ಕನ್ನಡದ ಅತ್ಯಂತ ಜನಪ್ರಿಯ ಕಿರುತೆರೆ ಕಾರ್ಯಕ್ರಮ 'ಬಿಗ್ ಬಾಸ್ ಸೀಸನ್ 11'ರಲ್ಲಿ ಹಲವು ಮಹತ್ವದ ಘಟನೆಗಳು ಜರುಗುತ್ತಿವೆ. ಯಾವ ಸೀಸನ್ಗಳಲ್ಲೂ ಮೊದಲೆರಡು ವಾರಗಳಲ್ಲಿ ನಡೆಯದ ಜಗಳ, ವಾದ ವಿವಾದ, ಕಿರುಚಾಟ ಎಲ್ಲಕ್ಕಿಂತ ಹೆಚ್ಚಾಗಿ ರೂಲ್ಸ್ ಬ್ರೇಕ್ ಈ ಸೀಸನ್ನ ಮೊದಲೆರಡು ವಾರದಲ್ಲೇ ನಡೆದಿದೆ. ಮನೆಯಲ್ಲಿ ಅತಿ ಹೆಚ್ಚು ಬಾರಿ ನಿಯಮಗಳನ್ನು ಮುರಿದಿರುವ ಜಗದೀಶ್ ಮತ್ತೆ ಬೇಜವಾಬ್ದಾರಿಯಿಂದ ವರ್ತಿಸಿದಂತೆ ತೋರಿದೆ. ಇದರ ಸುಳಿವನ್ನು ಬಿಗ್ ಬಾಸ್ ಪ್ರೋಮೋ ಬಿಟ್ಟುಕೊಟ್ಟಿದೆ.
ಬಿಗ್ ಬಾಸ್ ಮೂರನೇ ವಾರಕ್ಕೆ ಕಾಲಿಟ್ಟಿದೆ. ಮೊದಲ ವಾರದಲ್ಲಿ ನಟಿ ಯಮುನಾ ಶ್ರೀನಿಧಿ ಎಲಿಮಿನೇಟ್ ಆಗಿದ್ದರು. ಎರಡನೇ ವಾರ ಯಾವುದೇ ಎಲಿಮಿನೇಶನ್ ನಡೆದಿಲ್ಲ. ವಾರದ ಕತೆ ಕಿಚ್ಚನ ಜೊತೆ ಮತ್ತು ಸೂಪರ್ ಸಂಡೇ ವಿತ್ ಸುದೀಪ್ ಸಂಚಿಕೆಗಳು ಶನಿವಾರ ಮತ್ತು ಭಾನುವಾರ ಯಶಸ್ವಿಯಾಗಿ ಮೂಡಿಬಂದ ಬೆನ್ನಲ್ಲೇ, ಅಭಿನಯ ಚಕ್ರವರ್ತಿ ಸುದೀಪ್ ತಮ್ಮ ನಿರೂಪಣೆಗೆ ವಿದಾಯ ಘೋಷಿಸಿದ್ದಾರೆ. ಮುಂದಿನ ಸೀಸನ್ಗಳನ್ನು ನಾನು ನಡೆಸಿಕೊಡುವುದಿಲ್ಲ ಎಂದು ತಿಳಿಸಿದ್ದಾರೆ. ಇದರ ಬೆನ್ನಲ್ಲೇ ಬಿಗ್ ಬಾಸ್ ಕೂಡಾ ಸ್ಪರ್ಧಿಗಳ ವರ್ತನೆ ವಿರುದ್ಧ ಆಕ್ರೋಶಗೊಂಡು ಮನೆಯಿಂದ ಹೊರನಡೆದಿದ್ದಾರೆ. ಇಷ್ಟಾದ್ರೂ ಸ್ಪರ್ಧಿ ಜಗದೀಶ್ ತಮಗೆ ಬೇಕಾದಂತೆ ವರ್ತಿಸತೊಡಗಿದ್ದಾರೆ.
