ಸಿದ್ದಗಂಗಾ ಮಠದಲ್ಲಿ ಅದ್ಧೂರಿಯಾಗಿ ನೆರವೇರಿದ ಪಲ್ಲಕ್ಕಿ ಉತ್ಸವ

ತುಮಕೂರು: ಸಿದ್ದಗಂಗಾ ಮಠದಲ್ಲಿ ಶ್ರೀ ಸಿದ್ದಲಿಂಗೇಶ್ವರ ಜಾತ್ರಾ ಮಹೋತ್ಸವದ ಅಂಗವಾಗಿ ವಿಶೇಷ ರಥೋತ್ಸವಗಳು ನಡೆಯುತ್ತಿವೆ. ಇಂದು ರಾತ್ರಿ ಮಠದ ಆವರಣದಲ್ಲಿ ಸಂಪ್ರದಾಯದಂತೆ ರಾವಣ ವಾಹನ, ಬಿಲ್ವಾ ವೃಕ್ಷವಾಹನ, ನವರಂಗ ಪಲ್ಲಕ್ಕಿ ಉತ್ಸವ ಜರುಗಿತು. ಶ್ರೀ ಸಿದ್ದಲಿಂಗ ಸ್ವಾಮೀಜಿ ಅವರು ಉತ್ಸವಕ್ಕೆ ಚಾಲನೆ ನೀಡಿದರು. ಉತ್ಸವದಲ್ಲಿ ಜಂಬು ಕುಣಿತ, ಕೀಲು ಬೊಂಬೆಗಳು, ತೋರಣ ಹಾಗೂ ವಾದ್ಯಗೋಷ್ಠಿ ನಡೆಯಿತು. ನೂರಾರು ಭಕ್ತರು ಉತ್ಸವದಲ್ಲಿ ಪಾಲ್ಗೊಂಡಿದ್ದರು.