ರಾಕಿಂಗ್ ಸ್ಟಾರ್ ಯಶ್ ಮುಖ್ಯಭೂಮಿಕೆಯ ಮುಂದಿನ ಬಹುನಿರೀಕ್ಷಿತ ಸಿನಿಮಾ 'ಟಾಕ್ಸಿಕ್'. ಅಪಾರ ಸಂಖ್ಯೆಯ ಅಭಿಮಾನಿಗಳು ಮಾತ್ರವಲ್ಲದೇ ಚಿತ್ರರಂಗದವರೂ ಕೂಡ ಈ ಸಿನಿಮಾ ಬಗ್ಗೆ ಸಾಕಷ್ಟು ಕುತೂಹಲ ವ್ಯಕ್ತಪಡಿಸಿದ್ದಾರೆ. ಬಾಲಿವುಡ್ ಬೇಬೋ ಕರೀನಾ ಕಪೂರ್ ಖಾನ್ ಈ ಚಿತ್ರದಲ್ಲಿ ಬಹುಮುಖ್ಯ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ ಎಂದು ಹೇಳಲಾಗಿದ್ದು, ಸಿನಿಮಾ ಮೇಲೆ ಸಾಕಷ್ಟು ನಿರೀಕ್ಷೆಗಳಿವೆ.
ಬಾಲಿವುಡ್ ಬೆಡಗಿ ಕರೀನಾ ಕಪೂರ್ ಖಾನ್ ಇತ್ತೀಚೆಗೆ ಸೌತ್ ಸಿನಿಮಾ ಇಂಡಸ್ಟ್ರಿಯ ಬಿಗ್ ಪ್ರಾಜೆಕ್ಟ್ನಲ್ಲಿ ಕಾಣಿಸಿಕೊಳ್ಳುವ ಸುಳಿವು ಬಿಟ್ಟುಕೊಟ್ಟಿದ್ದಾರೆ. ಯಶ್ ಮುಂದಿನ ಸಿನಿಮಾ 'ಟಾಕ್ಸಿಕ್'ನಲ್ಲಿ ನಟಿಯ ಸಂಭಾವ್ಯ ಪಾತ್ರದ ಬಗ್ಗೆ ಅಭಿಮಾನಿಗಳಲ್ಲಿ ಊಹಾಪೋಹಗಳು ಹುಟ್ಟಿಕೊಂಡಿವೆ.
- " class="align-text-top noRightClick twitterSection" data="">
ಹಿಂದಿನ ವರದಿಗಳು, ಟಾಕ್ಸಿಕ್ನಲ್ಲಿ ಯಶ್ ಅವರೊಂದಿಗೆ ಕರೀನಾ ತೆರೆ ಹಂಚಿಕೊಳ್ಳುವ ಬಗ್ಗೆ ಸುಳಿವು ನೀಡಿದ್ದವು. ಚಿತ್ರನಿರ್ಮಾಪಕರು ಅವರ ಭಾಗವಹಿಸುವಿಕೆಯನ್ನು ಖಚಿತಪಡಿಸಿಕೊಳ್ಳಲು ಉತ್ಸುಕರಾಗಿದ್ದಾರೆಂದು ವರದಿಗಳು ತಿಳಿಸಿದ್ದವು. ಈ ವರದಿಗಳು, ಅಭಿಮಾನಿಗಳು ಅಧಿಕೃತ ಘೋಷಣೆಗೆ ಕಾತರದಿಂದ ಕಾಯುವಂತೆ ಮಾಡಿತ್ತು.
ಇದೀಗ ಶೇರ್ ಆಗಿರೋ ವಿಡಿಯೋವೊಂದರಲ್ಲಿ, ಕರೀನಾ ತಮ್ಮ ಅಭಿಮಾನಿಗಳೊಂದಿಗೆ ಝೂಮ್ ಸೆಷನ್‌ನಲ್ಲಿ ದಕ್ಷಿಣ ಭಾರತೀಯ ಚಿತ್ರರಂಗಕ್ಕೆ ಎಂಟ್ರಿಕೊಡುತ್ತಿರುವ ಬಗ್ಗೆ ಮಾತನಾಡುತ್ತಿರುವುದನ್ನು ತೋರಿಸಿದೆ. ಈ ಬಗ್ಗೆ ನಟಿ ತಮ್ಮ ಉತ್ಸಾಹ ವ್ಯಕ್ತಪಡಿಸಿದ್ದಾರೆ. "ನಾನು ಹೇಳಿದಂತೆ, ನಾನು ಬಿಗ್ ಸೌತ್ ಪ್ರೊಜೆಕ್ಟ್ ಮಾಡುತ್ತಿರಬಹುದು. ಪ್ಯಾನ್-ಇಂಡಿಯಾ ಸಿನಿಮಾ. ಹಾಗಾಗಿ ನಾನು ಎಲ್ಲಿ ಶೂಟಿಂಗ್ನಲ್ಲಿ ಭಾಗಿಯಾಗುತ್ತೇನೆ ಎಂದು ನನಗೆ ತಿಳಿದಿಲ್ಲ. ಆದರೆ ನಾನು ಉತ್ಸುಕಳಾಗಿದ್ದೇನೆ. ಮೊದಲ ಬಾರಿಗೆ ಇದನ್ನು ಮಾಡುತ್ತಿದ್ದೇನೆ'' ಎಂದು ಮಾತನಾಡಿರುವ ವಿಡಿಯೋ ಅದಾಗಿದೆ.
