ಸಿಲಿಕಾನ್ ಸಿಟಿ ಸಂಚಾರಿ ಪೊಲೀಸರಿಂದ ಕೊರೊನಾ ವೈರಸ್​ ಕುರಿತು ವಿನೂತನ ಜಾಗೃತಿ

ರಾಜ್ಯದಲ್ಲಿ ಕೊರೊನಾ ಭೀತಿ ಹೆಚ್ಚಾಗುತ್ತಲೆ ಇದೆ. ಇತ್ತ ರಾಜ್ಯ ಸರ್ಕಾರ ಹಲವಾರು ಜನ ಜಾಗೃತಿ ಕಾರ್ಯಕ್ರಮಗಳನ್ನು ಮಾಡುತ್ತಿದ್ದರೂ ಜನರು ಮಾತ್ರ ಮನೆಯಿಂದ ಹೊರಗೆ ಬರುವುದನ್ನು ಬಿಟ್ಟಿಲ್ಲ. ಈ ನಿಟ್ಟಿನಲ್ಲಿ ಬೆಂಗಳೂರು ಸಂಚಾರಿ ಪೊಲೀಸರು ನೂತನ ಜಾಗೃತಿ ಕಾರ್ಯಕ್ರಮವೊಂದನ್ನು ಪ್ರಾರಂಭ ಮಾಡಿದ್ದು, ರಸ್ತೆಗಿಳಿಯುವ ವಾಹನ ಸವಾರರನ್ನು ತಡೆದು ಕೊರೊನಾ ವೈರಸ್​ ಮಾದರಿ ಹಲ್ಮೆಟ್​ ಧರಿಸಿ ಜಾಗಟೆ ಹೊಡೆಯುವ ಮೂಲಕ ವಿನೂತನ ಪ್ರಯೋಗ ಮಾಡಿದ್ದಾರೆ. 'ನನ್ನ ಹೆಸರು ಕೊರೊನಾ, ಊರೆಲ್ಲಾ ಅಡ್ಡಾಡುವವರು ಸಾವಿನ ದಲ್ಲಾಳಿಗಳಾಗುತ್ತಾರೆ' ಎಂದು ರಸ್ತೆಯಲ್ಲಿ‌‌ ಓಡಾಡುವ ವಾಹನ ಸವಾರರನ್ನು ತಡೆದು‌‌ ಕೊರೊನಾ‌ ಹೆಸರಿನಲ್ಲಿ‌ ಹೆದರಿಸಿ ಅರಿವು ಮೂಡಿಸುತ್ತಿದ್ದಾರೆ.