ರಾಮನಗರದಲ್ಲಿ ಟೈಟ್‌ ಸೆಕ್ಯೂರಿಟಿ ಮಧ್ಯೆ ಎಣಿಕೆಗೆ ಸಿದ್ಧತೆ

ಬೆಂಗಳೂರು ಗ್ರಾಮಾಂತರ ಲೋಕಸಭಾ ಕ್ಷೇತ್ರದ ಮತ ಎಣಿಕೆಗಾಗಿ ರಾಮನಗರ ಸರ್ಕಾರಿ ಇಂಜಿನಿಯರಿಂಗ್ ಕಾಲೇಜು‌ ಸಿದ್ದಗೊಂಡಿದೆ. 8 ವಿಧಾನಸಭಾ ಕ್ಷೇತ್ರಗಳನ್ನೊಳಗೊಂಡ‌ ಬೆಂಗಳೂರು ಗ್ರಾಮಾಂತರ ಕ್ಷೇತ್ರದಲ್ಲಿ ಒಟ್ಟು  2672 ಮತಗಟ್ಟೆಗಳಿದ್ದು, 26 ಸುತ್ತುಗಳಲ್ಲಿ ಮತ ಎಣಿಕೆ‌ ನಡೆಯಲಿದೆ. ಎಣಿಕೆ ಸಮಯದಲ್ಲಿ ಯಾವುದೇ ಅಹಿತಕರ ಘಟನೆ ನಡೆಯದಂತೆ 1000 ಅರೆಸೇನಾ ಮತ್ತು ಪೋಲೀಸರ ನೇಮಕ ಹಾಗೂ 900 ಮಂದಿ ಮತ ಎಣಿಕೆ ಸಿಬ್ಬಂದಿ ಕಾರ್ಯನಿರ್ವಹಿಸಲಿದ್ದಾರೆ.