ಹೈದರಾಬಾದ್: ಭಾರತದ ಡಿಜಿಟಲ್ ಮತ್ತು ಕಡಿಮೆ ಭೌತಿಕ ಹಣದ ವಹಿವಾಟು ಗುರಿ ತಲುಪಲು ದೇಶದ ಜನರು ಮುಂದಾಗುತ್ತಿದ್ದಾರೆ. ತಮ್ಮ ದೈನಂದಿನ ಅವಶ್ಯಕ ವಸ್ತುಗಳ ಕೊಳ್ಳುವಿಕೆಗೆ ಭೌತಿಕ ಹಣದ ಬದಲಾಗಿ ಯುಪಿಐ ಮೂಲಕ ಡಿಜಿಟಲ್ ವಹಿವಾಟು ನಡೆಸುತ್ತಿದ್ದಾರೆ. ಇದರ ಪರಿಣಾಮವಾಗಿ ಯುಪಿಐ (ಯುನಿಫೈಡ್ ಪೇಮೆಂಟ್ ಇಂಟರ್ಫೇಸ್) ಆಧಾರಿತ ವಹಿವಾಟು ಜೂನ್ನಲ್ಲಿ 13.89 ಬಿಲಿಯನ್ ತಲುಪಿದೆ.
ವರ್ಷದಿಂದ ವರ್ಷಕ್ಕೆ ಲೆಕ್ಕ ಹಾಕಿದಾಗ ಜೂನ್ನಲ್ಲಿ ಯುಪಿಐ ವಹಿವಾಟಿನ ಬಳಕೆ ಬೆಳವಣಿಗೆ ಶೇ 49ರಷ್ಟು ಏರಿಕೆ ಕಂಡಿದೆ ಎಂದು ಭಾರತೀಯ ರಾಷ್ಟ್ರೀಯ ಪಾವತಿ ಕಾರ್ಪೊರೇಷನ್ ದತ್ತಾಂಶದಲ್ಲಿ ತಿಳಿಸಿದೆ. 2024ರ ಜೂನ್ನಲ್ಲಿ ಯುಪಿಐ ವಹಿವಾಟು 20.07 ಲಕ್ಷ ಕೋಟಿ ಮೌಲ್ಯ ತಲುಪಿದೆ. ಮೇ ತಿಂಗಳಿಗೆ ಹೋಲಿಕೆ ಮಾಡಿದರೆ, 1.9ರಷ್ಟು ಕಡಿಮೆ ಇದೆ. ಮೇಯಲ್ಲಿ ಯುಪಿಐ ವಹಿವಾಟು 20.45 ಲಕ್ಷ ಕೋಟಿ ಆಗಿತ್ತು.
ಇನ್ನು ವರ್ಷದಿಂದ ವರ್ಷದ ಆಧಾರದ ಮೇಲೆ ಗಮನಿಸಿದಾಗ ಜೂನ್ನಲ್ಲಿ ಉತ್ತಮ ವಹಿವಾಟು ಆಗಿದೆ. ಕಳೆದ ವರ್ಷದ ಜೂನ್ಗಿಂತ ಈ ವರ್ಷದ ಜೂನ್ನಲ್ಲಿ ಮೌಲ್ಯ ಶೇ. 36ರಷ್ಟು ಏರಿಕೆ ಕಂಡಿದೆ. ಇನ್ನು ದೈನಂದಿನ ವಹಿವಾಟಿನ ಲೆಕ್ಕ ಹಾಕಿದರೆ, ಜೂನ್ನಲ್ಲಿ ದಿನಕ್ಕೆ 66,903 ಕೋಟಿ ದೈನಂದಿನ ವಹಿವಾಟು ನಡೆದಿದ್ದು, ಸಾಮಾನ್ಯ ವಹಿವಾಟು 463 ಮಿಲಿಯನ್ ಆಗಿದೆ.
2016ರಲ್ಲಿ ಯುಪಿಐ ಚಾಲನೆಗೆ ಬಂದಾಗಿನಿಂದ ದಾಖಲೆ ಮಟ್ಟದ ವಹಿವಾಟು ಕಳೆದ ಮೇ ತಿಂಗಳಲ್ಲಿ ನಡೆದಿತ್ತು.
ಜೂನ್ನಲ್ಲಿ ತಕ್ಷಣದ ಪಾವತಿ ಸೇವೆ (ಐಎಂಪಿಎಸ್) ವಹಿವಾಟಿನ ಮೌಲ್ಯ ಶೇ 7ರಷ್ಟು ಕುಗ್ಗಿದೆ. ಮೇಯಲ್ಲಿ ಐಎಂಪಿಎಸ್ ವಹಿವಾಟು 558 ಮಿಲಿಯನ್ ಆದರೆ, ಜೂನ್ನಲ್ಲಿ 517 ಮಿಲಿಯನ್ ಆಗಿದೆ.
ಆಧಾರ್ ಸೌಲಭ್ಯದ ಪಾವತಿ ವ್ಯವಸ್ಥೆ (ಎಇಪಿಎಸ್) ಜೂನ್ನಲ್ಲಿ 11ರಷ್ಟು ಹೆಚ್ಚಾಗಿದ್ದು, ಇದರ ಮೌಲ್ಯ 100 ಮಿಲಿಯನ್ ಆಗಿದೆ. ಇನ್ನು ಇದು ಮೇಯಲ್ಲಿ 90 ಮಿಲಿಯನ್ ಆಗಿದ್ದರೆ, ಏಪ್ರಿಲ್ನಲ್ಲಿ 95 ಮಿಲಿಯನ್ ಆಗಿದೆ.
ಈ ದತ್ತಾಂಶ ಬಿಡುಗಡೆಗೆ ಮುನ್ನ ದಿನ ಆರ್ಬಿಐ ಪ್ರಾಜೆಕ್ಸ್ ನೆಕ್ಸಸ್ ಜೊತೆಗೆ ನಾಲ್ಕು ಆಸೀಯನ್ ದೇಶಗಳೊಂದಿಗೆ ಅಂತರ್ ಗಡಿ ಚಿಲ್ಲರೆ ಪಾವತಿ ಸೌಲಭ್ಯಕ್ಕೆ ವೇದಿಕೆ ಕಲ್ಪಿಸಿದೆ.
ನೆಕ್ಸಸ್ ಎಂಬುದು ಅಂತಾರಾಷ್ಟ್ರೀಯ ಒಪ್ಪಂದ ಬ್ಯಾಂಕ್ನ ಹಬ್ ಆಗಿದೆ. ಇದು ಆಸೀಯನ್ ಸದಸ್ಯ ದೇಶಗಳಾದ ಮಲೇಷ್ಯಾ, ಫಿಲಿಫೈನ್ಸ್, ಸಿಂಗಾಪೂರ್ ಮತ್ತು ಥೈಲಾಂಡ್ನಲ್ಲಿ ಶೀಘ್ರ ಪಾವತಿ ವ್ಯವಸ್ಥೆಗೆ ಭಾರತದ ಯುಪಿಐ ಸಂಪರ್ಕ ಸೌಲಭ್ಯ ನೀಡಲಿದೆ. (ಐಎಎನ್ಎಸ್)
ಇದನ್ನೂ ಓದಿ: ಬೆಂಗಳೂರು: ಯುಪಿಐ ಸ್ಕ್ಯಾನರ್ ಅಪ್ ಡೇಟ್ ಸೋಗಿನಲ್ಲಿ ಹೋಟೆಲ್ ಮಾಲೀಕರಿಗೆ 48 ಸಾವಿರ ರೂ. ವಂಚನೆ
