ಜಲಂಧರ್ (ಪಂಜಾಬ್): ಇಲ್ಲಿನ ರಾಷ್ಟ್ರೀಯ ಹೆದ್ದಾರಿಯಲ್ಲಿ ಸೇನಾ ಟ್ರಕ್ ಮತ್ತು ಗೂಡ್ಸ್ ಲಾರಿ ನಡುವಿನ ಭೀಕರ ಅಪಘಾತದಲ್ಲಿ ಏಳು ಮಂದಿ ಸೇನಾ ಸಿಬ್ಬಂದಿ ಗಂಭೀರವಾಗಿ ಗಾಯಗೊಂಡಿದ್ದಾರೆ. ಎಲ್ಲರನ್ನೂ ಸೇನಾ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಅವರ ಪರಿಸ್ಥಿತಿ ಗಂಭೀರವಾಗಿದೆ. ಘಟನೆ ಶನಿವಾರ ಬೆಳಗ್ಗೆ 6 ಗಂಟೆ ಸುಮಾರಿನಲ್ಲಿ ನಡೆದಿದೆ.
ಅಪಘಾತ ಹೇಗಾಯ್ತು?: ಜಲಂಧರ್‌ನ ಸುಚಿ ಗ್ರಾಮದ ಬಳಿಯ ರಾಷ್ಟ್ರೀಯ ಹೆದ್ದಾರಿಯಲ್ಲಿನ ಇಂಡಿಯಾ ಆಯಿಲ್ ಬಂಕ್ ಬಳಿ ಸೇನಾ ವಾಹನ ಮತ್ತು ಮತ್ತೆರಡು ವಾಹನಗಳು ಒಟ್ಟಿಗೆ ವೇಗವಾಗಿ ಆಗಮಿಸಿದೆ. ಈ ವೇಳೆ, ಮುಂದಿದ್ದ ಟ್ಯಾಂಕರ್ ವಾಹನ ನಿಧಾನವಾಗಿ ಚಲಿಸುತ್ತಿದ್ದಾಗ, ಹಿಂದಿನಿಂದ ಸೇನಾ ವಾಹನ ವೇಗವಾಗಿ ಬಂದಿದೆ. ಇದರ ಹಿಂದೆಯೇ ಲೋಡ್ ಆಗಿದ್ದ ಲಾರಿಯೂ ಬಂದಿದೆ.
ಈ ವೇಳೆ, ಮುಂದಿದ್ದ ಟ್ಯಾಂಕರ್ ಅನ್ನು ತಪ್ಪಿಸಲು ಸೇನಾ ವಾಹನ ಚಾಲಕ ಮುಂದಾದಾಗ ಹಿಂದಿದ್ದ ಲಾರಿ ಗುದ್ದಿದೆ. ಇದರಿಂದ ಸೇನಾ ವಾಹನ ಮಧ್ಯದಲ್ಲಿ ಸಿಲುಕಿ ಅಪ್ಪಚ್ಚಿಯಾಗಿದೆ. ರಭಸಕ್ಕೆ ಸೇನಾ ವಾಹನ ಒಂದು ಲೇನ್ ಬಿಟ್ಟು ಲೇನ್ ಕಡೆಗೆ ಸಾಗಿ ಪಲ್ಟಿಯಾಗಿದೆ. ಲಾರಿ ಮುಂಭಾಗ ಫೂರ್ಣ ಜಖಂ ಆಗಿದೆ.
ಲಾರಿ ಮತ್ತು ಟ್ಯಾಂಕರ್ ನಡುವೆ ಸಿಕ್ಕ ಸೇನಾ ವಾಹನ ಸಂಪೂರ್ಣವಾಗಿ ನಜ್ಜುಗುಜ್ಜಾಗಿದೆ. ಇದರಲ್ಲಿ ಏಳು ಮಂದಿ ಸೇನಾ ಸಿಬ್ಬಂದಿ ತೀವ್ರವಾಗಿ ಗಾಯಗೊಂಡಿದ್ದರು. ಸ್ಥಳದಲ್ಲಿದ್ದವರು ರಕ್ಷಿಸಿ ಕೂಡಲೇ ಅವರನ್ನು ಚಿಕಿತ್ಸೆಗಾಗಿ ಜಲಂಧರ್ ಕಂಟೋನ್ಮೆಂಟ್ ಸೇನಾ ಆಸ್ಪತ್ರೆಗೆ ರವಾನಿಸಿದ್ದಾರೆ.
ಮುರಿದು ತುಂಡಾದ ಡಿವೈಡರ್: ಅಫಘಾತದ ತೀವ್ರತೆ ಎಷ್ಟಿತ್ತು ಎಂದರೆ, ಲಾರಿ ಮತ್ತು ಸೇನಾ ವಾಹನ ಉಜ್ಜಿಕೊಂಡು ಒಂದು ಲೇನ್ನಿಂದ ಇನ್ನೊಂದು ಲೇನ್ಗೆ ನುಗ್ಗಿದ್ದರಿಂದ ನಡುವಿದ್ದ ಕಬ್ಬಿಣದ ಡಿವೈಡರ್ ಕಿತ್ತು ಹೋಗಿದೆ. ನಿಯಂತ್ರಣ ಕಳೆದುಕೊಂಡ ಸೇನಾ ವಾಹನ ಹಲವು ಬಾರಿ ಪಲ್ಟಿಯಾಗಿದ್ದರಿಂದ ರಸ್ತೆಯೂ ಹಾಳಾಗಿದೆ. ವಾಹನವು ಬಿಡಿಭಾಗಗಳಾಗಿ ಬಿದ್ದಿವೆ.
ಈ ಘಟನೆಯಲ್ಲಿ ಲಾರಿಯ ಚಾಲಕ ಮತ್ತು ಕ್ಲೀನರ್ ಕೂಡ ಗಾಯಗೊಂಡಿದ್ದಾರೆ ಎಂದು ಮಾಹಿತಿ ಲಭ್ಯವಾಗಿದೆ. ಘಟನೆ ತಿಳಿದ ತಕ್ಷಣ ರಾಜ್ಯ ರಸ್ತೆ ಭದ್ರತಾ ಪಡೆ ತಂಡಗಳು ಸ್ಥಳಕ್ಕೆ ಆಗಮಿಸಿ ತನಿಖೆ ಆರಂಭಿಸಿವೆ. ರಸ್ತೆಯ ಮೇಲೆ ಸೇನಾ ವಾಹನವು ಅಡ್ಡವಾಗಿ ಬಿದ್ದಿದ್ದರಿಂದ ಟ್ರಾಫಿಕ್ ಜಾಮ್ ಉಂಟಾಗಿತ್ತು. ಜನರು ತುಂಡಾದ ಸೇನಾ ಟ್ರಕ್ ಅನ್ನು ಕ್ರೇನ್ ಸಹಾಯದಿಂದ ಬದಿಗೆ ಎಳೆದು ಸಂಚಾರಕ್ಕೆ ಅನುವು ಮಾಡಿಕೊಟ್ಟರು.
ಇದನ್ನೂ ಓದಿ: ಮುಂಬೈನ ಗ್ರ್ಯಾಂಟ್ ರಸ್ತೆಯಲ್ಲಿ ಕಟ್ಟಡ ಕುಸಿತ: ಮಹಿಳೆ ಸಾವು, ಮೂವರಿಗೆ ಗಾಯ - Building Collapse In Mumbai
