ಮುಂಬೈ: ಇತ್ತೀಚೆಗಷ್ಟೇ ಬಿಷ್ಣೋಯಿ ಗ್ಯಾಂಗ್ನಿಂದ ಗುಂಡಿನ ದಾಳಿಯಿಂದ ಹತ್ಯೆಗೆ ಒಳಗಾದ ಎನ್ಸಿಪಿ ನಾಯಕ ಬಾಬಾ ಸಿದ್ದಿಕಿ ಪುತ್ರ ಜೀಶನ್ ಸಿದ್ದಿಕಿ ಚುನಾವಣಾ ಕಣಕ್ಕೆ ಇಳಿಯಲು ಸಜ್ಜಾಗಿದ್ದಾರೆ. ಏಳು ಕ್ಷೇತ್ರಗಳಿಗೆ ಎರಡನೇ ಅಭ್ಯರ್ಥಿಗಳ ಪಟ್ಟಿಯನ್ನು ಎನ್ಸಿಪಿ ಬಿಡುಗಡೆ ಮಾಡಿದ್ದು, ನವಾಬ್ ಮಲಿಕ್ ಪುತ್ರಿ ಸನಾ ಮಲಿಕ್ಗೂ ಕೂಡ ಟಿಕೆಟ್ ನೀಡಿದೆ.
ಇಂದು ಪಕ್ಷದ ಅಧ್ಯಕ್ಷ ಅಜಿತ್ ಪವರ್ ಮತ್ತು ಕೇಂದ್ರ ಘಟಕ ಮುಖ್ಯಸ್ಥ ಸುನೀಲ್ ತಾತ್ಕರೆ ನೇತೃತ್ವದಲ್ಲಿ ಜೀಶೆನ್ ಎನ್ಸಿಪಿ ಸೇರಿದರು. ಅವರು ಬಾಂದ್ರಾ ಪೂರ್ವದಿಂದ ಕಣಕ್ಕೆ ಇಳಿಯುತ್ತಿದ್ದಾರೆ. ಇವರ ಎದುರಾಳಿಯಾಗಿ ಶಿವಸೇನೆ ಯುಬಿಟಿ ವರುಣ್ ಸರ್ದೇಸಾಯಿ ಅವರನ್ನು ಕಣಕ್ಕೆ ಇಳಿಸಿದೆ.
ಗುರುವಾರ ಕೇಂದ್ರ ಗೃಹ ಸಚಿವ ಅಮಿತ್ ಶಾ ಮತ್ತು ಪವಾರ್ ನಡುವಿನ ಸೀಟು ಹಂಚಿಕೆ ಮಾತುಕತೆ ಬಳಿಕ ಎರಡನೇ ಪಟ್ಟಿ ಬಿಡುಗಡೆಯಾಗಿದೆ. ಈ ಮೈತ್ರಿಯಲ್ಲಿ ಎನ್ಸಿಪಿ 55ರಿಂದ 58 ಸೀಟು ಪಡೆಯುವ ನಿರೀಕ್ಷೆ ಹೊಂದಿದೆ.
ಲೋಕಸಭಾ ಚುನಾವಣೆಯಲ್ಲಿ ನಾಂದೇಡ್ ಕ್ಷೇತ್ರದಿಂದ ಕಣಕ್ಕಿಳಿದು ಸೋಲು ಕಂಡ ಮಾಜಿ ಬಿಜೆಪಿ ಸಂಸದ ಪ್ರತಾಪ್ ಚಿಖಾಲಿಕರ್ ಅವರಿಗೆ ಲೋಹಾ ಕ್ಷೇತ್ರದ ಟಿಕೆಟ್ ನೀಡಲಾಗಿದೆ. ಬಿಜೆಪಿಯ ಮತ್ತೊಬ್ಬ ಮಾಜಿ ಸಂಸದರಾಗಿರುವ ಸಂಜಯ್ ಕಾಕಾ ಪಾಟೀಲ್ಗೆ ತಾಸಗಾಂವ್ - ಕವತೇರ್ ಮಹಾನ್ಕಲ್ ಕ್ಷೇತ್ರದಿಂದ ಕಣಕ್ಕೆ ಇಳಿಯುತ್ತಿದ್ದಾರೆ. ಇವರು ದಿವಂಗತ ಎನ್ಸಿಪಿ ದಿಗ್ಗಜ ಆರ್ಆರ್ ಪಾಟೀಲ್ ಪುತ್ರ ರೋಹಿತ್ ಪಾಟೀಲ್ಗೆ ಎನ್ಸಿಪಿ ಟಿಕೆಟ್ ನೀಡಿದೆ.
ಇಸ್ಲಾಂಪುರ್ನಿಂದ ಶಿಜಿಕಾಂತ್ ಪಾಟೀಲ್, ಮುಂಬೈನ ಅನುಶಕ್ತಿ ನಗರ್ನಿಂದ ಮಾಜಿ ಸಚಿವ ನವಾಬ್ ಮಲ್ಲಿಕ್ ಪುತ್ರಿ ಸನಾ ಮಲ್ಲಿಕ್ ಹೆಸರನ್ನು ಘೋಷಿಸಲಾಗಿದೆ. ಇನ್ನು ಶ್ರಿರೂರ್ನಿಂದ ಧ್ಯಾನೇಶ್ವರ್ ಕಟ್ಕೆಗೆ ಪುಣೆಯಲ್ಲಿನ ವಡ್ಗಾಂವ್ ಶೆರಿಯಿಂದ ಸುನೀಲ್ ತಿಂಗ್ರೆಗೆ ಟಿಕೆಟ್ ನೀಡಿದೆ. ತಿಂಗ್ರೆ ಹೆಸರು ಮೇ ಅಲ್ಲಿ ಪುಣೆಯಲ್ಲಿ ಹಿಟ್ ಅಂಡ್ ರನ್ ಪ್ರಕರಣದಿಂದಾಗಿ ಹೆಚ್ಚು ಸುದ್ದಿಯಾಗಿತ್ತು
ನವೆಂಬರ್ 20ರಂದು 288 ಕ್ಷೇತ್ರಗಳಿಗೆ ನಡೆಯುತ್ತಿರುವ ಮಹಾರಾಷ್ಟ್ರ ಚುನಾವಣೆಯಲ್ಲಿ ಎನ್ಸಿಪಿ ಮೊದಲ ಪಟ್ಟಿಯಲ್ಲಿ 38 ಅಭ್ಯರ್ಥಿಗಳಿಗೆ ಟಿಕೆಟ್ ಘೋಷಿಸಿತು. ಮಹಾರಾಷ್ಟ್ರ ಚುನಾವಣಾ ಫಲಿತಾಂಶ ನವೆಂಬರ್ 23 ರಂದು ಹೊರಬೀಳಲಿದೆ.
ಇದನ್ನೂ ಓದಿ: ಪ್ರಿಯಾಂಕಾ ನಾಮಪತ್ರ ಸಲ್ಲಿಸುವ ವೇಳೆ ಮಲ್ಲಿಕಾರ್ಜುನ್ ಖರ್ಗೆಗೆ ಅವಮಾನ: ಬಿಜೆಪಿ ಆರೋಪ
