ಮುಂಬೈ: ಕಾಲಮಾನ ಮತ್ತು ಮಾರುಕಟ್ಟೆಗಳ ಸ್ವರೂಪಕ್ಕೆ ಅನುಗುಣವಾಗಿ ಉದ್ಯೋಗದ ಬೇಡಿಕೆಗಳು ಸೃಷ್ಟಿಯಾಗುತ್ತವೆ. ಅದರನುಸಾರ ಆತಿಥ್ಯ ಉದ್ಯಮ (Hospitality Industry) ಮುಂದಿನ ದಿನಗಳಲ್ಲಿ ಬಹುಬೇಡಿಕೆ ಪಡೆಯಲಿದೆ. ಕೋವಿಡ್ 19 ಹಿನ್ನೆಲೆಯಲ್ಲಿ ಪ್ರತಿಭೆ ಮತ್ತು ವಿಸ್ತರಣೆ ಕೊರತೆ ಉಂಟಾಗಿತ್ತು. ಆದರೆ ಮುಂದಿನ ಕೆಲವು ವರ್ಷಗಳಲ್ಲಿ ಈ ಕ್ಷೇತ್ರದಲ್ಲಿ ಸುಮಾರು 1 ಮಿಲಿಯನ್ ಉದ್ಯೋಗ ಸೃಷ್ಟಿ ನಿರೀಕ್ಷೆ ಇದೆ ಎಂದು ತಜ್ಞರು ತಿಳಿಸಿದ್ದಾರೆ.
ಪ್ರಸ್ತುತ ಈ ಉದ್ಯಮದಲ್ಲಿ ಪ್ರತಿಭೆಗಳ ನಡುವಿನ ಬೇಡಿಕೆ ಮತ್ತು ಪೂರೈಕೆಯ ಅಂತರ 55-60ರಷ್ಟಿದೆ. ಇದು ಅಗತ್ಯತೆ ಮತ್ತು ಲಭ್ಯವಿರುವ ಪ್ರತಿಭೆಗಳ ನಡುವಿನ ಭಾರೀ ಅಂತರವಾಗಿದೆ ಎಂದು ರ್ಯಾಂಡ್ಸ್ಯಾಂಡ್ ಇಂಡಿಯಾ ನಿರ್ದೇಶಕ, ಪ್ರೊಫೆಷನಲ್ ಟ್ಯಾಲೆಂಟ್ ಸಲ್ಯೂಷನ್ ಸಂಜಯ್ ಶೆಟ್ಟಿ ಹೇಳಿದ್ದಾರೆ.
ಸಾಂಕ್ರಾಮಿಕ ಕಾಲದ ಬಳಿಕ ಪ್ರತಿಭೆ ಕೊರತೆಯ ಸಮಸ್ಯೆಯನ್ನು ಭರ್ತಿ ಮಾಡುವ ಕಾರ್ಯಕ್ಕೆ ಮುಂದಾಗಲಾಗಿದೆ. ಈ ಹಿನ್ನೆಲೆಯಲ್ಲಿ ಉದ್ಯೋಗಕ್ಕೆ ಬೇಡಿಕೆ ಹೆಚ್ಚಾಗಿದೆ. ಇದು ಮುಂದಿನ ಕೆಲವು ವರ್ಷ ಮುಂದುವರೆಯಲಿದ್ದು, ಕನಿಷ್ಠ 1 ಮಿಲಿಯನ್ ಉದ್ಯೋಗ ಸೃಷ್ಟಿಯಾಗಲಿದೆ ಎಂದಿದ್ದಾರೆ.
