ಹೆಚ್ಚಿನ ಜಿಮ್​, ಹೃದಯಸಂಬಂಧಿ ಕಾಯಿಲೆ ಬಗ್ಗೆ ಡಾ. ಮಂಜುನಾಥ್ ಸಲಹೆ

ಮೈಸೂರು: ಇತ್ತೀಚೆಗೆ ಜಿಮ್​ ಮಾಡುವಾಗ ಅಥವಾ ಜಿಮ್​ ನಂತರ ಕೆಲ ಹೊತ್ತಲ್ಲೇ ಹೃದಯಾಘಾತ ಉಂಟಾಗಿ ಮೃತಪಡುತ್ತಿರುವ ಅನೇಕ ಪ್ರಕರಣಗಳು ನಡೆದಿವೆ. ಜಿಮ್​ ಮಾಡುವಾಗ ವಹಿಸಬೇಕಾದ ಕೆಲ ಮುನ್ನೆಚ್ಚರಿಕೆ ಬಗ್ಗೆ ಬೆಂಗಳೂರಿನ ಜಯದೇವ ಹೃದ್ರೋಗ ಮತ್ತು ಸಂಶೋಧನಾ ಸಂಸ್ಥೆ ನಿರ್ದೇಶಕ ಡಾ.ಸಿ.ಎನ್ ಮಂಜುನಾಥ್ ಮಾತನಾಡಿದ್ದಾರೆ. ಜಿಮ್​ನಲ್ಲಿ ವ್ಯಾಯಾಮ ಮಾಡುವಾಗ ಬಹಳ ಮುನ್ನೆಚ್ಚರಿಕೆ ವಹಿಸಬೇಕು. ಏಕಾಏಕಿ ಜಾಸ್ತಿ ವ್ಯಾಯಾಮ ಮಾಡಬಾರದು, ಇದರಲ್ಲೂ ಇತಿಮಿತಿ ಇರಬೇಕು. ಕ್ರಮೇಣ ಹೆಚ್ಚಿನ ಭಾರದೊಂದಿಗೆ ವ್ಯಾಯಾಮ ರೂಢಿಸಿಕೊಳ್ಳಬೇಕು. ಹೆಚ್ಚಿನ ವ್ಯಾಯಾಮಕ್ಕೂ ಮುನ್ನ ಕಾರ್ಡಿಯಾಕೆಲ್​ ಚೆಕ್​ಅಪ್​ ಮಾಡಿಕೊಳ್ಳುವುದು ಒಳ್ಳೆಯದು. ಯಾಕೆಂದರೆ ಎಷ್ಟೋ ಜನರಿಗೆ ಗೊತ್ತಿಲ್ಲದ ರೀತಿಯಲ್ಲಿ ತೊಂದರೆ ಇರುತ್ತದೆ, ಹುಟ್ಟಿನಿಂದಲೇ ಹೃದಯಸಂಬಂಧಿ ಕಾಯಿಲೆ ಇರುತ್ತದೆ. ಹೀಗಾಗಿ ಬಹಳ ಮುನ್ನೆಚ್ಚರಿಕೆ ವಹಿಸುವುದು ಅಗತ್ಯ ಎಂದು ಡಾ.ಸಿ.ಎನ್ ಮಂಜುನಾಥ್ ಸಲಹೆ ನೀಡಿದರು.