ಗುರುನಾನಕ್ ಜಯಂತಿ ನಿಮಿತ್ತ ಬೀದರ್ ನಲ್ಲಿ 'ಹಲ್ಲಾ ಬೊಲ್' ಅದ್ಧೂರಿ ಆಚರಣೆ...!

ಬೀದರ್: ಸಿಖ್ ಧರ್ಮಗುರು ನಾನಕ್​ ಅವರ 550 ನೇ ಜಯಂತಿ ನಿಮಿತ್ತ ಗಡಿ ಜಿಲ್ಲೆ ಬೀದರ್ ನಲ್ಲಿ ಸಾಂಪ್ರದಾಯಿಕ 'ಹಲ್ಲಾ ಬೊಲ್' ಆಚರಣೆ ಜನಮನ ಸೆಳೆಯಿತು. ನಗರದ ಗುರುದ್ವಾರದಲ್ಲಿ ಗುರು ನಾನಕರ ಜಯಂತಿ ನಿಮಿತ್ತ ಗ್ರಂಥ ಸಾಹಿಬ್ ಮೆರವಣಿಗೆಯಲ್ಲಿ, ದೇಶ ವಿದೇಶದಿಂದ ಬಂದ ಭಕ್ತರು ಕೈಯಲ್ಲಿ ಖಡ್ಗ ಹಿಡಿದು ಗುರುದ್ವಾರದಿಂದ ಸಾಮೂಹಿಕವಾಗಿ ನಗರದ ಮಡಿವಾಳ ವೃತ್ತ, ರೋಟರಿ ವೃತ್ತ, ಭಗತಸಿಂಗ್ ವೃತ್ತದ ಮೂಲಕ ಸಂಚಾರ ಮಾಡಿದರು. ಪಂಜಾಬ್​, ಹರಿಯಾಣ, ಉತ್ತರಪ್ರದೇಶ ಸೇರಿದಂತೆ ವಿದೇಶದಿಂದಲೂ ಭಕ್ತರು ಜಯಂತಿ ಉತ್ಸವದಲ್ಲಿ ಪಾಲ್ಗೊಂಡಿದ್ದು ವಿಶೇಷವಾಗಿತ್ತು.