ಏಯ್‌ ಕೊಡೋ, ಕೊಟ್ಹೋಗೋ.. ಚಾಮರಾಜನಗರ ಟ್ರಾಫಿಕ್ ಎಎಸ್ಐ 'ಎತ್ತುವಳಿ'.. ವಿಡಿಯೋ!

ಚಾಮರಾಜನಗರ: ಸಂಚಾರಿ ಠಾಣೆ ಎಎಸ್ಐ ವಾಹನ ತಪಾಸಣೆ ವೇಳೆ ಲಾರಿ ತಡೆದು ಚಾಲಕನಿಂದ ಹಣ ಪಡೆದ ವಿಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗಿದೆ. ಟ್ರಾಫಿಕ್ ಎಎಸ್ಐ ಅಫ್ಜಲ್ ಬೇಗ್ ಹಣ ಪಡೆದವರು ಎನ್ನಲಾಗಿದೆ.‌ ಹೋಂ ಗಾರ್ಡ್‌ವೊಬ್ಬ ವಾಹನ ತಡೆದು ಚಾಲಕನನ್ನು ಅವರ ಬಳಿ ಕರೆದೊಯ್ತಾನೆ. ಈ ವೇಳೆ ಬೇಗ್ ವಾಹನ ದಾಖಲೆ ಪರಿಶೀಲಿಸದೆ ಚಾಲಕನೊಂದಿಗೆ ಜಾಲಿಯಾಗಿ ಮಾತನಾಡಿ ರಾಜಾರೋಷವಾಗಿ ಆತನಿಂದ ಹಣ ಪಡೆದು ಜೇಬಿಗಿಳಿಸಿಕೊಂಡಿದ್ದಾರೆ. ಬಳಿಕ ವಾಹನ ತೆಗೆದುಕೊಂಡು ಹೋಗುವಂತೆ ಚಾಲಕನಿಗೆ ಹೇಳುವುದು ವಿಡಿಯೋದಲ್ಲಿ ಸೆರೆಯಾಗಿದೆ.