ಧಾವಂತದಲ್ಲಿ ಫ್ಲ್ಯಾಟ್​ಫಾರ್ಮ್ ಮತ್ತು​ ರೈಲಿನ ನಡುವೆ ಸಿಲುಕಿದ ವ್ಯಕ್ತಿ: ದೇವರಂತೆ ಬಂದ ಆರ್​ಪಿಎಫ್​ ಸಿಬ್ಬಂದಿ

ಚಲಿಸುತ್ತಿದ್ದ ರೈಲು ಏರುವಾಗ ಕಾಲು ಜಾರಿ ರೈಲಿನ ನಡುವೆ ಪ್ರಯಾಣಿಕರೊಬ್ಬರು ಸಿಲುಕಿಕೊಂಡು, ಅವರನ್ನು ಆರ್‌ಪಿಎಫ್ ಸಿಬ್ಬಂದಿ ರಕ್ಷಿಸಿರುವ ಘಟನೆ ಸೂರತ್ ರೈಲು ನಿಲ್ದಾಣದಲ್ಲಿ ನಡೆದಿದೆ. ಪ್ರಯಾಣಿಕರೊಬ್ಬರು ಓಡಿ ಬಂದು ಚಲಿಸುತ್ತಿದ್ದ ರೈಲನ್ನು ಏರಿದ್ದಾರೆ. ಕಾಲು ಜಾರಿ ಕೆಳಗೆ ಬಿದ್ದು ಫ್ಲ್ಯಾಟ್​ಫಾರ್ಮ್ ಮತ್ತು​ ರೈಲಿನ ನಡುವೆ ಸಿಲುಕಿಕೊಂಡಿದ್ದಾರೆ. ಇದನ್ನು ಗಮನಿಸಿದ ಅಲ್ಲೇ ಇದ್ದ ಆರ್​ಪಿಎಫ್​ ಸಿಬ್ಬಂದಿ ಸಂದೀಪ್​ ಯಾದವ್​ ಎನ್ನುವವರು ಧಾವಿಸಿ ಆತನನ್ನು ರಕ್ಷಿಸಲು ಪ್ರಯತ್ನಿಸಿದ್ದಾರೆ. ಅಷ್ಟರಲ್ಲಿ ನಿಧಾನವಾಗಿ ಚಲಿಸುತ್ತಿದ್ದ ರೈಲು ನಿಂತ ಕಾರಣ ಅದೃಷ್ಟವಶಾತ್​ ಪ್ರಯಾಣಿಕನ ಪ್ರಾಣ ಉಳಿದಿದೆ. ಪ್ರಯಾಣಿಕನಿಗೆ ಸಣ್ಣಪುಟ್ಟ ಗಾಯಗಳಾಗಿದ್ದು, ಇಡೀ ಘಟನೆಯ ಸಿಸಿಟಿವಿ ದೃಶ್ಯ ವೈರಲ್​ ಆಗಿದೆ.