ಹೈದರಾಬಾದ್: ನಟ ದಿಲ್ಜೀತ್ ದೊಸಾಂಜಾ ಮತ್ತು ನಟಿ ಪರಿಣಿತಿ ಚೋಪ್ರಾ ಅಭಿನಯದ 'ಅಮರ್ ಸಿಂಗ್ ಚಮ್ಕಿಲಾ' ಸಿನಿಮಾ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ಸದ್ದು ಮಾಡುತ್ತಿದೆ. ನೆಟ್ಫ್ಲಿಕ್ಸ್ನಲ್ಲಿ ಚಿತ್ರ ಬಿಡುಗಡೆಯಾಗಿದ್ದು, ಚಿತ್ರದ ಸಂಗೀತ ಎಲ್ಲರನ್ನೂ ಸೆಳೆಯುವ ಜೊತೆಗೆ ಕಥೆ ಮತ್ತು ಛಾಯಗ್ರಹಣಕ್ಕೆ ಮೆಚ್ಚುಗೆ ವ್ಯಕ್ತವಾಗಿದೆ. ಚಿತ್ರದ ಕುರಿತು ಪ್ರೇಕ್ಷಕರು ಹೊಗಳಿಕೆಗಳ ಸುರಿಮಳೆಯನ್ನೇ ಸುರಿಸಿದ್ದು, ವಿಶೇಷವಾಗಿ ಚಿತ್ರದ ನಟ - ನಟಿಗೆ ಪ್ರಶಂಸೆ ವ್ಯಕ್ತವಾಗಿದೆ. ಇದೀಗ ಪ್ರಖ್ಯಾತ ಅಮೂಲ್ ಇಂಡಿಯಾ ಡೈರಿ ಕಂಪನಿ ಕೂಡ ಕ್ರಿಯಾತ್ಮಕ ಪೋಸ್ಟರ್ ಮೂಲಕ ಚಿತ್ರಕ್ಕೆ ಬೆಂಬಲ ನೀಡಿದೆ.
ಅಮೂಲ್ ಇಂಡಿಯಾ ಇತ್ತೀಚಿಗೆ 'ಅಮರ್ ಸಿಂಗ್ ಚಮ್ಕಿಲಾ'ದಲ್ಲಿ ಪರಿಣಿತಿ ಚೋಪ್ರಾ ಮತ್ತು ದಿಲ್ಜೀತ್ ದೋಸಾಂಜಾ ಅವರ ಪಾತ್ರಗಳನ್ನು ಡೂಡಲ್ ಅನ್ನು ತಮ್ಮ ಇನ್ಸ್ಟಾಗ್ರಾಂ ಪುಟದಲ್ಲಿ ಹಂಚಿಕೊಂಡಿದೆ. ಪೋಸ್ಟರ್ನಲ್ಲಿ ಈ ಜೋಡಿ ಲೈವ್ ಪ್ರದರ್ಶನ ನೀಡುತ್ತಿರುವುದರ ಜೊತೆಗೆ ಕೈಯಲ್ಲಿ ಬೆಣ್ಣೆ ಸವರಿದ ಬ್ರೆಡ್ ಕೈಯಲ್ಲಿಡಿದಿರುವುದು ಕಾಣಬಹುದಾಗಿದೆ. ಈ ಪೋಸ್ಟರ್ಗೆ 'ಎಕ್ ಚಮಚ್ ಖಿಲ್, ಅಮುಲ್ ಪಂಜಾಬ್ ದ ಬಟರ್' ಎಂಬ ಅಡಿ ಬರಹವನ್ನು ನೀಡಲಾಗಿದೆ.
