ನವದೆಹಲಿ: ಪೇಟಿಎಂ ಪೇಮೆಂಟ್ಸ್ ಬ್ಯಾಂಕ್ ಲಿಮಿಟೆಡ್ (ಪಿಪಿಬಿಎಲ್) ಮೇಲೆ ಆರ್ಬಿಐ ವಿಧಿಸಿರುವ ನಿರ್ಬಂಧ ಇಂದಿನಿಂದ ಜಾರಿಗೆ ಬರಲಿದೆ. ಇದರೊಂದಿಗೆ ಇಂದಿನಿಂದ ಈ ಬ್ಯಾಂಕ್ನ ವಹಿವಾಟು ಸಂಪೂರ್ಣ ನಿಷೇಧಿಸಲಾಗುವುದು. ಇದರಿಂದ ಬ್ಯಾಂಕಿಂಗ್ ವ್ಯವಸ್ಥೆಗಳಲ್ಲಿ ಪ್ರಮುಖ ಬದಲಾವಣೆಗಳು ಮಾರ್ಚ್ 15ರಿಂದ ಜಾರಿಯಾಗಲಿದೆ. ಈ ಕುರಿತು ಗ್ರಾಹಕರು, ಬಳಕೆದಾರರು ಅರಿಯುವುದು ಅವಶ್ಯವಾಗಿದೆ.
ಮೊದಲಿಗೆ, ಪೇಟಿಎಂ ಪೇಮೆಂಟ್ಸ್ ಬ್ಯಾಂಕ್ನಲ್ಲಿ ಸದ್ಯ ಖಾತೆ ಹೊಂದಿರುವವರು ಇನ್ಮುಂದೆ ತಮ್ಮ ಖಾತೆಗೆ ಯಾವುದೇ ಠೇವಣಿ ಮಾಡಲು ಸಾಧ್ಯವಿಲ್ಲ.
ಸೆಂಟ್ರಲ್ ಬ್ಯಾಂಕ್ ಅನುಸಾರ ಬಡ್ಡಿ ಹೊರತಾಗಿ ಯಾವುದೇ ಸಾಲಗಳು ಅಥವಾ ಠೇವಣಿ ಮಾಡಲು ಸಾಧ್ಯವಿಲ್ಲ. ಪೇಟಿಎಂ ಪೇಮೆಂಟ್ಸ್ ಬ್ಯಾಂಕ್ಗೆ ಕ್ಯಾಶ್ಬಾಕ್ಸ್, ಪಾಲುದಾರ ಬ್ಯಾಂಕ್ ನಿಂದ ಹಣ ಪಡೆಯಲು ಅಥವಾ ಮರು ಪಾವತಿಸಲು ಸಾಧ್ಯವಿಲ್ಲ.
ಆದಾಗ್ಯೂ, ಪೇಟಿಎಂ ಖಾತೆಯಲ್ಲಿರುವ ಹಣ ಬಳಕೆ, ಹಿಂಪಡೆಯಲು ಅಥವಾ ವರ್ಗಾವಣೆ ಮಾಡಲು ಸಾಧ್ಯವಿದೆ.
ಪಾಲುದಾರರ ಬ್ಯಾಂಕ್ನಿಂದ ಮರುಪಾವತಿಗಳು, ಕ್ಯಾಶ್‌ಬ್ಯಾಕ್‌ಗಳು, ಬಡ್ಡಿ ಪಡೆಯಲು ಮಾರ್ಚ್ 15ರ ಬಳಿಕವೂ ಅನುಮತಿಸಲಾಗಿದೆ.
ಪೇಟಿಎಂ ಪೇಮೆಂಟ್ಸ್ ಬ್ಯಾಂಕ್ ಖಾತೆಯನ್ನು ಪಾಲುದಾರ ಬ್ಯಾಂಕ್‌ಗಳೊಂದಿಗೆ ನಿರ್ವಹಿಸಲಾದಲ್ಲಿ ಆ ಠೇವಣಿಗಳನ್ನು ಹಿಂಪಡೆಯಬಹುದು ಸ್ವೀಪ್-ಇನ್, ಪಾವತಿಗಳ ಬ್ಯಾಂಕ್ಗೆ ಸೂಚಿಸಲಾದ ಬ್ಯಾಲೆನ್ಸ್ ಮೇಲಿನ ಸೀಲಿಂಗ್‌ಗೆ ಒಳಪಟ್ಟಿರುತ್ತದೆ ಎಂದು ಆರ್ಬಿಐ ತಿಳಿಸಿದೆ.
