ಲೂಧಿಯಾನ ಎಸ್‌ಎಸ್‌ಪಿ ಕಚೇರಿಯಲ್ಲಿ ಅಹಿತಕರ ಘಟನೆ: ಡಿಎಸ್‌ಪಿ ಅವರ ಗನ್‌ಮ್ಯಾನ್ ಬುಲೆಟ್ ಗಾಯದಿಂದ ಸಾವು

ಲೂಧಿಯಾನ (ಪಂಜಾಬ್​) : ಖನ್ನಾ ಅವರ ಎಸ್‌ಎಸ್‌ಪಿ ಕಚೇರಿಯಲ್ಲಿ ಡಿಎಸ್ಪಿಯೊಬ್ಬರ ಗನ್‌ಮ್ಯಾನ್ ಬುಲೆಟ್ ಗಾಯದಿಂದ ಸಾವನ್ನಪ್ಪಿದ್ದಾರೆ. ಬಂದೂಕುಧಾರಿಯನ್ನು ಹಿರಿಯ ಕಾನ್ಸ್​ಟೇಬಲ್​ ರಶ್ಪಿಂದರ್ ಸಿಂಗ್ ಎಂದು ಗುರುತಿಸಲಾಗಿದೆ. ಮಹಿಳಾ ವಿಭಾಗದ ಡಿಎಸ್​ಪಿ ಗುರ್ಮೀತ್ ಸಿಂಗ್ ಜೊತೆಗೆ ರಶ್ಪಿಂದರ್ ಸಿಂಗ್ ಅವರನ್ನು ಗನ್ ಮ್ಯಾನ್ ಆಗಿ ನಿಯೋಜಿಸಲಾಗಿತ್ತು.  

ರಶ್ಪಿಂದರ್ ಎದೆಗೆ ಗುಂಡು : ಮಾಹಿತಿ ಪ್ರಕಾರ ಎಸ್‌ಎಸ್‌ಪಿ ಕಚೇರಿಯ ರೀಡರ್ ಶಾಖೆಯಲ್ಲಿ ರಶ್ಪಿಂದರ್​ ಕುಳಿತಿದ್ದಾಗ ಇದ್ದಕ್ಕಿದ್ದಂತೆ ಗುಂಡಿನ ಸದ್ದು ಕೇಳಿಸಿತು. ಗಾಯಗೊಂಡ ಸ್ಥಿತಿಯಲ್ಲಿ ರಶ್ಪಿಂದರ್​  ಅವರನ್ನು ಹತ್ತಿರದ ಐವಿವೈ ಆಸ್ಪತ್ರೆಗೆ ದಾಖಲಿಸಲಾಯಿತು. ಅಲ್ಲಿ ಅವರು  ಮೃತಪಟ್ಟಿದ್ದಾರೆ. ಡಿಎಸ್ಪಿ ಅವರ ಸರ್ವಿಸ್ ರಿವಾಲ್ವರ್ ರಶ್ಪಿಂದರ್ ಕೈಯಲ್ಲಿತ್ತು ಎಂದು ಹೇಳಲಾಗುತ್ತಿದೆ. ಅದನ್ನು ಸ್ವಚ್ಛಗೊಳಿಸುತ್ತಿದ್ದಾಗ ಒಂದು ಗುಂಡು ಹಾರಿದೆ. ಈ ಗುಂಡು ರಶ್ಪಿಂದರ್ ಅವರ ಎದೆಗೆ ತಗುಲಿದೆ. ವೈದ್ಯರು ರಾಶ್ಪಿಂದರ್ ಅವರನ್ನು ರಕ್ಷಿಸಲು ಪ್ರಯತ್ನಿಸಿದರು. ಆದರೆ, ಅವರು ಸಾವನ್ನಪ್ಪಿದರು ಎಂದು ಪೊಲೀಸ್ ಅಧಿಕಾರಿಗಳು ತಿಳಿಸಿದ್ದಾರೆ. ಗುಂಡಿನ ದಾಳಿ ಹೇಗೆ ನಡೆದಿದೆ ಎಂಬ ಬಗ್ಗೆ ಅಧಿಕೃತವಾಗಿ ದೃಢಪಟ್ಟಿಲ್ಲ

ಇದನ್ನೂ ಓದಿ: ಕೆಲಸಕ್ಕೆ ತೆರಳುತ್ತಿದ್ದ ಯುವಕನ ಅಪಹರಿಸಿ ಒಂದು ಕೋಟಿ ರೂ.ಗೆ ಬೇಡಿಕೆ: ಪೊಲೀಸರಿಗೆ ತಿಳಿಸಿದ್ದಕ್ಕೆ ಕೊಲೆ