ಹೈದರಾಬಾದ್: ಸಾಮಾಜಿಕ ಜಾಲತಾಣಗಳ ಮೂಲಕ ನಟಿ ಸಮಂತಾ ರುತ್ ಪ್ರಭು ತಮ್ಮ ಅಭಿಮಾನಿಗಳನ್ನು ಪ್ರೇರಿಪಿಸುವ ಕೆಲಸ ಮಾಡುತ್ತಿರುತ್ತಾರೆ. ಸಾಮಾಜಿಕ ಜಾಲತಾಣಗಳ ಪೋಸ್ಟ್ ಮೂಲಕ ಸದಾ ಸಕಾರಾತ್ಮಕ ವಿಚಾರಗಳನ್ನು ಹಂಚಿಕೊಳ್ಳುತ್ತಿರುತ್ತಾರೆ.
ಇದೀಗ ಪ್ರೇಮಿಗಳ ದಿನದಂದು ಕೂಡ ಅಭಿಮಾನಿಗಳನ್ನು ಉತ್ಸಾಹಗೊಳಿಸುವ ಸಂದೇಶದ ಜೊತೆಗೆ ತಮ್ಮ ವೈಯಕ್ತಿಕ ಬೆಳವಣಿಗೆ ಮತ್ತು ಸ್ವೀಕಾರ್ಹತೆ ಕುರಿತು ಪೋಸ್ಟ್ ವೊಂದನ್ನು ನಟಿ ಹಂಚಿಕೊಂಡಿದ್ದಾರೆ. ಅರ್ಥಗರ್ಭಿತ ರೀಲ್ ಅನ್ನು ಹಂಚಿಕೊಂಡಿರುವ ನಟಿ, ವರ್ಷಗಳ ಕಾಲ ಬೇರೆಯವರ ಅಭಿಪ್ರಾಯಗಳ ಕುರಿತು ಚಿಂತಿತರಾಗುತ್ತೇವೆ. ಆದರೆ ನಾವು ಪ್ರಬುದ್ಧರಾಗಿದ್ದು, ನಿಜವಾದ ಕಾಳಜಿ ವಿಷಯವನ್ನು ಅರ್ಥ ಮಾಡಿಕೊಳ್ಳಬೇಕಾಗಿದೆ ಎಂದು ಸೂಪ್ತವಾಗಿ ತಿಳಿಸಿದ್ದಾರೆ.
ಇನ್ಸ್ಟಾಗ್ರಾಂನಲ್ಲಿ ಈ ಸಂಬಂಧ ವಿಡಿಯೋ ಹಂಚಿಕೊಂಡಿರುವ ನಟಿ, ಯಾವುದೇ ಬಾಹ್ಯ ತೀರ್ಮಾನಗಳಿಲ್ಲದೇ, ನಿಮ್ಮ ವಿಶಿಷ್ಟ ಗುರುತಿನ ಮೂಲಕ ಪರಿಚಯಿಸಿಕೊಳ್ಳಿ ಎಂದಿದ್ದಾರೆ. ಅಷ್ಟೇ ಅಲ್ಲದೆ ಜೀವನದ ಪ್ರಯಾಣದ ರೂಪಾಂತರ ಕುರಿತು ಅದ್ಬುತ ಸಂದೇಶವನ್ನು ಈ ವಿಡಿಯೋ ಹೊಂದಿದೆ. ಅಲ್ಲದೇ ಪ್ರಬುದ್ಧತೆಯೆಂಬುದು ನೈಜತೆಯನ್ನು ಸ್ವೀಕರಿಸುವುದಾಗಿದ್ದು, ಇದಕ್ಕೆ ಬೇರೆಯವರ ಮೌಲ್ಯ ನಿರ್ಣಯದ ಅಗತ್ಯವಿಲ್ಲ. ಸ್ವಯಂ ಭರವಸೆಗೆ ಸ್ವಾತಂತ್ರ್ಯವೂ ಇದಕ್ಕೆ ಬೇಕು ಎಂದಿದ್ದಾರೆ.
