ಅಶ್ವಾರೋಹಣ ವಿಶ್ವಕಪ್... ಮತ್ತೆ ವರ್ಲ್ಡ್ ​ಕಪ್​ ಗೆದ್ದ ಚಾಂಪಿಯನ್​!

ಸಂಗೀತಕ್ಕೆ ತಕ್ಕಂತೆ ಕುದುರೆ ಪಳಗಿಸುವ ಆಟದಲ್ಲಿ ಮತ್ತೆ ವರ್ಲ್ಡ್​ ಕಪ್​ ಕಿರೀಟವನ್ನು ಮುಡಿದಿದ್ದಾರೆ ಜರ್ಮನಿಯ ಆಟಗಾರ್ತಿ. ಶನಿವಾರ ಸ್ವೀಡನ್​ನ ಗೋಥೆನ್​ಬರ್ಗ್​ನಲ್ಲಿ ನಡೆದ ವರ್ಲ್ಡ್​ಕಪ್​ ಡ್ರೆಸ್ಟೇಜ್ ಫ್ರೀಸ್ಟೈಲ್ ಫೈನಲ್​ ಪಂದ್ಯದಲ್ಲಿ ಹಾಲಿ ಎಫ್​ಇಐ ವಿಶ್ವಕಪ್​ ಚಾಂಪಿಯನ್​ ಇಸಾಬೆಲ್​ ವೆರ್ಥ್​ ಗೆಲುವು ದಾಖಲಿಸಿದ್ದಾರೆ. ಫೈನಲ್​ ಪಂದ್ಯದಲ್ಲಿ ಇಸಾಬೆಲ್​ ವೆರ್ಥ್​ 88.871 ಅಂಕಗಳನ್ನು ಗಳಿಸಿ ಮೊದಲನೇ ಸ್ಥಾನವನ್ನು ಪಡೆದಿದ್ದರು. ವಿಶ್ವ ನಂ.2 ಅಮೆರಿಕ ಆಟಗಾರ್ತಿ ಲೌರಾ ಗ್ರೇವ್ಸ್​ 87.179 ಅಂಕಗಳನ್ನು ಪಡೆದು ಎರಡನೇ ಸ್ಥಾನಕ್ಕೆ ತೃಪ್ತಿ ಪಟ್ಟರು. ಇನ್ನು 86.571 ಅಂಕಗಳನ್ನು ಕಲೆ ಹಾಕಿ ಮೂರನೇ ಸ್ಥಾನ ಅಲಂಕರಿಸಿದ್ದಾರೆ ಜರ್ಮನಿಯ ಹೆಲೆನ್ ಲ್ಯಾಂಗ್ಹನೆನ್ಬರ್ಗ್.