ಚಿನ್ಯಾಲಿಸೌರ್ (ಉತ್ತರಾಖಂಡ): ಚಿನ್ಯಾಲಿಸೌರ್ ವಿಮಾನ ನಿಲ್ದಾಣದಲ್ಲಿ ಭಾರತೀಯ ವಾಯುಪಡೆಯ ಚಿನೂಕ್ ಹೆಲಿಕಾಫ್ಟರ್ಗಳು ಹಗಲು - ರಾತ್ರಿ ಟೇಕಾಫ್ ಮತ್ತು ಲ್ಯಾಂಡಿಂಗ್ ಅಭ್ಯಾಸ ನಡೆಸಿವೆ. ಫೆಬ್ರವರಿ 20 ಮತ್ತು 21 ರಂದು ವಿಮಾನ ನಿಲ್ದಾಣದಲ್ಲಿ ವಾಯುಪಡೆಯ ಎರಡು ದಿನಗಳ ತರಬೇತಿಯನ್ನು ಹಮ್ಮಿಕೊಂಡಿತ್ತು. ಆದರೆ ಕೆಲ ತಾಂತ್ರಿಕ ಕಾರಣಗಳಿಂದ ಈ ತರಬೇತಿ ಕಾರ್ಯಾಗಾರವನ್ನು ಮುಂದೂಡಲಾಗಿತ್ತು. ಅಂತಿಮವಾಗಿ ಶುಕ್ರವಾರ ಈ ಅಭ್ಯಾಸವನ್ನು ವಾಯುಪಡೆ ನಡೆಸಿದೆ.
ಶುಕ್ರವಾರ ಸಂಜೆ 4 ಗಂಟೆಗೆ ಚಿನ್ಯಾಲಿಸೌರ್ ವಿಮಾನ ನಿಲ್ದಾಣದಲ್ಲಿ ವಾಯುಪಡೆಯ ಚಿನೂಕ್ ಹೆಲಿಕಾಫ್ಟರ್ ಯಶಸ್ವಿಯಾಗಿ ಲ್ಯಾಂಡ್ ಆಗಿದೆ. ನಂತರ, ಹೆಲಿಕಾಫ್ಟರ್ ರಾತ್ರಿ ಒಂಬತ್ತರ ಸುಮಾರಿಗೆ ಮತ್ತೆ ವಿಮಾನ ನಿಲ್ದಾಣವನ್ನು ತಲುಪಿತು. ಆಕಾಶದಲ್ಲಿ ಎರಡು ಸುತ್ತು ಗುಂಡು ಹಾರಿಸಿದ ನಂತರ ಲ್ಯಾಂಡಿಂಗ್ ಮತ್ತು ಟೇಕಾಫ್ ಅನ್ನು ಯಶಸ್ವಿಯಾಗಿ ಅಭ್ಯಾಸ ಮಾಡಲಾಯಿತು. ಇದಕ್ಕೂ ಮುನ್ನ ಈ ಹೆಲಿಕಾಪ್ಟರ್ ನವೆಂಬರ್ 28 ರಂದು ಸಿಲ್ಕ್ಯಾರಾ ಸುರಂಗ ಅಪಘಾತದ ಸಂದರ್ಭದಲ್ಲಿ ರಕ್ಷಣಾ ಕಾರ್ಯಾಚರಣೆಯಲ್ಲಿ ಭಾಗಿಯಾಗಿ, ನಂತರ ಈ ಆಯಕಟ್ಟಿನ ವಿಮಾನ ನಿಲ್ದಾಣಕ್ಕೆ ಬಂದಿಳಿದಿತ್ತು.
