ಪ್ರಯಾಗರಾಜ್, ಉತ್ತರಪ್ರದೇಶ: ಶಾಲೆಯ ಸಮೀಪ ನಡೆಯುತ್ತಿರುವ ಮದ್ಯದಂಗಡಿ ತೆಗೆದುಹಾಕುವಂತೆ ಪುಟ್ಟ ಮಗು ಅಥರ್ವ ಸಲ್ಲಿಸಿದ ಮನವಿಯ ಮೇರೆಗೆ ಅಲಹಾಬಾದ್ ಹೈಕೋರ್ಟ್ ಕಾನ್ಪುರದ ಆಜಾದ್ ನಗರದಲ್ಲಿರುವ ಎಂಆರ್ ಜೈಪುರಿಯಾ ಶಾಲೆಯ ಬಳಿ ಮೂವತ್ತು ವರ್ಷಗಳಿಂದ ನಡೆಸುತ್ತಿದ್ದ ಮದ್ಯದಂಗಡಿ ಲೈಸೆನ್ಸ್ ಅಪ್ಡೇಟ್ ಮಾಡುವುದನ್ನು ನಿಷೇಧಿಸಲಾಗಿದೆ.
ಎಲ್ಕೆಜಿ ಓದುತ್ತಿರುವ ಐದು ವರ್ಷದ ವಿದ್ಯಾರ್ಥಿಯ ಪರವಾಗಿ ಸಲ್ಲಿಸಲಾದ ಸಾರ್ವಜನಿಕ ಹಿತಾಸಕ್ತಿ ಅರ್ಜಿಯಲ್ಲಿ ಮುಖ್ಯ ನ್ಯಾಯಮೂರ್ತಿ ಅರುಣ್ ಬನ್ಸಾಲಿ ಮತ್ತು ನ್ಯಾಯಮೂರ್ತಿ ವಿಕಾಸ್ ಅವರಿದ್ದ ನ್ಯಾಯಾಲಯ ಬುಧವಾರ ಈ ಆದೇಶ ನೀಡಿದೆ. ಶಾಲೆಯ ಬಳಿ ನಡೆಯುತ್ತಿರುವ ಮೂವತ್ತು ವರ್ಷಗಳಷ್ಟು ಹಳೆಯದಾದ ಮದ್ಯದಂಗಡಿ ತೆಗೆಯುವಂತೆ ಆಗ್ರಹಿಸಿ ಅಥರ್ವ ಅವರು ಹೈಕೋರ್ಟ್ ಮೆಟ್ಟಿಲೇರಿದ್ದರು. ಶಾಲೆಯ ಮೂವತ್ತು ಮೀಟರ್‌ಗಿಂತ ಕಡಿಮೆ ವ್ಯಾಪ್ತಿಯಲ್ಲಿ ಕಾರ್ಯನಿರ್ವಹಿಸುತ್ತಿರುವ ಮದ್ಯದಂಗಡಿಗಳಿಗೆ ಬರುವ ಜನರು ಮದ್ಯ ಸೇವಿಸಿ ಗಲಾಟೆ ಮಾಡುತ್ತಿದ್ದಾರೆ ಎಂದು ಮನವಿಯಲ್ಲಿ ತಿಳಿಸಲಾಗಿದೆ. ಇದರಿಂದ ಅಧ್ಯಯನಕ್ಕೆ ತೊಂದರೆ, ಭಯದ ವಾತಾವರಣವೂ ಇದೆ ಎಂದು ಮನವಿ ಮಾಡಿದ್ದರು.
ಡಿಎಂನಿಂದ ಮುಖ್ಯಮಂತ್ರಿಗೆ ದೂರು: ಈ ಕುರಿತು ಜಿಲ್ಲಾಧಿಕಾರಿಗಳಿಂದ ಮುಖ್ಯಮಂತ್ರಿಗೆ ದೂರು ಸಲ್ಲಿಸಲಾಗಿತ್ತು. ಈ ದೂರಿನ ಮೇರೆಗೆ ಜಿಲ್ಲಾ ಅಬಕಾರಿ ಅಧಿಕಾರಿಗಳು ತನಿಖೆ ನಡೆಸಿ 2023ರ ಜುಲೈ 20ರಂದು ಡಿಎಂಗೆ ವರದಿ ಸಲ್ಲಿಸಿದ್ದರು. ಸಮಯಕ್ಕಿಂತ ಮೊದಲು ಮದ್ಯದಂಗಡಿ ತೆರೆದಿರಲಿಲ್ಲ ಎಂದು ವರದಿಯಲ್ಲಿ ಉಲ್ಲೇಖವಾಗಿತ್ತು.
