Cash Transaction Income Tax Rules: ಆದಾಯ ತೆರಿಗೆ ಇಲಾಖೆಯು ತೆರಿಗೆ ಪಾವತಿದಾರರ ಮೇಲೆ ನಿರಂತರವಾಗಿ ನಿಗಾ ಇಟ್ಟಿರುತ್ತದೆ. ತನ್ನ ಆದಾಯಕ್ಕೆ ಅನುಗುಣವಾಗಿ ತೆರಿಗೆಯನ್ನು ಸರಿಯಾಗಿ ಪಾವತಿಸದ ಯಾವುದೇ ತೆರಿಗೆ ವಂಚಕರ ವಿರುದ್ಧ ಇದು ಕ್ರಮ ತೆಗೆದುಕೊಳ್ಳುತ್ತದೆ. ಬ್ಯಾಂಕ್ ಖಾತೆಗಳನ್ನೂ ಪರಿಶೀಲಿಸುತ್ತದೆ. ವಿಶೇಷವಾಗಿ ನಗದು ಠೇವಣಿ ಮತ್ತು ಹಿಂಪಡೆಯುವಿಕೆಗಳ ಮೇಲೆ ಕೇಂದ್ರೀಕರಿಸುತ್ತದೆ. ಇದು ಮನಿ ಲಾಂಡರಿಂಗ್, ತೆರಿಗೆ ವಂಚನೆ ಮತ್ತು ಇತರ ಕಾನೂನುಬಾಹಿರ ಆರ್ಥಿಕ ಚಟುವಟಿಕೆಗಳನ್ನು ತಡೆಯುವ ಗುರಿಯನ್ನು ಹೊಂದಿದೆ. ಹಾಗೂ ಅಕ್ರಮಗಳ ವಿರುದ್ಧ ಕ್ರಮಗಳನ್ನು ಕೈಗೊಳ್ಳುತ್ತದೆ. ಐಟಿ ಇಲಾಖೆಯು ಬ್ಯಾಂಕ್ ಖಾತೆಗಳು, ನಗದು ಹಿಂಪಡೆಯುವಿಕೆ ಮತ್ತು ಠೇವಣಿಗಳ ಮೇಲೆ ಕೆಲವು ನಿಯಮಗಳನ್ನು ವಿಧಿಸಿದೆ. ಅವುಗಳೆಂದರೆ?.
ಇದನ್ನು ಓದಿ: ಪ್ಯಾನ್ (PAN) ಕಾರ್ಡ್‌ನಿಂದ ಪ್ರಯೋಜನಗಳೇನು? - PAN Card Benefits
ಠೇವಣಿಗಳ ಮೇಲೆ ಶೇ 60 ಪ್ರತಿಶತ ತೆರಿಗೆ: ಆದಾಯ ತೆರಿಗೆ ಕಾಯ್ದೆಯ ಸೆಕ್ಷನ್ 68 ರ ಪ್ರಕಾರ, ಬ್ಯಾಂಕ್ ಖಾತೆಗಳಲ್ಲಿ ಹಣವನ್ನು ಠೇವಣಿ ಮಾಡುವ ಜನರು ತಮ್ಮ ಆದಾಯದ ಮೂಲವನ್ನು ಬಹಿರಂಗಪಡಿಸಲು ಸಿದ್ಧರಾಗಿರಬೇಕು. ಅವರು ಹಾಗೆ ಮಾಡಲು ವಿಫಲವಾದರೆ, ಶೇ 25ರಷ್ಟು ಹೆಚ್ಚುವರಿ ಶುಲ್ಕ, ಶೇ 4ರಷ್ಟು ಸೆಸ್ ಸೇರಿದಂತೆ ಶೇ 60ರಷ್ಟು ತೆರಿಗೆಯನ್ನು ವಿಧಿಸಲಾಗುತ್ತದೆ. ಆದಾಯದ ಸರಿಯಾದ ಮೂಲವನ್ನು ಐಟಿ ಇಲಾಖೆಗೆ ಬಹಿರಂಗಪಡಿಸದಿದ್ದರೆ, ಅದು ನೋಟಿಸ್ ಜಾರಿಗೊಳಿಸಿ ಹಣವನ್ನು ಹಿಂಪಡೆಯುತ್ತದೆ.
ಬ್ಯಾಂಕ್ ಉಳಿತಾಯ ಖಾತೆ ಠೇವಣಿಗಳು: ಒಂದು ಹಣಕಾಸು ವರ್ಷದಲ್ಲಿ ಬ್ಯಾಂಕ್ ಉಳಿತಾಯ ಖಾತೆಯಲ್ಲಿ 10 ಲಕ್ಷ ರೂ.ಗಿಂತ ಹೆಚ್ಚಿನ ನಗದು ಠೇವಣಿ ಇಟ್ಟಿದ್ದರೆ, ಅದನ್ನು ಆದಾಯ ತೆರಿಗೆ ಇಲಾಖೆ ಅಧಿಕಾರಿಗಳಿಗೆ ವರದಿ ಮಾಡಬೇಕು. ಚಾಲ್ತಿ ಖಾತೆಯಲ್ಲಿ ಠೇವಣಿ ಮಿತಿ 50 ಲಕ್ಷ ರೂ. ಈ ಮಿತಿ ಮೀರಿದರೆ ಹಣದ ಮೂಲದ ಬಗ್ಗೆ ನಿಖರವಾದ ಮಾಹಿತಿಯನ್ನು ಐಟಿ ಇಲಾಖೆಗೆ ನೀಡಬೇಕು. ಇಲ್ಲದಿದ್ದರೆ, ಗಂಭೀರ ಆರ್ಥಿಕ ಪರಿಣಾಮಗಳನ್ನು ಎದುರಿಸಬೇಕಾಗುತ್ತದೆ.
