ವಿರಾಟ್​​ನಿಂದ​​ ಆಟೋಗ್ರಾಫ್ ಅಲ್ಲ, ಕೊಹ್ಲಿಗೆ ಆಟೋಗ್ರಾಫ್​ ನೀಡಿದ 7 ವರ್ಷದ ಪೋರ!

ಜಮೈಕಾ: ಟೀಂ ಇಂಡಿಯಾ ಕ್ಯಾಪ್ಟನ್​ ವಿರಾಟ್​​ ಕೊಹ್ಲಿ ಆಟೋಗ್ರಾಫ್​​ ಪಡೆದುಕೊಳ್ಳಲು ಎಲ್ಲರು ಮುಗಿಬಿದ್ದು, ಅವರಿಂದ ಆಟೋಗ್ರಾಫ್​ ಪಡೆದುಕೊಳ್ಳುತ್ತಾರೆ. ಆದರೆ ಇಲ್ಲೊಬ್ಬ ಪುಟ್ಟ ಪೋರ ವಿರಾಟ್​​ ಕೊಹ್ಲಿಗೆ ಆಟೋಗ್ರಾಫ್​ ನೀಡಿ ಎಲ್ಲರ ಗಮನ ಸೆಳೆದಿದ್ದಾನೆ. ವೆಸ್ಟ್​ ಇಂಡೀಸ್​ ವಿರುದ್ಧ ನಡೆದ ಟಿ-20,ಏಕದಿನ ಹಾಗೂ ಟೆಸ್ಟ್​​ ಸರಣಿಯಲ್ಲಿ ಟೀಂ ಇಂಡಿಯಾ ಗೆಲುವು ದಾಖಲು ಮಾಡಿದ ಬಳಿಕ ವಾಪಸ್​ ತವರಿಗೆ ಬರುತ್ತಿದ್ದ ವೇಳೆ ಅವರ ಆಟೋಗ್ರಾಫ್​ ಪಡೆದುಕೊಳ್ಳಲು ಮಕ್ಕಳು ಸುತ್ತುವರೆದಿದ್ದಾರೆ. ಈ ವೇಳೆ 7 ವರ್ಷದ ಬಾಲಕನೋರ್ವ ತಾನೇ  ಸಹಿ ಮಾಡಿದ ಆಟೋಗ್ರಾಪ್ ಕೊಹ್ಲಿ ಕೈಗಿಟ್ಟಿದ್ದಾನೆ. ಇದೀಗ ಈ ವಿಡಿಯೋ ಸಿಕ್ಕಾಪಟ್ಟೆ ವೈರಲ್​ ಆಗಿದೆ. ​​