ಐಶ್ವರ್ಯಾ ರೈ ಬಚ್ಚನ್ ಹಾಗೂ ಅಭಿಷೇಕ್ ಬಚ್ಚನ್ ಅಪಾರ ಸಂಖ್ಯೆಯ ಅಭಿಮಾನಿಗಳನ್ನು ಸಂಪಾದಿಸಿರುವ ಜನಪ್ರಿಯ ತಾರಾ ದಂಪತಿ. ಫ್ಯಾನ್ಸ್ ಪ್ರೀತಿ ಗಳಿಸಿರೋ ಬಾಲಿವುಡ್ನ ಪವರ್ಫುಲ್ ಕಪಲ್ ಟ್ರೋಲಿಗರ ಪ್ರಮುಖ ವಿಷಯವಾಗಿದ್ದಾರೆ. ಇವರಿಬ್ಬರ ಡಿವೋರ್ಸ್ ರೂಮರ್ಸ್ ಬಹಳ ದಿನಗಳಿಂದ ಸದ್ದು ಮಾಡುತ್ತಿದೆ. ಆದರೆ ಅದು ವದಂತಿಯಷ್ಟೇ ಅನ್ನೋದು ನಿಮ್ಮ ಗಮನದಲ್ಲಿರಲಿ. ಹೀಗೆ ವಿಚ್ಛೇದನ ವದಂತಿ ಹೆಚ್ಚುತ್ತಿರುವಾಗ ನೆಟ್ಟಿಗರು ಜೋಡಿಯ ಹಳೇ ಫೋಟೋ ವಿಡಿಯೋಗಳನ್ನು ಆನ್ಲೈನ್ನಲ್ಲಿ ಅಗೆದು ತೆಗೆಯುತ್ತಿದ್ದಾರೆ. ಅದರಂತೆ ಇದೀಗ ತಾರಾ ದಂಪತಿಯ ಥ್ರೋಬ್ಯಾಕ್ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವ್ಯಾಪಕವಾಗಿ ವೈರಲ್ ಆಗಿವೆ.
ವೈರಲ್ ವಿಡಿಯೋದಲ್ಲಿ ಅಭಿ - ಐಶ್ ಡ್ಯಾನ್ಸ್: ವೈರಲ್ ವಿಡಿಯೋದಲ್ಲಿ ಅಭಿ ಅಂಡ್ ಐಶ್ ಇಬ್ಬರೂ ದೇಸಿ ಗರ್ಲ್ ಸಾಂಗ್ಗೆ ಡ್ಯಾನ್ಸ್ ಮಾಡಿರೋದನ್ನು ಕಾಣಬಹುದು. ವಿಡಿಯೋ ವಿವಾಹ ಸಮಾರಂಭವೊಂದರದ್ದಾಗಿದೆ ಎಂದು ತೋರುತ್ತಿದೆ. ವೇದಿಕೆ ಮೇಲೆ ಐಶ್ವರ್ಯಾ ಮತ್ತು ಅಭಿಷೇಕ್ ಇದ್ದು, ಇಬ್ಬರ ಮಧ್ಯದಲ್ಲಿ ಮಗಳು ಆರಾಧ್ಯಳನ್ನೂ ಕಾಣಬಹುದು. ಈ ಕುಟುಂಬಕ್ಕೆ ಆಪ್ತರು ಸಾಥ್ ನೀಡಿದ್ದಾರೆ. ಇದೊಂದು ಆತ್ಮೀಯ ಕ್ಷಣವಾಗಿದ್ದು, ಎಲ್ಲರೂ ಕುಣಿದು ಸಂಭ್ರಮಿಸಿದ್ದಾರೆ.
ವೈಟ್ ಶೈನಿಂಗ್ ಔಟ್ಫಿಟ್ನಲ್ಲಿ ಕಂಗೊಳಿಸಿದ ಜೋಡಿ: ಐಶ್ವರ್ಯಾ ಮತ್ತು ಅಭಿಷೇಕ್ ವೈಟ್ ಶೈನಿಂಗ್ ಔಟ್ಫಿಟ್ನಲ್ಲಿ ಕಂಗೊಳಿಸಿದ್ದಾರೆ. ಮತ್ತೊಂದೆಡೆ, ಆರಾಧ್ಯ ರೆಡ್ ಗೌನ್‌ನಲ್ಲಿ ಸಖತ್ ಕ್ಯೂಟ್ ಆಗಿ ಕಾಣಿಸಿಕೊಂಡಿದ್ದಾಳೆ. ಮೂವರೂ ದೇಸಿ ಗರ್ಲ್ ಸಾಂಗ್ಗೆ ಸಖತ್ತಾಗೇ ಸ್ಟೆಪ್ ಹಾಕಿದ್ದಾರೆ. ಡ್ಯಾನ್ಸ್ ಬಳಿಕ ಐಶ್ ತಮ್ಮ ಮುದ್ದು ಮಗಳನ್ನು ಅಪ್ಪಿಕೊಂಡು ಮುದ್ದಾಡಿದ್ದಾರೆ. ಇದೊಂದು ಕ್ಯೂಟ್ ಫಾಮಿಲಿ ಟೈಮ್ ಎನ್ನಬಹುದು. ಸದ್ಯ ಅಭಿಷೇಕ್ ಮತ್ತು ಐಶ್ವರ್ಯಾ ವಿಚ್ಛೇದನ ಪಡೆಯಲಿದ್ದಾರೆ ಎಂಬ ವದಂತಿ ಉಲ್ಭಣಗೊಂಡಿರುವ ನಡುವೆಯೇ ಈ ಡ್ಯಾನ್ಸ್ ವಿಡಿಯೋ ವೈರಲ್ ಆಗಿದ್ದು, ಇದನ್ನು ನೋಡಿದ ಅಭಿಮಾನಿಗಳು ಬಹಳ ಖುಷಿಯಾಗಿದ್ದಾರೆ. ಅಂದಹಾಗೆ, ಇದು ಕೆಲ ಸಮಯದ ಹಿಂದಿನ ವಿಡಿಯೋ.
