ಬಾಲಿವುಡ್ ನಟ ವಿದ್ಯುತ್ ಜಮ್ವಾಲ್ ಅಭಿನಯದ ಆ್ಯಕ್ಷನ್ ಪ್ಯಾಕ್ಡ್ ಥ್ರಿಲ್ಲರ್ ಸಿನಿಮಾ ''ಕ್ರಾಕ್ - ಜೀತೇಗಾ ತೋ ಜಿಯೇಗಾ'' ಚಿತ್ರದ ಬಹು ನಿರೀಕ್ಷಿತ ಟ್ರೇಲರ್ ಅನಾವರಣಗೊಂಡಿದೆ. ಟೀಸರ್ ಮತ್ತು ಹಾಡುಗಳಿಂದ ಅಭಿಮಾನಿಗಳ ಕುತೂಹಲ ಹೆಚ್ಚಿಸಿದ್ದ ಚಿತ್ರತಂಡ ಇದೀಗ ಟ್ರೇಲರ್ ಮೂಲಕ ಸದ್ದು ಮಾಡಿದೆ. ವಿದ್ಯುತ್ ಜಮ್ವಾಲ್, ಅರ್ಜುನ್ ರಾಂಪಾಲ್, ನೋರಾ ಫತೇಹಿ ಮತ್ತು ಆ್ಯಮಿ ಜಾಕ್ಸನ್ ನಟನೆಯ ''ಕ್ರಾಕ್ - ಜೀತೇಗಾ ತೋ ಜಿಯೇಗಾ'' ಚಿತ್ರದ ಟ್ರೇಲರ್ ಇಬ್ಬರು ನಾಯಕರು ಮುಖಾಮುಖಿಯಾಗುವುದನ್ನು ಚಿತ್ರಿಸಿದೆ.
ಟ್ರೇಲರ್ ವೀಕ್ಷಿಸಿದ ನೆಟಿಜನ್‌ಗಳು ತಮ್ಮ ಉತ್ಸಾಹ, ಕುತೂಹಲ ವ್ಯಕ್ತಪಡಿಸಲು, ಜೊತೆಗೆ ವಿದ್ಯುತ್ ಜಮ್ವಾಲ್ನ ಅಭಿನಯಕ್ಕೆ ಮೆಚ್ಚುಗೆ ಸೂಚಿಸಲು ಸೋಷಿಯಲ್ ಮೀಡಿಯಾ ವೇದಿಕೆ ಬಳಸಿಕೊಂಡರು. ಕೆಲವರು ಸಿನಿ ಉದ್ಯಮದಲ್ಲಿ ಈಗಾಗಲೇ ಸ್ಥಾನ ಪಡೆದಿರೋ ತಾರೆಯರು ಮತ್ತು ಹೊಸಬರ ನಡುವಿನ ಅವಕಾಶಗಳಲ್ಲಿನ ಅಸಮಾನತೆ ಎತ್ತಿ ತೋರಿಸಿದ್ದಾರೆ. ಇತರರು ವಿದ್ಯುತ್ ಅವರನ್ನು ನಿಜವಾದ ಆ್ಯಕ್ಷನ್ ಹೀರೋ ಎಂದು ಶ್ಲಾಘಿಸಿದ್ದಾರೆ. ಭಾರತೀಯ ಸಿನಿಮಾದ ಸ್ಟಂಟ್, ಆ್ಯಕ್ಷನ್ ಅವತಾರಕ್ಕೆ ಸಾಕ್ಷಿಯಾದ ಟ್ರೇಲರ್ ಅನ್ನು ಪ್ರೇಕ್ಷಕರು ಗುಣಗಾನ ಮಾಡಿದ್ದಾರೆ. ಒಟ್ಟಾರೆ ಟ್ರೇಲರ್ಗೆ ಮಿಶ್ರ ಪ್ರತಿಕ್ರಿಯೆ ವ್ಯಕ್ತವಾಗಿದೆ.
ಸೋಷಿಯಲ್ ಮೀಡಿಯಾ ಬಳಕೆದಾರರು ವಿದ್ಯುತ್ ಜಮ್ವಾಲ್ಗೆ ಬೆಂಬಲ ವ್ಯಕ್ತಪಡಿಸಿ ಕಾಮೆಂಟ್ ಶೇರ್ ಮಾಡುತ್ತಿದ್ದಾರೆ. "ಕ್ರಾಕ್ - ಜೀತೇಗಾ ತೋ ಜಿಯೇಗಾ ಟ್ರೇಲರ್ - ವಿದ್ಯುತ್ ಜಮ್ವಾಲ್ ಸ್ಮ್ಯಾಶ್ ಹಿಟ್‌ಗೆ ಅರ್ಹರು. ಒಂದು ಸ್ಮ್ಯಾಶ್ ಹಿಟ್ ಮತ್ತು ಅವರು ಬಾಲಿವುಡ್‌ನಲ್ಲಿ ಟಾಪ್ ಸ್ಟಾರ್ ಆಗುತ್ತಾರೆ. ಸ್ಟಾರ್ ಕಿಡ್ಸ್ ಬಹಳ ಸುಲಭವಾಗಿ ಖ್ಯಾತ ನಿರ್ದೇಶಕ, ಬ್ಯಾನರ್ ಪಡೆಯುತ್ತಾರೆ. ಆದರೆ ಅರ್ಹ ವ್ಯಕ್ತಿ ಕಷ್ಟಪಡಬೇಕಾಗಿದೆ" ಎಂದು ಬರೆದಿದ್ದಾರೆ.
