ಆಗ್ರಾ(ಉತ್ತರ ಪ್ರದೇಶ): ಭಾರತೀಯ ವಾಯುಪಡೆ ಮಂಗಳವಾರ ಇತಿಹಾಸ ಸೃಷ್ಟಿಸಿತು. ಆಗ್ರಾದ ಮಲ್ಪುರ ಡ್ರಾಪಿಂಗ್ ವಲಯದಲ್ಲಿ ವೈದ್ಯಕೀಯ ಸೇವೆಗಳಿಗಾಗಿ ಯುದ್ಧ ಕ್ಷೇತ್ರ ಆರೋಗ್ಯ ಮಾಹಿತಿ ವ್ಯವಸ್ಥೆ (ಭೀಷ್ಮ) ಎಂಬ ಪೋರ್ಟಬಲ್ ಆಸ್ಪತ್ರೆಯನ್ನು ಯಶಸ್ವಿಯಾಗಿ ಪರೀಕ್ಷಿಸಲಾಗಿದೆ. ಇದು ನೈಸರ್ಗಿಕ ವಿಪತ್ತು, ಯುದ್ಧ ಅಥವಾ ಯಾವುದೇ ಸಂಕಷ್ಟದ ಪರಿಸ್ಥಿತಿಯಲ್ಲೂ ಜನರಿಗೆ ತ್ವರಿತ ಚಿಕಿತ್ಸೆ ನೀಡುವ ಮೂಲಕ ಜೀವಗಳನ್ನು ಉಳಿಸಬಲ್ಲದು.
ಪ್ರಯೋಗ ನಡೆದಿದ್ದೇಗೆ?: ವಿಮಾನದಿಂದ 1,500 ಅಡಿಗಿಂತಲೂ ಹೆಚ್ಚು ದೂರದಿಂದ ಎರಡು ಪ್ಯಾರಾಚೂಟ್‌ಗಳ ಸೆಟ್‌ನಿಂದ ಪೋರ್ಟಬಲ್ ಆಸ್ಪತ್ರೆಯನ್ನು ನೆಲಕ್ಕಿಳಿಸಲಾಯಿತು. ಘನಾಕೃತಿಯ ಆಸ್ಪತ್ರೆ ಕೇವಲ 12 ನಿಮಿಷಗಳಲ್ಲಿ ಸಿದ್ಧ. ಇದು ಜಲನಿರೋಧಕ ಮತ್ತು ಅತ್ಯಂತ ಹಗುರವಾಗಿದೆ. ಇದರಲ್ಲಿ 200 ಮಂದಿಗೆ ಏಕಕಾಲದಲ್ಲಿ ಚಿಕಿತ್ಸೆ ನೀಡಬಹುದಾಗಿದೆ. ಇದು ಮೊದಲ ಸ್ವದೇಶಿ ಪೋರ್ಟಬಲ್ ಆಸ್ಪತ್ರೆ ಎಂಬುದು ವಿಶೇಷ.
ಈ ಆಸ್ಪತ್ರೆಯನ್ನು ಗಾಳಿ, ಭೂಮಿ ಅಥವಾ ಸಮುದ್ರದಲ್ಲಿಯೂ ಸ್ಥಾಪಿಸಬಹುದು. ಏರ್ ಡೆಲಿವರಿ ರಿಸರ್ಚ್ ಆ್ಯಂಡ್ ಡೆವಲಪ್‌ಮೆಂಟ್ ಎಸ್ಟಾಬ್ಲಿಷ್‌ಮೆಂಟ್ (ಎಡಿಆರ್‌ಡಿಇ) ತಂಡವು ಪ್ಯಾರಾಚೂಟ್‌ಗಳನ್ನು ಅಭಿವೃದ್ಧಿಪಡಿಸಿದೆ. ಈ ಆಸ್ಪತ್ರೆಯನ್ನು ಎಲ್ಲೇ ಆದರೂ ಇಳಿಸಲು ಈ ಎರಡು ಪ್ಯಾರಾಚೂಟ್‌ಗಳನ್ನು ಬಳಸಲಾಗುತ್ತದೆ.
