ಅಂಬಾಲ ವಾಯುನೆಲೆಗೆ ರಫೇಲ್ ಯುದ್ಧ ವಿಮಾನಗಳ ಆಗಮನ​... ವಾಟರ್​ ಸೆಲ್ಯೂಟ್​ ಮೂಲಕ ಸ್ವಾಗತ!

ಹರಿಯಾಣ: ಫ್ರಾನ್ಸ್​​ನಿಂದ ಭಾರತದ ಹರಿಯಾಣದಲ್ಲಿರುವ ಅಂಬಾಲ ವಾಯುನೆಲೆಗೆ ಐದು ರಫೇಲ್​ ಯುದ್ಧ ವಿಮಾನಗಳು ಬಂದಿಳಿದಿವೆ. ಈ ವೇಳೆ ವಾಟರ್​ ಸೆಲ್ಯೂಟ್​ ಮೂಲಕ ಬರಮಾಡಿಕೊಳ್ಳಲಾಗಿದೆ. ಭಾರತೀಯ ವಾಯುಪಡೆಯ ಮುಖ್ಯಸ್ಥ ಏರ್​ ಮಾರ್ಷಲ್​ ಆರ್​ಕೆಎಸ್​ ಭದೌರಿ ರಫೇಲ್​ ವಿಮಾನಗಳನ್ನ ಸ್ವಾಗತ ಮಾಡಿಕೊಂಡಿದ್ದಾರೆ. ಕಳೆದ ಸೋಮವಾರ ಫ್ರಾನ್ಸ್​​ನಿಂದ ಪ್ರಯಾಣ ಬೆಳೆಸಿದ್ದ ಜೆಟ್​​ಗಳು ಸುಮಾರು 7,000 ಕಿ.ಮೀ. ದೂರವನ್ನು ಒಂದೇ ದಿನದಲ್ಲಿ ಕ್ರಮಿಸಿ ನಿನ್ನೆ ಯುಎಇಗೆ ಆಗಮಿಸಿದ್ದವು. ಇಂದು ಮಧ್ಯಾಹ್ನ 3.15ಕ್ಕೆ ಹರಿಯಾಣದ ಅಂಬಾಲ ವಾಯುನೆಲೆಗೆ ಬಂದಿಳಿದಿವೆ.