Watch...ಋಷಿಕೇಶದ ಗಂಗೆಯಲ್ಲಿ ಮುಳುಗುತ್ತಿದ್ದ ವ್ಯಕ್ತಿ ರಕ್ಷಿಸಿದ ಪೊಲೀಸರು..

ರಿಷಿಕೇಶ (ಉತ್ತರಾಖಂಡ): ಋಷಿಕೇಶದ ತ್ರಿವೇಣಿ ಘಾಟ್‌ನಲ್ಲಿ ಸ್ನಾನ ಮಾಡುತ್ತಿದ್ದಾಗ ಗಂಗಾನದಿಯ ಅಲೆಗಳಲ್ಲಿ ಕನ್ವಾರಿಯಾ ಕೊಚ್ಚಿ ಹೋಗಿರುವ ಘಟನೆ ನಡೆದಿದೆ. ಕನ್ವಾರಿಯಾ ನದಿಯಲ್ಲಿ ಕೊಚ್ಚಿಹೋಗುತ್ತಲೇ ತನ್ನ ಪ್ರಾಣ ಉಳಿಸಿ ಎಂದು ಕೂಗಲಾರಂಭಿಸಿದ್ದಾನೆ. ಇದೇ ವೇಳೆ  ಪೊಲೀಸ್ ಸಿಬ್ಬಂದಿ ರಕ್ಷಣಾ ಕಾರ್ಯಾಚರಣೆ ಆರಂಭಿಸಿದ್ದಾರೆ. ಸಾಕಷ್ಟು ಪ್ರಯತ್ನದ ನಂತರ ಸಿಬ್ಬಂದಿ ದ್ವೀಪವನ್ನು ತಲುಪಿ ಕನ್ವಾರಿಯಾಗಳನ್ನು ಗಂಗಾನದಿಯಿಂದ ಸುರಕ್ಷಿತವಾಗಿ ಹೊರತೆಗೆದು ಅವರ ಜೀವ  ಉಳಿಸಿದ್ದಾರೆ.

ಪೊಲೀಸ್ ಆಡಳಿತ ಹಲವು ಬಾರಿ ಎಚ್ಚರಿಕೆ ನೀಡಿದರೂ ನೀಲಕಂಠನಲ್ಲಿ ಜಲಾಭಿಷೇಕ ಮಾಡಲು ಬರುತ್ತಿರುವ ಕನ್ವಾರಿಯಾಗಳು  ಪ್ರಾಣವನ್ನೇ ಪಣಕ್ಕಿಟ್ಟು ಗಂಗಾನದಿಯ ಮಧ್ಯದಲ್ಲಿ ಸ್ನಾನ ಮಾಡಲು ಯತ್ನಿಸುತ್ತಿದ್ದಾರೆ. ಇದರಿಂದಾಗಿ ಗಂಗಾನದಿಯಲ್ಲಿ ಕನ್ವಾರಿಯಾಗಳೂ ಕೊಚ್ಚಿಹೋಗುತ್ತಿದ್ದಾರೆ. ಆದರೆ,  ನದಿ ಕಾವಲು ಪೊಲೀಸ್ ಸಿಬ್ಬಂದಿಯ ಕ್ಷಿಪ್ರ ಕಾರ್ಯಾಚರಣೆಯಿಂದಾಗಿ ಕನ್ವರಿಯರೂ ಗಂಗಾನದಿಯಲ್ಲಿ ಮುಳುಗಿ ಸಾಯುವುದರಿಂದ ಪಾರಾಗುತ್ತಿದ್ದಾರೆ.