ತಮ್ಮ ಅನಾರೋಗ್ಯದ ಹಿನ್ನೆಲೆ ಹಲವು ಸವಾಲುಗಳನ್ನು ದಾಟಿರುವ ನಟಿ, ಇದೀಗ ಮತ್ತೆ ನಟನೆಗೆ ಮರಳಿದ್ದಾರೆ. ಮೈಯೋಸಿಟಿಸ್ ಎಂಬ ಸಮಸ್ಯೆಯಿಂದ ಬಳಲುತ್ತಿದ್ದ ನಟಿ, ಚಿಕಿತ್ಸೆ ಹಿನ್ನೆಲೆಯಲ್ಲಿ ಕೆಲಕಾಲ ನಟನೆಯಿಂದ ವಿರಾಮ ಪಡೆದಿದ್ದರು. ಇದಾದ ಬಳಿಕ ಆತಂರಿಕವಾಗಿ ಬಹಳಷ್ಟು ಗಟ್ಟಿಯಾಗಲು ನಿರ್ಧರಿಸಿದ್ದು, ಈ ಸಂಬಂಧ ಸಕಾರಾತ್ಮಕತೆ ಮತ್ತು ಬದುಕಿನ ಹೊಸ ಮಜಲುಗಳ ಕುರಿತು ಅವರು ಆಗ್ಗಿಂದಾಗ್ಗೆ ಅಭಿಮಾನಿಗಳ ಜೊತೆಗೆ ಮಾತನಾಡುತ್ತಾರೆ. ಆರೋಗ್ಯ ಕುರಿತು ಜಾಗೃತಿ ಮೂಡಿಸುವ ನಿಟ್ಟಿನಲ್ಲಿ ಇದೀಗ ಆರೋಗ್ಯ ಸಂಬಂಧಿತ ಪೋಡೋಕಾಸ್ಟ್ ಅನ್ನು ಕೂಡ ಆರಂಭಿಸಲು ನಟಿ ನಿರ್ಧರಿಸಿದ್ದು, ಈ ಕುರಿತು ಶೀಘ್ರದಲ್ಲೇ ಪ್ರಕಟಿಸಲಿದ್ದಾರೆ.
ನಾಗಚೈತನ್ಯರಿಂದ 2021ರಲ್ಲಿ ವಿಚ್ಛೇದನ ಪಡೆದ ಬಳಿಕ ನಟಿ ತಮ್ಮ ವೃತ್ತಿ ಜೀವನದಲ್ಲಿ ಹೊಸ ಪ್ರಯೋಗಗಳನ್ನು ಅನ್ವೇಷಣೆ ಮಾಡುತ್ತಿದ್ದಾರೆ. ಫ್ಯಾಮಿಲಿ 2 ವೆಬ್ ಸಿರೀಸ್ ಮೂಲಕ ಓಟಿಟಿಗೆ ಪ್ರವೇಶಿಸಿದ ನಟಿ ಇದೀಗ ಸಿಟೆಡಾಲ್ ಸೀರಿಸ್ ನಟಿಸಲು ಸಜ್ಜಾಗಿದ್ದು, ಅದರ ತಯಾರಿಯಲ್ಲಿದ್ದಾರೆ.
ನಟನೆ ಹೊರತಾಗಿ ಪ್ರೊಡಕ್ಷನ್ ಬ್ಯಾನರ್ ಕೂಡ ನಿರ್ಮಿಸಿರುವ ನಟಿ, ಈ ಕುರಿತು ಕಳೆದ ಡಿಸೆಂಬರ್ನಲ್ಲಿ ತಿಳಿಸಿದರು. ಟ್ರಾ-ಲಾ-ಲಾ ಮೂವಿಂಗ್ ಪಿಕ್ಚರ್ ಮೂಲಕ ನಿರ್ಮಾಣಕ್ಕೂ ಅವರು ಸಜ್ಜಾಗಿದ್ದಾರೆ.
ಇದನ್ನೂ ಓದಿ : ನಿಮ್ಮ ವ್ಯಾಲೆಂಟೈನ್ಸ್ ಡೇ ಪ್ಲಾನ್ ಏನು?: ಕ್ಷಮೆ ಕೇಳಿದ ರಶ್ಮಿಕಾ - ಕಾರಣ?
