ಮುಂಬೈ: ಟಾಟಾ ಟ್ರಸ್ಟ್ನ ಹೊಸ ಉತ್ತರಾಧಿಕಾರಿಯಾಗಿ ನೋಯೆಲ್ ಟಾಟಾ ಅವರನ್ನು ಅವಿರೋಧವಾಗಿ ಇಂದು ಆಯ್ಕೆ ಮಾಡಲಾಯಿತು. ಟಾಟಾ ಮಂಡಳಿ ಸಭೆಯಲ್ಲಿ ಈ ನಿರ್ಧಾರ ಕೈಗೊಳ್ಳಲಾಗಿದೆ. ನೋಯೆಲ್ ಟಾಟಾ ಅವರು ರತನ್ ಟಾಟಾರ ಮಲ ಸಹೋದರ.
ಟಾಟಾ ಟ್ರಸ್ಟ್ನ ಶಾಶ್ವತ ಟ್ರಸ್ಟಿಯಾಗಿ ಮೆಹ್ಲಿ ಮಿಸ್ತ್ರಿ ಅವರನ್ನು ನೇಮಿಸಲಾಯಿತು. ಮೆಹ್ಲಿ ಅವರು ಟಾಟಾ ಗ್ರೂಪ್‌ನ ಮಾಜಿ ಅಧ್ಯಕ್ಷ ದಿವಂಗತ ಸೈರಸ್ ಮಿಸ್ತ್ರಿಯವರ ಸಂಬಂಧಿ.
2000ರಲ್ಲಿ ಟಾಟಾ ಗ್ರೂಪ್ ಸೇರಿದ ನೋಯೆಲ್ ಸಂಸ್ಥೆಯ ಬೆಳವಣಿಗೆಯಲ್ಲಿ ಪ್ರಮುಖ ಪಾತ್ರ ವಹಿಸಿದ್ದರು.
ಈ ವರ್ಷಾರಂಭದಲ್ಲಿ ನೋಯೆಲ್ ಟಾಟಾ ಅವರ ಮೂವರು ಮಕ್ಕಳಾದ ಲೇಹ್, ಮಾಯಾ ಮತ್ತು ನೆವಿಲ್ಲೆ ಅವರನ್ನು ಸರ್ ರತನ್ ಟಾಟಾ ಟ್ರಸ್ಟ್ ಮತ್ತು ಸರ್ ದೊರಬ್ಜಿ ಟಾಟಾ ಟ್ರಸ್ಟ್ ಸೇರಿದಂತೆ ಹಲವು ಟ್ರಸ್ಟ್‌ಗಳಲ್ಲಿ ಟ್ರಸ್ಟಿಗಳಾಗಿ ಸೇರಿಸಿಕೊಳ್ಳಲಾಗಿತ್ತು.
ಲೇಹ್ ಅವರು ಪ್ರಸ್ತುತ ದಿ ಇಂಡಿಯನ್ ಹೋಟೆಲ್ಸ್ನ ಉಪಾಧ್ಯಕ್ಷರು. ಮಾಯಾ ಟಾಟಾ ಅವರು ಕಾಪಿಟಲ್ಸ್ನಲ್ಲಿದ್ದಾರೆ. ನೆವಿಲ್ಲೆ ಸ್ಟಾರ್ ಬಜಾರ್ ಮುನ್ನಡೆಸುತ್ತಿದ್ದಾರೆ. (ಐಎಎನ್ಎಸ್)
ಇದನ್ನೂ ಓದಿ: ತಿರುಪತಿ ತಿಮ್ಮಪ್ಪನ ಪರಮ ಭಕ್ತರಾಗಿದ್ದ ರತನ್ ಟಾಟಾ; ಕೊಡುಗೈ ದಾನಿಯ ಕೊಡುಗೆ ಬಗ್ಗೆ ನಿಮಗೆಷ್ಟು ಗೊತ್ತು?
