ಎಕ್ಸ್​ಕ್ಲ್ಯೂಸಿವ್.. 2017ರ ವಿಶ್ವಕಪ್​ ಸ್ಟಾರ್​ ಅಲೆಕ್ಸ್​ ಹಾರ್ಟ್ಲೀಗೆ ಮರಳಿ ಆಂಗ್ಲರ ತಂಡ ಸೇರುವ ಕನಸು..

ಹೈದರಾಬಾದ್​ : 2017ರ ಮಹಿಳಾ ಏಕದಿನ ವಿಶ್ವಕಪ್​ ಫೈನಲ್​ನಲ್ಲಿ ಭಾರತದ ಪ್ರಮುಖ ಇಬ್ಬರು ಬ್ಯಾಟ್ಸ್‌ವುಮೆನ್‌ಗಳನ್ನ ಔಟ್​ ಮಾಡುವ ಮೂಲಕ ಇಂಗ್ಲೆಂಡ್​ಗೆ ಏಕದಿನ ವಿಶ್ವಕಪ್​ ಗೆಲ್ಲಲು ನೆರವಾಗಿದ್ದ ಅಲೆಕ್ಸ್ ಹಾರ್ಟ್ಲಿ ಪ್ರಸ್ತುತ ತಂಡದಿಂದ ಹೊರಬಿದ್ದಿದ್ದಾರೆ. ಆದರೆ, 27 ವರ್ಷದ ಆಟಗಾರ್ತಿ ಮಾತ್ರ ತಂಡಕ್ಕೆ ಕಮ್​ ಬ್ಯಾಕ್​ ಮಾಡುವ ಆಸೆ ಕೈಬಿಟ್ಟಿಲ್ಲ. 2017ರ ವಿಶ್ವಕಪ್​ ಟೂರ್ನಿಯಲ್ಲಿ 10 ವಿಕೆಟ್ ಪಡೆದಿದ್ದ ಹಾರ್ಟ್ಲಿ ಈಟಿವಿ ಭಾರತ ನಡೆಸಿದ ಎಕ್ಸ್​ಕ್ಲ್ಯೂಸಿವ್ ಸಂದರ್ಶನದಲ್ಲಿ ತಮ್ಮ ವಿಶ್ವಕಪ್​ ಅನುಭವ, ತಂಡಕ್ಕೆ ಕಮ್​ ಬ್ಯಾಕ್​ ಮಾಡಲು ನಡೆಸುತ್ತಿರುವ ತಯಾರಿ, ಟೆಸ್ಟ್​ ಕ್ರಿಕೆಟ್​ಗೆ ಮರಳುತ್ತಿರುವುದು ಹಾಗೂ ಕೋವಿಡ್-19 ಸಮಯದಲ್ಲಿ ಮಹಿಳಾ ಕ್ರಿಕೆಟ್​ ಮೇಲಿನ ಪರಿಣಾಮ ಕುರಿತು ಮುಕ್ತವಾಗಿ ಮಾತನಾಡಿದ್ದಾರೆ.