ಇದಾದ ಬಳಿಕ ಹೈಕೋರ್ಟ್‌ನಲ್ಲಿ ಸಾರ್ವಜನಿಕ ಹಿತಾಸಕ್ತಿ ಅರ್ಜಿ ಸಲ್ಲಿಕೆಯಾಗಿದ್ದು, ಅಬಕಾರಿ ನಿಯಮಗಳ ಪ್ರಕಾರ ಶಾಲೆ, ಪೂಜಾ ಸ್ಥಳ ಮತ್ತು ಆಸ್ಪತ್ರೆಯಿಂದ 50 ಮೀಟರ್ ಅಂತರದಲ್ಲಿ ಮದ್ಯದಂಗಡಿ ತೆರೆಯುವಂತಿಲ್ಲ. ಆದರೆ, ಈಗಿರುವ ಅಂಗಡಿ ಶಾಲೆಯಿಂದ ಮೂರು ಮೀಟರ್ ಅಂತರದಲ್ಲಿದೆ. ಅದರ ಸಮಯಕ್ಕಿಂತ ಮುಂಚಿತವಾಗಿ ಬೆಳಗ್ಗೆ 7 ಗಂಟೆಗೆ ತೆರೆಯುತ್ತದೆ. ಈ ಸಮಯದಲ್ಲಿ ಶಾಲೆಯೂ ತೆರೆಯುತ್ತದೆ. ಝೂಲಾಜಿಕಲ್ ಪಾರ್ಕ್ ಬಳಿ ಮದ್ಯ ಸೇವಿಸುವ ಜನರು ಪರಸ್ಪರ ನಿಂದಿಸಿ ಗಲಾಟೆ ಮಾಡುತ್ತಿದ್ದಾರೆ. ಈ ಬಗ್ಗೆ ನ್ಯಾಯಾಲಯವು ಅಧಿಕಾರಿಗಳಿಂದ ಉತ್ತರ ಕೇಳಿತ್ತು. ತನಿಖಾ ವರದಿಯಲ್ಲಿ ಹೇಳಲಾದ ವಾದವನ್ನೇ ಅಬಕಾರಿ ಇಲಾಖೆ ತನ್ನ ಉತ್ತರದಲ್ಲಿ ನೀಡಿದೆ. ಈ ಉತ್ತರದಿಂದ ನ್ಯಾಯಾಲಯ ತೃಪ್ತರಾಗಲಿಲ್ಲ.
ಶಾಲೆ ಮುಂದೆ ಮದ್ಯದಂಗಡಿ ತೆರೆದು ಮೂವತ್ತು ವರ್ಷಗಳಿಂದ ಕಾರ್ಯನಿರ್ವಹಿಸುತ್ತಿದ್ದರೂ ಪ್ರತಿ ವರ್ಷ ಲೈಸೆನ್ಸ್ ಸಂದರ್ಭದಲ್ಲಿ ನೀಡುವ ಪ್ರಮಾಣ ಪತ್ರದಲ್ಲಿ 50 ಮೀಟರ್ ವ್ಯಾಪ್ತಿಯಲ್ಲಿ ಪೂಜಾ ಸ್ಥಳ, ಆಸ್ಪತ್ರೆ ಮತ್ತು ಶಾಲೆ ಇಲ್ಲ ಎಂಬುದನ್ನು ಬಹಿರಂಗಪಡಿಸಬೇಕು ಎಂದು ನ್ಯಾಯಾಲಯ ಹೇಳಿದೆ. ಪ್ರಸ್ತುತ ಪ್ರಕರಣದಲ್ಲಿ 2019ರಲ್ಲಿ ಶಾಲೆ ಸ್ಥಾಪನೆಯಾಗುವ ಬಗ್ಗೆ ಗೊತ್ತಿದ್ದರೂ ಅಂಗಡಿ ಲೈಸೆನ್ಸ್ ಅಪ್ಡೇಟ್ ಮಾಡಿರುವುದು ಅಕ್ರಮವಾಗಿದೆ. ಸಾರ್ವಜನಿಕ ಹಿತಾಸಕ್ತಿ ಅರ್ಜಿಯನ್ನು ಸ್ವೀಕರಿಸಿದ ನ್ಯಾಯಾಲಯವು ಮುಂದಿನ ಆರ್ಥಿಕ ವರ್ಷ 2025 ರಿಂದ 2026 ರವರೆಗೆ ಶಾಲೆಯ ಬಳಿ ಕಾರ್ಯನಿರ್ವಹಿಸುತ್ತಿರುವ ಅಂಗಡಿಯ ಲೈಸೆನ್ಸ್ ಅನ್ನು ನಿಷೇಧಿಸಿತು.
ಓದಿ: ಲಾಕ್ಡೌನ್ ವರವಾಗಿಸಿಕೊಂಡ ಸಾಧಕ: ಆರು ಸರ್ಕಾರಿ ಉದ್ಯೋಗ ಪಡೆದ ಯುವಕ, ಐಎಎಸ್ ಆಗುವ ಕನಸು - Six Government Job