ಈ ವರ್ಷದ ಜೂನ್ನಲ್ಲಿ ನಡೆದ ಅನಂತ್ ಅಂಬಾನಿ ಮತ್ತು ರಾಧಿಕಾ ಮರ್ಚೆಂಟ್ ಜೋಡಿಯ ಅದ್ಧೂರಿ ವಿವಾಹ ಸಮಾರಂಭದಲ್ಲಿ ಇಬ್ಬರೂ ಮಾಧ್ಯಮಗಳೆದುರು ಪ್ರತ್ಯೇಕವಾಗಿ ಕಾಣಿಸಿಕೊಂಡ ಹಿನ್ನೆಲೆ ಊಹಾಪೋಹಗಳು ತೀವ್ರಗೊಂಡಿದ್ದವು. ಇದಲ್ಲದೇ, ಐಶ್ವರ್ಯಾ ಅವರು ಇತ್ತೀಚೆಗಷ್ಟೇ ಮಗಳು ಆರಾಧ್ಯ ಬರ್ತ್ಡೇ ಪಾರ್ಟಿಯ ಫೋಟೋಗಳನ್ನು ಹಂಚಿಕೊಂಡಿದ್ದರು. ಫೋಟೋಗಳಲ್ಲಿ ಅಭಿಷೇಕ್ ಸೇರಿದಂತೆ ಬಚ್ಚನ್ ಕುಟುಂಬದ ಯಾವುದೇ ಸದಸ್ಯರು ಕಾಣಿಸಿಕೊಂಡಿರಲಿಲ್ಲ. ಬಳಿಕ, ಅಭಿಷೇಕ್ ಅವರಿದ್ದಾರೆ ಎನ್ನಲಾದ ಫೋಟೋಗಳು ವೈರಲ್ ಆಯ್ತಾದರೂ ಟ್ರೋಲಿಗರು ಮಾತ್ರ ಸುಮ್ಮನೆ ಕೂರಲಿಲ್ಲ. ಇಬ್ಬರ ನಡುವೆ ಬಿರುಕು ಮೂಡಿದೆ ಎನ್ನುವ ವದಂತಿಗಳು ಮತ್ತಷ್ಟು ಹೆಚ್ಚಾಯಿತು.
ಇದನ್ನೂ ಓದಿ: 'ಧಿಕ್ಕಾರಕ್ಕಿಂತ ಅಧಿಕಾರಕ್ಕೆ ಬೆಲೆ ಜಾಸ್ತಿ' ಎಂದ 'U I' ಸೆನ್ಸಾರ್ನಲ್ಲಿ ಪಾಸ್: ಪರೀಕ್ಷೆಗೆ ಸಜ್ಜಾದ ಬುದ್ಧಿವಂತ, ಕಿಚ್ಚ
ಅದಾಗ್ಯೂ, ಕೆಲವೇ ದಿನಗಳ ಹಿಂದಷ್ಟೇ ದಂಪತಿ ಪಾರ್ಟಿಯೊಂದರಲ್ಲಿ ಭಾಗಿಯಾಗಿದ್ದರು. ದಂಪತಿ ಫೋಟೋ ಶೇರ್ ಮಾಡಲಿಲ್ಲವಾದ್ರೂ, ಚಿತ್ರರಂಗದ ಇತರರು ಹಂಚಿಕೊಂಡ ಫೋಟೋ ವ್ಯಾಪಕವಾಗಿ ವೈರಲ್ ಆಯ್ತು. ಅಭಿಷೇಕ್, ಐಶ್ವರ್ಯಾ ಜೋಡಿ ನಟಿಯ ತಾಯಿ ಬೃಂದಾ ರೈ ಅವರೊಂದಿಗೆ ಕಾಣಿಸಿಕೊಂಡಿದ್ದರು. ಇಷ್ಟೆಲ್ಲ ಆದರೂ ವಿಚ್ಛೇದನ ವದಂತಿಗಳು ಹೆಚ್ಚುತ್ತಲೇ ಇದೆ.
ಇದನ್ನೂ ಓದಿ: ಐಶ್-ಅಭಿ ಡಿವೋರ್ಸ್ ರೂಮರ್ಸ್ ನಡುವೆ ತಮ್ಮ ಕುಟುಂಬದಲ್ಲಿನ ಪ್ರೇಮ ವಿವಾಹಗಳ ಬಗ್ಗೆ ಮಾತನಾಡಿದ ಅಮಿತಾಭ್ ಬಚ್ಚನ್
ಐಶ್ವರ್ಯಾ ಮತ್ತು ಅಭಿಷೇಕ್ 2007ರಲ್ಲಿ ದಾಂಪತ್ಯ ಜೀವನ ಆರಂಭಿಸಿದರು. 2011ರಲ್ಲಿ ಮಗಳು ಆರಾಧ್ಯಳನ್ನು ಸ್ವಾಗತಿಸಿದರು. ವಿವಾಹವಾಗಿ 17 ವರ್ಷಗಳಾಗಿದ್ದು, ಈ ಜೋಡಿ ಸದಾ ಕಾಲ ಖುಷಿಯಾಗಿರಲಿ ಎಂಬುದು ಅಭಿಮಾನಿಗಳ ಹಾರೈಕೆ.
