗಡೆಗೊಳಿಸಲು ನಿರ್ಧರಿಸಿದೆ.
ಇದನ್ನೂ ಓದಿ: ಪೌಡರ್‌ನಿಂದ 'ಪರಪಂಚ ಘಮ ಘಮ': ಅಭಿಮಾನಿಗಳಿಗೆ ದಿಗಂತ್, ಧನ್ಯಾ ಸಿನಿಮಾ ನೋಡುವ ಹಂಬಲ - Parapancha Gama Gama Song
ಜನಾರ್ಧನ್ ಚಿಕ್ಕಣ್ಣ ಆ್ಯಕ್ಷನ್ ಕಟ್ ಹೇಳಿರುವ ಈ ಚಿತ್ರದಲ್ಲಿ ದಿಗಂತ್, ಧನ್ಯಾ ಜೊತೆಗೆ ಶರ್ಮಿಳಾ ಮಾಂಡ್ರೆ, ಅನಿರುದ್ಧ್ ಆಚಾರ್ಯ, ರಂಗಾಯಣ ರಘು, ಗೋಪಾಲಕೃಷ್ಣ ದೇಶಪಾಂಡೆ ಸೇರಿದಂತೆ ಹಲವರು ಬಣ್ಣ ಹಚ್ಚಿದ್ದಾರೆ. ಕಾರ್ತಿಕ್ ಗೌಡ, ಯೋಗಿ ಜಿ. ರಾಜ್, ವಿಜಯ್ ಸುಬ್ರಹ್ಮಣ್ಯಂ ಕೆ.ಆರ್.ಜಿ. ಸ್ಟುಡಿಯೋಸ್ ಬ್ಯಾನರ್ ಅಡಿಯಲ್ಲಿ ಹಾಗೂ ಅರುನಭ್ ಕುಮಾರ್ ಟಿ.ವಿ.ಎಫ್ ಮೋಷನ್ ಪಿಕ್ಚರ್ಸ್ ಬ್ಯಾನರ್ ಅಡಿ ಈ ಬಹುನಿರೀಕ್ಷಿತ ಚಿತ್ರವನ್ನು ನಿರ್ಮಾಣ ಮಾಡಿದ್ದಾರೆ.
