ನವದೆಹಲಿ: ಮಹಾರಾಷ್ಟ್ರ ಚುನಾವಣೆಯಲ್ಲಿ ಮಹಾ ವಿಕಾಸ್ ಅಘಾಡಿ (ಎಂವಿಎ) ವಿರುದ್ಧ ಬಿಜೆಪಿ ನೇತೃತ್ವದ 'ಮಹಾಯುತಿ' ಅಮೋಘ ಜಯ ಸಾಧಿಸುತ್ತಿದ್ದಂತೆಯೇ ಪ್ರಧಾನಿ ನರೇಂದ್ರ ಮೋದಿ ಅವರನ್ನು ‘ಜಾಣತಾ ರಾಜಾ’ ಎಂದು ಬಿಂಬಿಸುವ ಹಳೆಯ ಫೋಟೋ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದೆ.
ಜನಪ್ರಿಯ ಎಕ್ಸ್ ಖಾತೆ ‘ಮೋದಿ ಆರ್ಕೈವ್’ನಲ್ಲಿ ಪ್ರಧಾನಿ ಮೋದಿ ಮಹಾರಾಜನ ಗೆಟಪ್ನಲ್ಲಿರುವ ಚಿತ್ರವನ್ನು ಹಂಚಿಕೊಳ್ಳಲಾಗಿದೆ. 2006ನೇ ವರ್ಷ, ಕರ್ಣಾವತಿ ಕ್ಲಬ್‌ನಲ್ಲಿ ನಡೆದ ಛತ್ರಪತಿ ಶಿವಾಜಿ ಮಹಾರಾಜರ ನೈಜ ಜೀವನ ಆಧಾರಿತ ನಾಟಕದಲ್ಲಿ ‘ಜಾಣತಾ ರಾಜಾ’ ಎಂಬ ಪಾತ್ರದಲ್ಲಿ ಮೋದಿ ಭಾಗವಹಿಸಿದ್ದರು ಎಂದು ಶೀರ್ಷಿಕೆ ನೀಡಲಾಗಿದೆ.
Janata Raja
— Modi Archive (@modiarchive) November 23, 2024
[Year 2006: CM Modi participating in real life based play of Chhatrapati Shivaji Maharaj with the name of 'Janata Raja' at Karnavati Club] pic.twitter.com/Y9Y7HnGv5S
ಮೋದಿಯ ಜಾಣತಾ ರಾಜಾ ಪಾತ್ರ: ಮರಾಠರ ಮಹಾನ್ ಯೋಧ, ರಾಜ ಛತ್ರಪತಿ ಶಿವಾಜಿ ಮಹಾರಾಜರ ಜೀವನ ಮತ್ತು ಸಾಧನೆಗಳನ್ನು ಮರುಸೃಷ್ಟಿಸಲು 2006 ರಲ್ಲಿ 'ಜಾಣತಾ ರಾಜಾ' ಎಂಬ ಜನಪ್ರಿಯ ನಾಟಕ ಪ್ರದರ್ಶಿಸಲಾಗಿತ್ತು. ಅಹಮದಾಬಾದ್‌ನ ಕರ್ಣಾವತಿ ಕ್ಲಬ್‌ನಲ್ಲಿ ನಡೆದ ಈ ನಾಟಕದಲ್ಲಿ ಗುಜರಾತ್ನ ಅಂದಿನ ಮುಖ್ಯಮಂತ್ರಿ ಆಗಿದ್ದ ನರೇಂದ್ರ ಮೋದಿ ಅವರು ಛತ್ರಪತಿ ಶಿವಾಜಿ ಅವರ ಜೀವನಾಧಾರಿತ ನಾಟಕದಲ್ಲಿ ಭಾಗವಹಿಸಿದ್ದರು.
'ಜಾಣತಾ ರಾಜಾ' ಎಂಬ ಪಾತ್ರದ ಗೆಟಪ್ ಅನ್ನು ಪ್ರಧಾನಿ ಮೋದಿ ಅವರು ಧರಿಸಿದ್ದರು. ಈ ಫೋಟೋ ಇದೀಗ ಮುನ್ನೆಲೆಗೆ ಬಂದಿದೆ. ಮಹಾರಾಷ್ಟ್ರ ವಿಧಾನಸಭೆ ಚುನಾವಣೆಯಲ್ಲಿ ಬಿಜೆಪಿ ಕಮಾಲ್ ಮಾಡಿದ ಹಿನ್ನೆಲೆ ಅದರ ಕ್ರೆಡಿಟ್ ಅನ್ನು ಮೋದಿಗೆ ನೀಡಲು ನೆಟ್ಟಿಗರು ಈ ಚಿತ್ರವನ್ನು ಹಂಚಿಕೊಳ್ಳುತ್ತಿದ್ದಾರೆ.
ಪ್ರಧಾನಿ ಮೋದಿ ಭರ್ಜರಿ ಪ್ರಚಾರ: ವಿಧಾನಸಭೆ ಚುನಾವಣೆಯಲ್ಲಿ ಪ್ರಧಾನಿ ಮೋದಿ ಅವರು ಪಕ್ಷದ ಪರ ಭರ್ಜರಿ ಪ್ರಚಾರ ಮಾಡಿದ್ದರು. ‘ಏಕ್ ಹೈ ತೋ ಸೇಫ್ ಹೈ’ ಎಂಬ ಘೋಷಣೆಯನ್ನು ಮೊಳಗಿಸಿದರು. ಇದು ಅಖಾಡದಲ್ಲಿ ಭಾರೀ ಮಹತ್ವ ಪಡೆದುಕೊಂಡಿತು. ಹಲವು ರ‍್ಯಾಲಿಗಳನ್ನು ನಡೆಸಿದ ಮೋದಿ ಪಕ್ಷದ ಬಲವನ್ನು ಹೆಚ್ಚಿಸಿದರು.
ಶಿವಾಜಿ ಮಹಾರಾಜರ ಪ್ರತಿಮೆ ಕುಸಿದು ಬಿದ್ದ ಘಟನೆಯನ್ನು ಮಹಾ ವಿಕಾಸ್ ಅಘಾಡಿಯು (ಎಂವಿಎ) ಚುನಾವಣೆಯಲ್ಲಿ ಬಳಸಿಕೊಂಡಿತು. ಇದಕ್ಕೆ ಪ್ರಧಾನಿ ಮೋದಿ ಅವರು ಟಕ್ಕರ್ ನೀಡಿದರು. ಇದು ರಾಜ್ಯದಲ್ಲಿ ದೊಡ್ಡ ಬದಲಾವಣೆಗೆ ಕಾರಣವಾಯಿತು.
ಇದನ್ನೂ ಓದಿ: ಯುಪಿ, ರಾಜಸ್ಥಾನದಲ್ಲಿ ಬಿಜೆಪಿ, ಬಂಗಾಳದಲ್ಲಿ ಟಿಎಂಸಿಗೆ ಭರ್ಜರಿ ಗೆಲುವು: ಉಪ ಚುನಾವಣೆ ಫಲಿತಾಂಶ ಹೀಗಿದೆ