ಮತ್ತೊಬ್ಬ ಸೋಷಿಯಲ್ ಮೀಡಿಯಾ ಬಳಕೆದಾರರು, ವಿದ್ಯುತ್ ಅವರ ನಟನಾ ಸಾಮರ್ಥ್ಯವನ್ನು ಶ್ಲಾಘಿಸಿದ್ದಾರೆ. "ವಿದ್ಯುತ್ ಜಮ್ವಾಲ್ ಅವರು ನಿಜವಾದ ಆ್ಯಕ್ಷನ್ ಸ್ಟಾರ್. ಎಂಥಾ ಅದ್ಭುತ ಟ್ರೇಲರ್. ನಾನು ಈ ಸ್ಫೋಟಕ ಆ್ಯಕ್ಷನ್ ಸಿನಿಮಾವನ್ನು ನೋಡಲೇಬೇಕು" ಎಂದು ಬರೆದುಕೊಂಡಿದ್ದಾರೆ. ಇನ್ನೋರ್ವ ಅಭಿಮಾನಿ ಪ್ರತಿಕ್ರಿಯಿಸಿ, "ಇನ್‌ಕ್ರೆಡಿಬಲ್. ಕ್ರಾಕ್ ಟ್ರೇಲರ್ ಭಾರತೀಯ ಸಿನಿಮಾದ ಸ್ಟಂಟ್ ಗೇಮ್ ಅನ್ನು ಉನ್ನತ ಮಟ್ಟಕ್ಕೆ ಕೊಂಡೊಯ್ದಿದೆ. ಹಿಂದೆಂದಿಗೂ ನೋಡದ ಆ್ಯಕ್ಷನ್-ಪ್ಯಾಕ್ಡ್ ಥ್ರಿಲ್‌ ಸಿನಿಮಾ ವೀಕ್ಷಿಸಲು ಸಿದ್ಧರಾಗಿ" ಎಂದು ಬರೆದುಕೊಂಡಿದ್ದಾರೆ.
ಇದನ್ನೂ ಓದಿ: ರಾಜ್ಯಪಾಲೆ ತಮಿಳಿಸೈ ಸೌಂದರರಾಜನ್ ಭೇಟಿಯಾದ ಚಿರಂಜೀವಿ
ಸಿನಿಮಾ ಸೂಪರ್ ಹಿಟ್ ಆಗುವ ನಿರೀಕ್ಷೆಯಲ್ಲಿರುವ ಮತ್ತೊಬ್ಬ ಸೋಷಿಯಲ್ ಮೀಡಿಯಾ ಬಳಕೆದಾರ ಪ್ರತಿಕ್ರಿಯಿಸಿ, ''ಕ್ರಾಕ್ ಮಾಸ್ ಟ್ರೇಲರ್. ಆ್ಯಕ್ಷನ್ ಕಿಂಗ್ ವಿದ್ಯುತ್ ಜಮ್ವಾಲ್ ಅವರ ಸ್ಕ್ರೀನ್ ಪ್ರೆಸೆಂಟೇಶನ್ ಮೈಂಡ್ ಬ್ಲೋಯಿಂಗ್. ಅವರ ಆ್ಯಟಿಟ್ಯೂಡ್, ಅವರ ಡೈಲಾಗ್ಸ್, ಅವರ ಸ್ವಾಗ್ ಅಕ್ಷರಶಃ ಅದ್ಭುತ. ಕಥೆ ಆಸಕ್ತಿದಾಯಕವಾಗಿರುವಂತೆ ತೋರುತ್ತಿದೆ. ನಿರ್ದೇಶನ ಉನ್ನತ ಮಟ್ಟದ್ದಾಗಿದೆ. ಬ್ಲಾಕ್ಬಸ್ಟರ್ ಲೋಡಿಂಗ್" ಎಂದು ಬರೆದುಕೊಂಡಿದ್ದಾರೆ. ಆದಿತ್ಯ ದತ್ ನಿರ್ದೇಶನದ ಈ ಚಿತ್ರ ಇದೇ ಫೆಬ್ರವರಿ 23 ರಂದು ಬಿಡುಗಡೆಯಾಗಲಿದೆ.
ಇದನ್ನೂ ಓದಿ: 28 ವರ್ಷಗಳ ಬಳಿಕ ಭಾರತದಲ್ಲಿ ವಿಶ್ವ ಸುಂದರಿ ಸ್ಪರ್ಧೆ: ಸಂಪೂರ್ಣ ಮಾಹಿತಿ ನಿಮಗಾಗಿ