ಕೆಲ ದಿನಗಳ ಹಿಂದೆ, ಚಿನ್ಯಾಲಿಸೌರ್ ವಿಮಾನ ನಿಲ್ದಾಣ ಮತ್ತು ಪಿಥೋರಗಢ, ಗೌಚಾರ್ ವಿಮಾನ ನಿಲ್ದಾಣಗಳಲ್ಲಿ ಹಗಲು ರಾತ್ರಿ ಚಿನೂಕ್ ಹೆಲಿಕಾಫ್ಟರ್ನ ಲ್ಯಾಂಡಿಂಗ್ ಮತ್ತು ಟೇಕಾಫ್ ಅಭ್ಯಾಸದ ಬಗ್ಗೆ ಜಿಲ್ಲಾಡಳಿತಕ್ಕೆ ತಿಳಿಸಲಾಗಿತ್ತು. ಆದರೆ ನಂತರ ತಾಂತ್ರಿಕ ಕಾರಣಗಳಿಂದ ಈ ಅಭ್ಯಾಸವನ್ನು ರದ್ದುಗೊಳಿಸಲಾಯಿತು. ನಿನ್ನೆ ಮತ್ತೆ ಈ ಸಂಬಂಧ ತರಬೇತಿ ಮರು ಆರಂಭಿಸಲಾಗಿದೆ. ಇದು ವಾಯುಪಡೆಯ ಚಿನೂಕ್ ಹೆಲಿಕಾಫ್ಟರ್ಗಳ ರುಟೀನ್ ತರಬೇತಿಯಾಗಿದೆ ಎಂದು ವಾಯುಪಡೆ ಮೂಲಗಳು ತಿಳಿಸಿವೆ.
ವಿಮಾನ ನಿಲ್ದಾಣದಲ್ಲಿ ಆಂಬ್ಯುಲೆನ್ಸ್ ಮತ್ತು ಅಗ್ನಿಶಾಮಕ ದಳದ ತಂಡಗಳನ್ನು ನಿಯೋಜಿಸಲು ಸೂಚನೆ ನೀಡಲಾಗಿದೆ. ಹವಾಮಾನ ವೈಪರೀತ್ಯದಿಂದಾಗಿ ಈ ಹಿಂದೆ ಅಭ್ಯಾಸ ನಡೆಸಲು ಸಾಧ್ಯವಾಗಿರಲಿಲ್ಲ. ಹವಾಮಾನ ಸರಿಯಾದ ನಂತರ ಎಂದಿನಂತೆ ಅಭ್ಯಾಸ ನಡೆಸಲಾಯಿತು ಎಂದು ವಾಯುಪಡೆಯ ಅಧಿಕಾರಿ ಒಬ್ಬರು ಮಾಹಿತಿ ನೀಡಿದ್ದಾರೆ.
ಇದನ್ನೂ ಓದಿ: ಪ್ಯಾರಾಚೂಟ್ ಸಾಹಸ: ಸೀರೆಯುಟ್ಟು 5,000 ಅಡಿ ಎತ್ತರದಿಂದ ಜಿಗಿದ ಪದ್ಮಶ್ರೀ ಪುರಸ್ಕೃತೆ
ಉತ್ತರಕಾಶಿ ಜಿಲ್ಲೆಯ ಚಿನ್ಯಾಲಿಸೌರ್ ವಿಮಾನ ನಿಲ್ದಾಣವು ಭಾರತೀಯ ಸೇನೆಗೆ ಬಹಳ ಮುಖ್ಯವಾದ ನೆಲೆಯಾಗಿದೆ. ಇಲ್ಲಿ ಸದಾ ತರಬೇತಿ ಹಾಗೂ ಇತರ ಅಭ್ಯಾಸಗಳನ್ನು ನಡೆಸಲಾಗುತ್ತದೆ. ಅನೇಕ ವಿವಿಧೋದ್ದೇಶದ ವಿಮಾನಗಳು ಕಾಲಕಾಲಕ್ಕೆ ಚಿನ್ಯಾಲಿಸೌರ್ ವಿಮಾನ ನಿಲ್ದಾಣದಲ್ಲಿ ಲ್ಯಾಂಡಿಂಗ್ ಮತ್ತು ಟೇಕಾಫ್ ಅಭ್ಯಾಸ ಕೈಗೊಳ್ಳುತ್ತವೆ.
ಇದನ್ನೂ ಓದಿ: ಸಾಗರದಾಳದ ಅಧ್ಯಯನಕ್ಕೆ ಸಮುದ್ರಯಾನ ಯೋಜನೆ; ಶೀಘ್ರದಲ್ಲೇ ಪರೀಕ್ಷಾರ್ಥ ಪ್ರಯೋಗ
