ಕೈಮುಗಿಯುತ್ತೇನೆ ಮನೆಗೆ ಹೋಗಿ... ಹೊರಬಂದ ವ್ಯಕ್ತಿಗೆ ಮಹಿಳಾ ಪೊಲೀಸ್​ ಮನವಿ

ತುಮಕೂರು: ಲಾಕ್​​​ಡೌನ್ ಹಿನ್ನೆಲೆ ತುಮಕೂರು ನಗರದಲ್ಲಿ ಪೊಲೀಸರು ನಿರಂತರವಾಗಿ ಗಸ್ತು ತಿರುಗುತ್ತಿದ್ದಾರೆ. ಅನಾವಶ್ಯಕವಾಗಿ ಓಡಾಡುತ್ತಿರುವ ಜನರನ್ನು ಕಂಡು ಪೊಲೀಸರು ರೋಸಿ ಹೋಗಿದ್ದಾರೆ. ಮನೆಗೆ ಹೋಗುವಂತೆ ಪರಿ ಪರಿಯಾಗಿ ಕೇಳಿಕೊಳ್ಳುತ್ತಿರುವುದು ಸಾಮಾನ್ಯವಾಗಿದೆ. ಇದಕ್ಕೆ ಸಾಕ್ಷಿಯೆಂಬಂತೆ ಇಂದು ನಗರದ ಟೌನ್ ಹಾಲ್ ವೃತ್ತದಲ್ಲಿ ಮಹಿಳಾ ಪೊಲೀಸ್ ಸಿಬ್ಬಂದಿಯೊಬ್ಬರು ವ್ಯಕ್ತಿಗೆ ಕೈ ಮುಗಿದು ಮೊದಲು ಮನೆಗೆ ಹೋಗಿ ಎಂದಿದ್ದಾರೆ.