ಎರಡು ಬಸ್​, ಆಟೋ ರಿಕ್ಷಾದ ನಡುವೆ ಅಪಘಾತ: 25ಕ್ಕೂ ಹೆಚ್ಚು ಮಂದಿಗೆ ಗಾಯ

ಖೇಡಾ (ಗುಜರಾತ್​): ಅಹಮದಾಬಾದ್-ಇಂದೋರ್ ಹೆದ್ದಾರಿಯಲ್ಲಿ ಎರಡು ಟೂರಿಸ್ಟ್​ ಬಸ್​ ಹಾಗೂ ಆಟೋ ರಿಕ್ಷಾದ ನಡುವೆ ಸಂಭವಿಸಿದ ಅಪಘಾತದಲ್ಲಿ 25ಕ್ಕೂ ಹೆಚ್ಚು ಜನರು ಗಾಯಗೊಂಡಿರುವ ಘಟನೆ ಗಲತೇಶ್ವರದ ಮನ್ಪುರ್ ಬಳಿ ಇಂದು ಮುಂಜಾನೆ ನಡೆದಿದೆ. ತಕ್ಷಣ ಗಾಯಾಳುಗಳನ್ನು ಸ್ಥಳೀಯರು ಆಂಬ್ಯುಲೆನ್ಸ್​ ಮೂಲಕ ಅಹಮದಾಬಾದ್ ಮತ್ತು ಗೋಧ್ರಾ ಆಸ್ಪತ್ರೆಗಳಿಗೆ ಚಿಕಿತ್ಸೆಗಾಗಿ ರವಾನಿಸಿದ್ದಾರೆ. 

ಇಂದು ಮುಂಜಾನೆ ಗಲತೇಶ್ವರ್ ತಾಲೂಕಿನ ಮನ್ಪುರ್ ಬಳಿಯ ಅಹಮದಾಬಾದ್-ಇಂದೋರ್ ಹೆದ್ದಾರಿಯಲ್ಲಿ ಎರಡು ಟೂರಿಸ್ಟ್​ ಬಸ್ಸುಗಳ ನಡುವೆ ಡಿಕ್ಕಿ ಸಂಭವಿಸಿದೆ. ಡಿಕ್ಕಿಯಾದ ರಭಸಕ್ಕೆ ಬಸ್ಸೊಂದು ಪಲ್ಟಿಯಾಗಿದೆ. ಈ ವೇಳೆ ಆಟೋ ರಿಕ್ಷಾಕ್ಕೂ ಅಪಘಾತವಾಗಿದೆ. ಪಲ್ಟಿಯಾಗಿದ್ದ ಬಸ್​ ಅನ್ನು ಜೆಸಿಬಿ ಸಹಾಯದಿಂದ ಮೇಲೆತ್ತಲಾಗಿದೆ. ಇದರಲ್ಲಿ ಒಂದು ಟೂರಿಸ್ಟ್​ ಬಸ್ ಅಹಮದಾಬಾದ್​ನ ನರೋಡಾದಿಂದ ಉಜ್ಜಯಿನಿಗೆ ಹಿಂದಿರುಗುತ್ತಿತ್ತು. ಮತ್ತೊಂದು ಟೂರಿಸ್ಟ್​ ಬಸ್ ಮಧ್ಯಪ್ರದೇಶದಿಂದ ಜಮ್​ ಜೋಧಪುರಕ್ಕೆ ಹೋಗುತ್ತಿತ್ತು.

ಇದನ್ನೂ ಓದಿ: ಎರಡು ಟ್ರಕ್​ಗಳ ನಡುವೆ ಮುಖಾಮುಖಿ ಡಿಕ್ಕಿ.. ಡ್ರೈವರ್​, ಕ್ಲೀನರ್ ಸಜೀವದಹನ

ರಾಜಸ್ಥಾನದಲ್ಲಿ ಬಸ್​ ಅಪಘಾತ: ಇತ್ತೀಚಿಗೆ, ರಾಜಸ್ಥಾನದ ರಾಷ್ಟ್ರೀಯ ಹೆದ್ದಾರಿ 21ರಲ್ಲಿ ಭೀಕರ ರಸ್ತೆ ಅಪಘಾತ ಸಂಭವಿಸಿತ್ತು. ದುರಂತದಲ್ಲಿ ನಾಲ್ವರು ಪ್ರಯಾಣಿಕರು ಸ್ಥಳದಲ್ಲೇ ಸಾವನ್ನಪ್ಪಿದ್ದರು. ಸುಮಾರು 24 ಪ್ರಯಾಣಿಕರು ಗಾಯಗೊಂಡಿದ್ದರು. ಗಾಯಾಳುಗಳನ್ನು ಸಮೀಪದ ಆಸ್ಪತ್ರೆಗೆ ದಾಖಲಿಸಲಾಗಿತ್ತು.