ಇದನ್ನು ಓದಿ: ಅದು ಫೋಲ್ಡ್ ಆದಾಗ ನಮಗೆ ತಿಳಿಸಿ: ಆಪಲ್ ಅನ್ನು ಕಚ್ಚಿ ತಿಂದ ಸ್ಯಾಮ್ಸಂಗ್! - Apple vs Samsung
ಹಿಂಪಡೆಯುವಿಕೆಗಳ ಮೇಲೆ TDS, TCS: ಆದಾಯ ತೆರಿಗೆ ಕಾಯಿದೆಯ ಸೆಕ್ಷನ್ 194N ಪ್ರಕಾರ, ದೊಡ್ಡ ಮೊತ್ತದ ನಗದನ್ನು ಹಿಂಪಡೆಯುವುದರ ಮೇಲೆ ತೆರಿಗೆ ಹಾಕಲಾಗುತ್ತದೆ. ಆರ್ಥಿಕ ವರ್ಷದಲ್ಲಿ ಯಾರಾದರೂ ತಮ್ಮ ಬ್ಯಾಂಕ್ ಖಾತೆಯಿಂದ 1 ಕೋಟಿಗಿಂತ ಹೆಚ್ಚಿನ ಹಣವನ್ನು ಹಿಂತೆಗೆದುಕೊಳ್ಳುವುದಾದರೆ, ಮೂಲದಲ್ಲಿ ಶೇ 2 ತೆರಿಗೆ (ಟಿಡಿಎಸ್) ವಿಧಿಸಲಾಗುತ್ತದೆ. ಆದರೆ, ಕಳೆದ ಮೂರು ವರ್ಷಗಳಿಂದ ಐಟಿಆರ್ ಸಲ್ಲಿಸದ ಜನರಿಗೆ 20 ಲಕ್ಷ ರೂಗಳಿಗಿಂತ ಹೆಚ್ಚಿನ ಹಣವನ್ನು ಹಿಂಪಡೆಯಲು ಟಿಡಿಎಸ್ ಅನ್ವಯಿಸುತ್ತದೆ. ಒಂದು ಕೋಟಿ ರೂ.ಗಿಂತ ಹೆಚ್ಚಿನ ಹಣ ಹಿಂಪಡೆಯಲು ಬಯಸಿದರೆ ಆಗ ಶೇ 5ರಷ್ಟು ತೆರಿಗೆ (TCS) ಅನ್ವಯಿಸುತ್ತದೆ.
ಸರ್ಕಾರದ ಗುರಿ ಒಂದೇ!: ನಗದು ಠೇವಣಿ ಮತ್ತು ಹಿಂಪಡೆಯುವಿಕೆಯ ಮೇಲೆ ಕಟ್ಟುನಿಟ್ಟಾದ ನಿಯಮಗಳನ್ನು ಹೇರುವ ಮೂಲಕ ಆರ್ಥಿಕ ಪಾರದರ್ಶಕತೆ ಮತ್ತು ಹೊಣೆಗಾರಿಕೆಯನ್ನು ಹೆಚ್ಚಿಸುವ ಗುರಿಯನ್ನು ಸರ್ಕಾರ ಹೊಂದಿದೆ.
ಬ್ಯಾಂಕ್ ಖಾತೆದಾರರಿಗೆ ಆದಾಯದ ಮೂಲಗಳು: ಬ್ಯಾಂಕ್ ಖಾತೆದಾರರು ತಮ್ಮ ಆದಾಯದ ಮೂಲಗಳಿಗೆ ಸಂಬಂಧಿಸಿದ ಸ್ಪಷ್ಟ ದಾಖಲೆಗಳನ್ನು ನಿರ್ವಹಿಸುವುದು ಬಹಳ ಮುಖ್ಯ.
ಮಿತಿಗಳು: ಆದಾಯ ತೆರಿಗೆ ಇಲಾಖೆಯ ಮಾರ್ಗಸೂಚಿಗಳ ಪ್ರಕಾರ ಹಣವನ್ನು ಠೇವಣಿ ಮಾಡಿ ಮತ್ತು ಹಿಂಪಡೆಯಿರಿ.
ITR: ನಿಮ್ಮ ITR ಅನ್ನು ನಿಯಮಿತವಾಗಿ ಫೈಲ್ ಮಾಡಿ. ನಂತರ ಹೆಚ್ಚಿನ ಮೊತ್ತವನ್ನು ಹಿಂತೆಗೆದುಕೊಂಡಾಗ ಹೆಚ್ಚಿನ ಟಿಡಿಎಸ್ ಅನ್ವಯಿಸುತ್ತದೆ.
ಇದನ್ನು ಓದಿ: 17 ದಿನಗಳಿಂದ ಅಮೆರಿಕ ಪ್ರವಾಸದಲ್ಲಿ ಸಿಎಂ ಸ್ಟಾಲಿನ್: ಬಂಡವಾಳ ಹೂಡಿಕೆಯ ಹಲವು ಒಪ್ಪಂದಗಳಿಗೆ ಸಹಿ - CM Stalin USA Tour