ಆಪರೇಷನ್ ಥಿಯೇಟರ್, ವೆಂಟಿಲೇಟರ್ ಜೊತೆಗೆ ಈ ಸೌಲಭ್ಯಗಳು: ಭೀಷ್ಮಾ ಪೋರ್ಟಬಲ್ ಆಸ್ಪತ್ರೆಯನ್ನು 36 ಘನಗಳಲ್ಲಿ ಸಿದ್ಧಪಡಿಸಲಾಗಿದೆ. 1.50 ಕೋಟಿ ರೂ ವೆಚ್ಚದಲ್ಲಿ ನಿರ್ಮಿಸಲಾಗಿದೆ. ಎಕ್ಸ್ ರೇ, ಆಪರೇಷನ್ ಥಿಯೇಟರ್, ರಕ್ತ ಪರೀಕ್ಷೆ, ವೆಂಟಿಲೇಟರ್ ಸೌಲಭ್ಯಗಳೊಂದಿಗೆ ಕೇವಲ 8 ನಿಮಿಷಗಳಲ್ಲೇ ರೆಡಿ ಮಾಡಬಹುದು. ಗುಂಡೇಟು, ಸುಟ್ಟಗಾಯ, ಬೆನ್ನುಮೂಳೆ, ತಲೆ ಮತ್ತು ಎದೆಯ ಗಾಯ, ಮುರಿತ ಮತ್ತು ದೊಡ್ಡ ರಕ್ತಸ್ರಾವ ಸೇರಿದಂತೆ ಹಲವು ಆರೋಗ್ಯ ಸಮಸ್ಯೆಗಳಿಗೆ ಚಿಕಿತ್ಸೆ ನೀಡಲು ಬೇಕಿರುವ ಅಗತ್ಯ ಸೌಲಭ್ಯಗಳನ್ನು ಹೊಂದಿರುತ್ತದೆ. ಈ ಎಲ್ಲಾ ಬಾಕ್ಸ್‌ಗಳಲ್ಲಿ QR ಕೋಡ್ ಇದೆ. ಇವುಗಳ ಮೇಲೆ ಡೇಟ್ಬಾರ್ ನೀಡಲಾಗಿದೆ. ದುರಂತದ ಸಮಯದಲ್ಲಿ, ಸಾಮಾನ್ಯ ಜನರೂ ಸಹ ಈ ಪೆಟ್ಟಿಗೆಗಳನ್ನು ತೆರೆದು ಅಗತ್ಯ ಔಷಧಗಳು ಮತ್ತು ಚಿಕಿತ್ಸೆಗಳನ್ನು ತೆಗೆದುಕೊಳ್ಳಬಹುದು.
ಭೀಷ್ಮಾ 2 ಸೆಟ್ ಮಾಸ್ಟರ್ ಕ್ಯೂಬ್ ಪಂಜರಗಳನ್ನು ಹೊಂದಿದೆ. ಈ ಘನಗಳು ತುಂಬಾ ಬಲವಾಗಿರುತ್ತವೆ, ಆದರೆ ಹಗುರವಾಗಿವೆ. ಪ್ರತಿ ಪಂಜರವು 36 ಮಿನಿ ಘನಗಳನ್ನು ಹೊಂದಿರುತ್ತದೆ. ಈ ಆಸ್ಪತ್ರೆಯನ್ನು ಹಲವು ಬಾರಿ ಬಳಸಬಹುದು. ನೆಲದ ಮೇಲೆ ಬಿದ್ದ ನಂತರ ತೆರೆಯಲು ಯಾವುದೇ ತೊಂದರೆಯಾಗದ ರೀತಿಯಲ್ಲಿ ಪ್ಯಾಕಿಂಗ್ ಮಾಡಲಾಗಿದೆ.
ಆಸ್ಪತ್ರೆಯು ಮೂರು ಕಬ್ಬಿಣದ ಚೌಕಟ್ಟುಗಳು ಮತ್ತು 36 ಪೆಟ್ಟಿಗೆಗಳನ್ನು ಒಳಗೊಂಡಿದೆ. ಪ್ರತಿ ಚೌಕಟ್ಟಿನ ನಡುವೆ ಸಣ್ಣ ಜನರೇಟರ್ ಇದೆ. ಎರಡು ಸ್ಟ್ರೆಚರ್‌ಗಳಿವೆ. ಆಪರೇಷನ್ ಥಿಯೇಟರ್‌ನಲ್ಲಿ ಹಾಸಿಗೆಯಾಗಿ ಬಳಸಬಹುದು. ಮಾಡ್ಯುಲರ್ ಸೆಟಪ್‌ನೊಂದಿಗೆ, ಈ ಬಾಕ್ಸ್‌ಗಳು ಔಷಧಿಗಳು, ಉಪಕರಣಗಳು ಮತ್ತು ಆಹಾರ ಪದಾರ್ಥಗಳನ್ನೂ ಸಹ ಒಳಗೊಂಡಿರುತ್ತವೆ. ವಾಯುಪಡೆಯ ಪ್ರಕಾರ, ಅಯೋಧ್ಯೆಯಲ್ಲಿ ಶ್ರೀ ರಾಮ್ ಲಾಲಾ ಅವರ ಜೀವನಾರ್ಪಣೆ ಸಮಾರಂಭದಲ್ಲಿ ಭೀಷ್ಮ ಘಟಕವನ್ನು ನಿಯೋಜಿಸಲಾಗಿತ್ತು. ಜೊತೆಗೆ ವೈದ್ಯರ ತಂಡವನ್ನೂ ನಿಯೋಜಿಸಲಾಗಿತ್ತು. ಇದರೊಂದಿಗೆ, ಸೆಪ್ಟೆಂಬರ್ 2023 ರಲ್ಲಿ ದೆಹಲಿಯ ಪ್ರಗತಿ ಮೈದಾನದಲ್ಲಿ ನಡೆದ ಜಿ20 ಶೃಂಗಸಭೆಯಲ್ಲಿ ಪೋರ್ಟಬಲ್ ಆಸ್ಪತ್ರೆ ಭೀಷ್ಮ ಚರ್ಚೆಯ ವಿಷಯವಾಗಿತ್ತು.
ಇದನ್ನೂ ಓದಿ: ಅರಬ್ಬಿ ಸಮುದ್ರದಲ್ಲಿ ವಾಯುಭಾರ ಕುಸಿತ: ರಾಜ್ಯದಲ್ಲಿ 5 ದಿನ ಮಳೆ ಮುನ್ಸೂಚನೆ - Karnataka Rain Forecast