ಆದರೆ, ಪಾಲುದಾರ ಬ್ಯಾಂಕ್ ಮೂಲಕ ಪೇಟಿಎಂ ಪೇಮೆಂಟ್ ಬ್ಯಾಂಕ್ನಲ್ಲಿ ಹೊಸ ಠೇವಣಿ ಮಾಡಲು ಸಾಧ್ಯವಿಲ್ಲ.
ಪೇಟಿಎಂ ಪೇಮೆಂಟ್ಸ್ ಬ್ಯಾಂಕ್ ಖಾತೆಗೆ ಒಮ್ಮೆ ವೇತನಗಳು ಕ್ರೆಡಿಟ್ ಆದಲ್ಲಿ ಅದರ ಪ್ರಯೋಜನವನ್ನು ಪಡೆಯಲು ಸಾಧ್ಯವಿಲ್ಲ. ಜೊತೆಗೆ ನೇರ ಪ್ರಯೋಜನ ಸೇರಿದಂತೆ ಇತರೆ ಪ್ರಯೋಜನವನ್ನು ಪಡೆಯಲು ಸಾಧ್ಯವಾಗುವುದಿಲ್ಲ.
ಮಾರ್ಚ್ 15ರ ನಂತರ ಖಾತೆಗಳಲ್ಲಿ ಕ್ರೆಡಿಟ್ ಅಥವಾ ಠೇವಣಿ ಮಾಡಲು ಅನುಮತಿಸಲಾಗುವುದಿಲ್ಲ. ಈ ಹಿನ್ನಲೆ ಪರ್ಯಾಯ ವ್ಯವಸ್ಥೆಗೆ ಸೂಚಿಸಲಾಗಿದೆ.
ಗ್ರಾಹಕರು, ವ್ಯಾಪಾರಿಗಳು ಪೇಟಿಎಂ ಪೇಮೆಂಟ್ಸ್ ಬ್ಯಾಂಕ್ ಬಳಸುವ ವ್ಯಾಪಾರಿಗಳು ಪೇಟಿಎಂ ಪೇಮೆಂಟ್ಸ್ ಬ್ಯಾಂಕ್ ಹೊರತುಪಡಿಸಿ ಬೇರೆ ಬ್ಯಾಂಕ್ ಖಾತೆಗೆ ಲಿಂಕ್ ಮಾಡಿದ್ದರೆ, ಅವರು ಮಾರ್ಚ್ 15 ರ ನಂತರವೂ ಈ ವ್ಯವಸ್ಥೆಯನ್ನು ಬಳಸುವುದನ್ನು ಮುಂದುವರಿಸಬಹುದು.
ಪೇಟಿಎಂ ಪೇಮೆಂಟ್ಸ್ ಬ್ಯಾಂಕ್ಗೆ ಮರುಪಾವತಿಗಳು, ಕ್ಯಾಶ್‌ಬ್ಯಾಕ್‌ಗಳು, ವ್ಯಾಲೆಟ್‌ಗೆ ಯಾವುದೇ ಕ್ರೆಡಿಟ್ ಅನ್ನು ಸ್ವೀಕರಿಸಲು ನಿಮಗೆ ಸಾಧ್ಯವಾಗುವುದಿಲ್ಲ.
ಪೇಟಿಎಂ ಪೇಮೆಂಟ್ಸ್ ಬ್ಯಾಂಕ್ ಖಾತೆಗಳಿಗೆ ಯುಪಿಐ ಮತ್ತು ಐಎಂಪಿಎಸ್ ಮೂಲಕ ಹಣವನ್ನು ವರ್ಗಾಯಿಸಲು ಸಾಧ್ಯವಾಗುವುದಿಲ್ಲ. ಅಲ್ಲದೇ, ಪಾಸ್ಟಾಗ್ಗಳಲ್ಲಿ ಕೂಡ ಪೇಟಿಎಂ ಬಳಕೆ ಮಾಡಲು ಸಾಧ್ಯವಾಗುವುದಿಲ್ಲ.
ಇದನ್ನೂ ಓದಿ: ಪೇಟಿಎಂ ಫಾಸ್ಟ್ಟ್ಯಾಗ್ ಬಳಕೆದಾರರು ಮಾರ್ಚ್ 15ರೊಳಗೆ ಬೇರೆ ಬ್ಯಾಂಕ್ ಆಯ್ಕೆ ಮಾಡಿ: ಬಳಕೆದಾರರಿಗೆ NHAI ಸಲಹೆ