ಋಷಿಕೇಶದ ತ್ರಿವೇಣಿ ಘಾಟ್‌ನಿಂದ ಇಂತಹದೊಂದು ವಿಡಿಯೋ ಹೊರಬಿದ್ದಿದೆ. ಕನ್ವಾರಿಯಾ ಸ್ನಾನ ಮಾಡುತ್ತಿದ್ದಾಗ ಗಂಗಾನದಿಯ ಮಧ್ಯದ ದ್ವೀಪದಲ್ಲಿ ಬಲವಾದ ಪ್ರವಾಹಕ್ಕೆ ಸಿಲುಕಿಕೊಂಡಿದ್ದಾನೆ. ತನ್ನ ಪ್ರಾಣವನ್ನು ಉಳಿಸಿಕೊಳ್ಳಲು ಅವರು ಕಿರುಚಲು ಪ್ರಾರಂಭಿಸಿದ್ದಾರೆ. ಘಟನಾ ಸ್ಥಳದಲ್ಲಿ ನಿಯೋಜನೆಗೊಂಡಿದ್ದ ಕಾವಲು ಪೊಲೀಸ್ ಸಿಬ್ಬಂದಿ ರಕ್ಷಣಾ ಕಾರ್ಯಾಚರಣೆ ನಡೆಸಿ ಕನ್ವರಿಯಾ ಪ್ರಾಣ ಉಳಿಸಿದ್ದಾರೆ

ಮೂರು ಕೋಟಿ ದಾಟಿದ ಕನ್ವಾರಿಯಾಗಳ ಸಂಖ್ಯೆ: ಈ ಹಿಂದಿನ ಎಲ್ಲ ದಾಖಲೆಗಳನ್ನು ಮುರಿದು, ಗಂಗಾ ನದಿಯಿಂದ ಪವಿತ್ರ ನೀರು ಸಂಗ್ರಹಿಸಲು ಹರಿದ್ವಾರಕ್ಕೆ ಭೇಟಿ ನೀಡಿದ ಕನ್ವಾರಿಯಾಗಳ ಸಂಖ್ಯೆ ಮೂರು ಕೋಟಿ ದಾಟಿದೆ. ಹರಿದ್ವಾರದ ನಗರದ ರಸ್ತೆಗಳು ಗುರುವಾರ ಭಕ್ತರಿಂದ ತುಂಬಿ ತುಳುಕುತ್ತಿದ್ದವು. ಪವಿತ್ರ ನಗರವಾದ ಹರಿದ್ವಾರದಲ್ಲಿ ನಡೆಯುತ್ತಿರುವ ಕನ್ವರ್ ಜಾತ್ರೆ ಇದೀಗ ಕೊನೆಯ ಹಂತಕ್ಕೆ ಬಂದಿದೆ. 

ಗುರುವಾರ ನಗರದಲ್ಲಿ ಭಕ್ತಾದಿಗಳ (ಕನ್ವಾರಿಯಾ) ಭಾರಿ ನೂಕುನುಗ್ಗಲು ಕಂಡುಬಂದಿತ್ತು. ಹರಿದ್ವಾರ ನಗರದ ಎಲ್ಲ ಹೆದ್ದಾರಿಗಳು ಮತ್ತು ರಸ್ತೆಗಳು ಸಂಪೂರ್ಣವಾಗಿ ಯಾತ್ರಾರ್ಥಿಗಳಿಂದ ತುಂಬಿದ್ದವು. ಹರಿದ್ವಾರದ ಎಲ್ಲಾ ನಗರದ ರಸ್ತೆಗಳಲ್ಲಿ ಸಂಚಾರ ದಟ್ಟಣೆ ಕಂಡುಬಂತು. ಸಂಚಾರ ಪೊಲೀಸರು ವಾಹನಗಳ ಸಂಚಾರವನ್ನು ನಿಯಂತ್ರಿಸಲು ಕಠಿಣ ಕ್ರಮ ಕೈಗೊಂಡಿದ್ದರು. ಸುಮಾರು 3,28,00,000 ಕನ್ವಾರಿಯಾಗಳು ಹರ್ ಕಿ ಪೈಡಿಯಲ್ಲಿ ಗಂಗಾ ನದಿಯಿಂದ ಪವಿತ್ರ ನೀರನ್ನು ತಂದ ನಂತರ ಹರಿದ್ವಾರದಿಂದ ತಮ್ಮ ಗಮ್ಯಸ್ಥಾನದ ಕಡೆಗೆ ಹೊರಟಿದ್ದಾರೆ.

ಇದನ್ನೂ ಓದಿ: ಉಕ್ಕಿ ಹರಿಯುತ್ತಿರುವ ಗಂಗೆ... ಅಪಾಯದ ಅಂಚಿನಲ್ಲಿ ಸ್ಥಳೀಯರು