ನವಾರಿ ಸೀರೆ ಧರಿಸಿ ಎತ್ತರದ ಪರ್ವತ ಏರಿದ 8ರ ಬಾಲೆ - Etv Bharat Kannada

🎬 Watch Now: Feature Video

thumbnail

By

Published : Jan 24, 2023, 11:06 PM IST

Updated : Feb 3, 2023, 8:39 PM IST

ಥಾಣೆ (ಮಹಾರಾಷ್ಟ್ರ): 8 ವರ್ಷದ ಬಾಲಕಿ ನವಾರಿ ಸೀರೆ ಧರಿಸಿ ಇಲ್ಲಿಯ ಜೀವಧನ್​ ಕೋಟೆಯ ಎತ್ತರದ ಪರ್ವತವನ್ನು ಹತ್ತಿ ಜಿಪ್​ ಲೈನಿಂಗ್​ ಮಾಡುವ ಮೂಲಕ ಗಮನ ಸೆಳೆದಿದ್ದಾಳೆ. ಗೃಹಿತಾ ವಿಚಾರೆ ಎಂಬ ಬಾಲಕಿ ಈ ಸಾಸಹವನ್ನು ಮಾಡಿದ್ದಾಳೆ. ಸುಮಾರು 400ರಿಂದ 450 ಅಡಿಯ ಎತ್ತರದ ಪರ್ವತದಲ್ಲಿ ಜಿಪ್​ ಲೈನಿಂಗ್​ ಮಾಡಿದ್ದಾಳೆ. ಅಲ್ಲದೇ ಬಾಲಕಿಯೊಂದಿಗೆ ಅವರ ಸಹೋದರಿ ಹರಿತಾ ವಿಚಾರೆ ಕೂಡ ನವಾರಿ ಸ್ಯಾರಿಯನ್ನು ತೊಟ್ಟು ಜಿಪ್​ ಲೈನಿಂಗ್​ ಮಾಡಿದ್ದಾರೆ. ಈ ಇಬ್ಬರ ಸಾಹಸಕ್ಕೆ ಜನರು ಮನ ಸೋತಿದ್ದು ಅಭಿನಂದನೆ ತಿಳಿಸಿದ್ದಾರೆ.  

ಅವರ ತಂದೆಯಿಂದ ಪರ್ವತಾರೋಹಣದ ತರಬೇತಿಯನ್ನು ಪಡೆದಿರುವ ಇಬ್ಬರು ಸಹೋದರಿಯರು, ಯಾವುದೇ ಬೆಟ್ಟಗಳನ್ನು ಸುಲಭವಾಗಿ ಹತ್ತುತ್ತಾರೆ. ಇನ್ನು, ಎತ್ತರದ ಮೌಂಟ್​ ಎವರೆಸ್ಟ್​ ಶಿಖರವನ್ನು ಏರಿದ ಅತ್ಯಂತ ಕಿರಿಯ ಮಹಾರಾಷ್ಟ್ರದ ಬಾಲಕಿ ಎಂಬ ಹೆಗ್ಗಳಿಕೆಗೂ ಗೃಹಿತಾ ಪಾತ್ರರಾಗಿದ್ದಾರೆ. ತಂದೆ ಸಚಿನ್​ ಅವರೊಂದಿಗೆ ಮೌಂಟ್​ ಎವರೆಸ್ಟ್​ ಏರಲು ಇಬ್ಬರು ಸಹೋದರಿಯರು ತೆರಳಿದ್ದರು. ಅವರೊಟ್ಟಿಗೆ ಎತ್ತರದ ಮೌಂಟ್​ ಎವರೆಸ್ಟ್​ ಪರ್ವಾತಾರೋಹಣ ಆರಂಭಿಸಿದರು. 

ಸುಮಾರು 3680 ಮೀಟರ್​ ಕ್ರಮಿಸಿದ ನಂತರ ಹರಿತಾ ಅವರ ಆರೋಗ್ಯದಲ್ಲಿ ಸಮಸ್ಯೆ ಕಾಣಿಸಿಕೊಳ್ಳುತ್ತದೆ. ಹರಿತಾ ಅರ್ಧಕ್ಕೆ ಅಲ್ಲಿಂದ ಹಿಂದಿರುಗುತ್ತಾರೆ. ಇನ್ನು, ಗೃಹಿತಾ ತಂದೆ ಸಚಿನ್​ ವಿಚಾರೆ ಅವರೊಂದಿಗೆ 13 ದಿನಗಳ ಕಾಲ ಪ್ರಯಾಣಿಸಿ ಎತ್ತರದ ಮೌಂಟ್​ ಎವರೆಸ್ಟ್​ ಬೇಸ್​ ಕ್ಯಾಂಪ್​ನ್ನು ತಲುಪುವ ಮೂಲಕ ಯಶಸ್ವಿಯಾಗುತ್ತಾರೆ. ಈವರೆಗೂ ಗೃಹಿತಾ ಮತ್ತು ಹರಿತಾ ಇಬ್ಬರು ಸುಮಾರು 18ಕ್ಕೂ ಹೆಚ್ಚು ಎತ್ತರದ ಪರ್ವತಗಳ ಟ್ರಕ್ಕಿಂಗ್​ ಮಾಡಿದ್ದು, ಮಹಾರಾಷ್ಟ್ರದ ಎತ್ತರದ ಶಿಖರಗಳಲ್ಲೊಂದಾದ ಕಲ್ಸುಬಾಯಿ ಶಿಖರ, ಕರ್ನಾಲ್​, ವಿಶಾಲಗಡ್​, ಗೋಪಾಲ್​ಗಡ್​, ಸುವರ್ಣ ದುರ್ಗ ಮತ್ತು ಇತರೆ ಕೋಟೆಗಳ ಶಿಖರಗಳನ್ನು ಹತ್ತಿದ್ದಾರೆ ಎಂದು ತಂದೆ ಸಚಿನ್​ ತಿಳಿಸಿದ್ದಾರೆ.

ಇದನ್ನೂ ಓದಿ: ದೇವಸ್ಥಾನದ ಆನೆಗಾಗಿ 8.40 ಲಕ್ಷ ರೂ ವೆಚ್ಚದ ಈಜುಕೊಳ ನಿರ್ಮಾಣ..

Last Updated : Feb 3, 2023, 8:39 PM IST

ABOUT THE AUTHOR

author-img

...view details

ETV Bharat Logo

Copyright © 2025 Ushodaya Enterprises Pvt. Ltd., All Rights Reserved.