''ಕೇಳೋರಿಗೆ ಹೇಳ್ಬೋದು, ಕೇಳದೆ ಇದ್ದೋರಿಗೆ...?'' ಬಿಗ್ ಬಾಸ್ ಕನ್ನಡ ಸೀಸನ್ 11, ಸೋಮ-ಶುಕ್ರ ರಾತ್ರಿ 9:30ಕ್ಕೆ ಪ್ರಸಾರ ಎಂಬ ಕ್ಯಾಪ್ಷನ್ನೊಂದಿಗೆ ವಿವಿಧ ಸೋಷಿಯಲ್ ಮೀಡಿಯಾ ಪ್ಲ್ಯಾಟ್ಫಾರ್ಮ್‌ಗಳಲ್ಲಿ ಬಿಗ್ ಬಾಸ್ ಕನ್ನಡ ಪ್ರೋಮೋ ಅನಾವರಣಗೊಳಿಸಿದೆ. ಬೆಳಗ್ಗಿನ ಪ್ರೋಮೋದಲ್ಲಿ, ಸ್ಪರ್ಧಿಗಳ ವರ್ತನೆಗೆ ಆಕ್ರೋಶಗೊಂಡ ಬಿಗ್ ಬಾಸ್ ಮನೆಯಿಂದ ಹೊರನಡೆಯುತ್ತಿದ್ದೇನೆ, ಬ್ರೇಕ್ ತೆಗೆದುಕೊಳ್ಳುತ್ತಿದ್ದೇನೆ ಎಂಬ ಬಹಳ ಸಿಟ್ಟಿನಲ್ಲಿ ಹೇಳಿದ್ದರು. ಈ ಹಿನ್ನೆಲೆಯಲ್ಲಿ ಮನೆಯ ಸ್ಪರ್ಧಿಗಳು ಆತಂಕಕ್ಕೊಳಗಾಗಿದ್ದರು. ಆದ್ರೆ ಜಗದೀಶ್ ಮಾತ್ರ ಕ್ಯಾರೇ ಇಲ್ಲ ಎನ್ನುವಂತೆ ವರ್ತಿಸಿದ್ದಾರೆ.
ಇದನ್ನೂ ಓದಿ: ಉಪೇಂದ್ರ ಯುಐ ರಿಲೀಸ್ ಡೇಟ್ ಅನೌನ್ಸ್: 'ಸಿನಿಮಾಗಳಿಗೆ ಹಿಟ್ ಫ್ಲಾಪ್ ಅಂತಾ ಹೇಳ್ತಿದ್ರಿ, ಈ ಸಿನಿಮಾ ನಿಮ್ಮನ್ ನೋಡಿ'
ಕ್ಯಾಮರಾ ಎದುರು ನಿಂತ ಜಗದೀಶ್, ಬಿಗ್ ಬಾಸ್ ಆಕಡೆ ಹೋದ್ರೆ ಸ್ವಲ್ಪ ನಾಷ್ಟ ಮಾಡ್ಕೊಳಿ. ಮೈಸೂರ್ ರೋಡ್ ಕಡೆ ಹೋದ್ರೆ ತಟ್ಟೆ ಇಡ್ಲಿ ಸಿಗುತ್ತೆ. ತುಮಕೂರ್ ಜಂಕ್ಷನ್ ಅಲ್ಲಿ ಒಳ್ಳೆ ಚಿತ್ರಾನ್ನ ಸಿಗುತ್ತೆ ತಗೊಳಿ. ಗೌರಿಬಿದನೂರ್ ಕಡೆ ಹೋದ್ರೆ ಚಿಕನ್ ಫ್ರೈ ಸಿಗುತ್ತೆ ಅಂತಾ ಹೇಳಿದ್ದಾರೆ. ಅಲ್ಲೇ ಇದ್ದ ಧನರಾಜ್ ಅವರು ಬಿಗ್ ಬಾಸ್ ಟ್ರಿಪ್ಗೆ ಹೋಗಿರೋದಲ್ಲ ಎಂದಿದ್ದಾರೆ. ಆದಾಗ್ಯೂ ಮಾತು ಮುಂದುವರಿಸಿದ ಜಗದೀಶ್, ಚಿಕ್ಕಬಳ್ಳಾಪುರ ಕಡೆ ಹೋದ್ರೆ ನಾಟಿ ಕೋಳಿ ಫ್ರೈ ಸಿಗುತ್ತೆ ಎಂದಿದ್ದಾರೆ. ನಂತರ, 'ಬಿಗ್ ಬಾಸ್ ಟ್ರಿಪ್ಗೆ ಹೋಗಿರೋದಲ್ಲ, ನಮ್ಮ ವರ್ತನೆ ನೋಡಿ, ಬೇಸತ್ತು ಹೋಗಿರೋದು' ಎಂದು ಧನರಾಜ್ ಟೀಕಿಸಿದರು.
ಇದನ್ನೂ ಓದಿ: ಸುದೀಪ್ ಗುಡ್ ಬೈ ಬೆನ್ನಲ್ಲೇ ಮನೆಯಿಂದ ಹೊರನಡೆದ ಬಿಗ್ ಬಾಸ್! ಸ್ಪರ್ಧಿಗಳ ಉಡಾಫೆತನದ ವಿರುದ್ಧ ರೊಚ್ಚಿಗೆದ್ದ Bigg Boss
ಮತ್ತೊಂದೆಡೆ ಆತಂಕದಲ್ಲಿ ಕುಳಿತಿದ್ದ ಇತರೆ ಸ್ಪರ್ಧಿಗಳು ಕೇಳೋರಿಗೆ ಹೇಳ್ಬೋದು. ಕೇಳದೇ ಇರೋರಿಗೆ ಅರ್ಥ ಮಾಡಿಸೋದೇಗೆ? ಎಂದು ಚರ್ಚೆ ನಡೆಸಿದ್ದಾರೆ.