- " class="align-text-top noRightClick twitterSection" data="">
ಈ ಪೋಸ್ಟರ್ ಹಂಚಿಕೊಂಡಿರುವ ಡೈರಿ ಬ್ರಾಂಡ್ '#ಅಮಿಲ್ ಟ್ರೊಪಿಕಲ್: ಇಮ್ತಿಯಾಜ್ ಆಲಿ/ ಎಆರ್ ರೆಹಮಾನ್ ಮ್ಯೂಸಿಕಲ್ ಹಿಟ್ ಸಿನಿಮಾ ಅಮರ್ ಸಿಂಗ್ ಚಮ್ಕಿಲಾದಲ್ಲಿ ದಿಲ್ಜೀತ್ ದೋಸಾಂಜಾ ಹೊಸ ಅಲೆ ಸೃಷ್ಟಿಸುತ್ತಿದ್ದಾರೆ' ಎಂದು ಕೂಡ ತಿಳಿಸಿದೆ. ಇದನ್ನು ನಟಿ ಪರಿಣಿತಿ ತಮ್ಮ ಇನ್ಸ್ಟಾಗ್ರಾಂನ ಸ್ಟೋರಿಯಲ್ಲಿ ಈ ಫೋಟೋ ಹಂಚಿಕೊಂಡಿದ್ದು, ಎರಡು ಹೃದಯಾಕಾರದ ಎಮೋಜಿ ಮೂಲಕ ಮೆಚ್ಚುಗೆ ಸೂಚಿಸಿದ್ದಾರೆ
ಪಂಜಾಬ್ನ ಪ್ರಖ್ಯಾತ ಗಾಯಕ ಅಮರ್ ಸಿಂಗ್ ಚಮ್ಕಿಲಾ ಜೀವನಾಧರಿತ ಕಥೆ ಇದಾಗಿದ್ದು, ಚಿತ್ರಕ್ಕೆ ಅವರ ಹೆಸರನ್ನೇ ಇಡಲಾಗಿದೆ. 1980ರಲ್ಲಿ ತಮ್ಮ ಅದ್ಬುತ ಸಂಗೀತ ಪ್ರದರ್ಶನದ ಮೂಲಕ ದಾಖಲೆಗಳನ್ನು ಸೃಷ್ಟಿಸಿದ ಗಾಯಕ ಅವರಾಗಿದ್ದಾರೆ. ಅವರ ಬದುಕಿನ ಪ್ರಮುಖ ಘಟನೆಗಳನ್ನು ಸಿನಿಮಾ ರೂಪದಲ್ಲಿ ನಿರ್ದೇಶಕ ಇಮ್ತಿಯಾಜ್ ಆಲಿ ಕಟ್ಟಿಕೊಡುವ ಯತ್ನ ನಡೆಸಿದ್ದು, ಅವರ ಈ ಪ್ರಯತ್ನಕ್ಕೆ ಸಿನಿತಾರೆಯರು ಮತ್ತು ಅಭಿಮಾನಿಗಳು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಇತ್ತೀಚಿಗೆ ಚಿತ್ರವನ್ನು ಕಾರ್ತಿಕ್ ಆರ್ಯನ್, ರಾಜ್ಕುಮಾರ್ ರಾವ್ ಮತ್ತು ತ್ರಿಪ್ತಿ ದಿಮ್ರಿ ಪ್ರಶಂಸಿದ್ದರು.
ನಟ ದಿಲ್ಜೀತ್ ದೊಸಂಜಾ ಚಮ್ಕಿಲಾ ಪಾತ್ರವನ್ನು ನಿರ್ವಹಿಸಿದ್ದಾರೆ. 1980ರಲ್ಲಿ ಬಡತನದ ನಡುವೆಯು ತಮ್ಮ ಸಂಗೀತದ ಮೂಲಕ ಜಾಗತಿಕ ಮನ್ನಣೆಯನ್ನು ಚಮ್ಕಿಲಾ ಗಳಿಸಿದರು. ಚಮ್ಕಿಲಾ ಹೆಂಡತಿ ಅಮರ್ಜೊತ್ ಕೌರ್ ಪಾತ್ರದಲ್ಲಿ ನಟಿ ಪರಿಣಿತಿ ನಟಿಸಿದ್ದು, ಈ ಸಿನಿಮಾ ನೆಟ್ಫ್ಲಿಕ್ಸ್ನಲ್ಲಿ ಏಪ್ರಿಲ್ 12ರಂದು ಬಿಡುಗಡೆಯಾಗಿದೆ.
ಇದನ್ನೂ ಓದಿ: ಬನಾರಸ್ ಸೀರೆಯ ಪ್ರಚಾರದಲ್ಲಿ ರಣವೀರ್ ಸಿಂಗ್, ಕೃತಿ ಸನೋನ್: ಕಾಶಿಘಾಟ್ನಲ್ಲಿ ರ‍್ಯಾಂಪ್ ವಾಕ್