ಇದನ್ನೂ ಓದಿ: 'ಬ್ಯಾಂಗಲೂರ್ ಇಡ್ಲಿ ಬೇಡ': ರಿಷಬ್, ಶಿವಣ್ಣ ಬಳಿಕ 'RCB' ವಿಡಿಯೋದಲ್ಲಿ ಸುದೀಪ್
ನಟಿ ಬಿಟ್ಟುಕೊಟ್ಟಿರುವ ಸುಳಿವು ಅಭಿಮಾನಿಗಳ ನಡುವೆ ವಿವಿಧ ರೀತಿಯ ಚರ್ಚೆಗೆ ಕಾರಣವಾಯಿತು. ಟಾಕ್ಸಿಕ್ ಮತ್ತು ಸಿಂಗಮ್ನಂತಹ ಬಿಗ್ ಪ್ರಾಜೆಕ್ಟ್ಗಳಿಂದ ಹಿಡಿದು ಜಾನೆ ಜಾನ್ ನಂತಹ ಕಂಟೆಂಟ್ ಆಧಾರಿತ ಚಿತ್ರಗಳವರೆಗೆ ವೈವಿದ್ಯಮಯ ಪ್ರೊಜೆಕ್ಟ್ಗಳನ್ನು ಆಯ್ಕೆ ಮಾಡುವಲ್ಲಿನ ಕರೀನಾ ಅವರ ಬಹುಮುಖ ಪ್ರತಿಭೆಯನ್ನು ಹಲವರು ಶ್ಲಾಘಿಸಿದರು. ಬಹುಸಮಯದಿಂದ ಇಂಡಸ್ಟ್ರಿಯಲ್ಲಿ ಸಕ್ರಿಯರಾಗಿರುವ ಅಭಿಮಾನಿಗಳು ಶ್ಲಾಘಿಸಿದರು. ಅದರಲ್ಲೂ ವಿಶೇಷವಾಗಿ 42ನೇ ವಯಸ್ಸಿನಲ್ಲಿ ಯಶ್ ಜೊತೆ ಪ್ಯಾನ್-ಇಂಡಿಯಾ ಚಿತ್ರದ ಭಾಗವಾಗುತ್ತಿರುವುದನ್ನು ಹೈಲೈಟ್ ಮಾಡಿದರು.
ಇದನ್ನೂ ಓದಿ: ಗೇಮ್ ಚೇಂಜರ್ ಶೂಟಿಂಗ್ ಸ್ಪಾಟ್ನಲ್ಲಿ ಜಮಾಯಿಸಿದ ಅಭಿಮಾನಿಗಳು: ರಾಮ್ ಚರಣ್ ವಿಡಿಯೋ ವೈರಲ್
ಮುಂದಿನ ವರ್ಷ ಏಪ್ರಿಲ್ನಲ್ಲಿ ಬಿಡುಗಡೆಯಾಗಲಿರುವ ಯಶ್ ಅವರ ಟಾಕ್ಸಿಕ್ ಚಿತ್ರಕ್ಕೆ ನಿರ್ದೇಶಕಿ ಗೀತು ಮೋಹನ್‌ದಾಸ್ ಆ್ಯಕ್ಷನ್ ಕಟ್ ಹೇಳುತ್ತಿದ್ದಾರೆ. ಯಶ್ ಹಾಗೂ ಗೀತು ಮೋಹನ್‌ದಾಸ್ ಕಾಂಬಿನೇಶನ್ನ ಚೊಚ್ಚಲ ಚಿತ್ರವಿದು. ಕರೀನಾ ಅವರ ಪಾಲ್ಗೊಳ್ಳುವಿಕೆ ಬಗೆಗಿನ ಅಧಿಕೃತ ಘೋಷಣೆಗಾಗಿ ಸಿನಿಪ್ರಿಯರು ಕಾತರರಾಗಿದ್ದಾರೆ. ನಟಿ ಸದ್ಯ ತಮ್ಮ ಕ್ರ್ಯೂ ಸಿನಿಮಾ ಬಿಡುಗಡೆಗೆ ಎದುರು ನೋಡುತ್ತಿದ್ದಾರೆ. ಟಬು, ಕೃತಿ ಸನೋನ್, ದಿಲ್ಜಿತ್ ದೋಸಾಂಜ್, ಕಪಿಲ್ ಶರ್ಮಾ ನಟನೆಯ ಈ ಚಿತ್ರ ಇದೇ ಮಾರ್ಚ್ 29 ರಂದು ಚಿತ್ರಮಂದಿರ ಪ್ರವೇಶಿಸಲಿದೆ.
