ಗುಜ್ಜರ್​ - ರಜಪೂತ್​​ ಸಮುದಾಯದ ನಡುವೆ ಘರ್ಷಣೆ.. ವಿಡಿಯೋ ನೋಡಿ!

ಸಹರಾನ್​​ಪುರ್​ (ಮಧ್ಯಪ್ರದೇಶ): ಸಾಮ್ರಾಟ್​​ ಮಿಹಿರ್​ ಬೋಜ್​ ಯಾತ್ರೆಯಲ್ಲಿ ಗುರ್ಜರ್​ ಮತ್ತು ರಜಪೂತ್​​ ಸಮುದಾಯಗಳು ಪರಸ್ಪರ ಮುಖಾಮುಖಿಯಾಗಿ ಮಧ್ಯಪ್ರದೇಶದ ಸಹರಾನ್​​ಪುರದಲ್ಲಿ ಉದ್ವಿಗ್ನ ಪರಿಸ್ಥಿತಿ ಉಂಟಾಗಿದ್ದು, ಯಾವುದೇ ಅಹಿತಕರ ಘಟನೆ ನಡೆಯದಂತೆ ನಗರದಲ್ಲಿ ನಿಷೇಧಾಜ್ಞೆ ಜಾರಿಗೊಳಿಸಲಾಗಿದೆ ಮತ್ತು ಇಂಟರ್​ನೆಟ್​​ ಸೇವೆಯನ್ನು ಸ್ಥಗಿತಗೊಳಿಸಲಾಗಿದೆ.

ಗುರ್ಜರ್​ ಸಮುದಾಯದವರು ಸಾಮ್ರಾಟ್​​ ಮಿಹಿರ್​ ಬೋಜ್​​ ಯಾತ್ರೆಯನ್ನು ಜಿಲ್ಲಾಡಳಿತ ಅನುಮತಿ ಇಲ್ಲದೇ  ಕೈಕೊಂಡಿದ್ದರು. ಈ ಯಾತ್ರೆಗೆ ರಜಪೂತ ಸಮಾಜದವರು ವಿರೋಧ ವ್ಯಕ್ತಪಡಿಸಿದ್ದರು. ಇಂದು ಯಾತ್ರೆ ಸಮಯದಲ್ಲಿ ಎರಡು ಸಮುದಾಯಗಳು ಪರಸ್ಪರ ಮುಖಾಮುಖಿಯಾಗಿ ಗಲಾಟೆ ಉಂಟಾಗುವಷ್ಟರಲ್ಲಿ ಪೊಲೀಸರು ಎರಡು ಸಮುದಾಯದವರನ್ನು ನಿಯಂತ್ರಿಸಿದರು. ಯಾವುದೇ ಅಹಿತಕರ ಘಟನೆ ನಡೆಯದಂತೆ ಮುನ್ನೆಚ್ಚರಿಕಾ ಕ್ರಮವಾಗಿ ಸಹರಾನ್​ಪುರ್​​ನಲ್ಲಿ ಇಂಟರ್​ನೆಟ್​​ ಸ್ಥಗಿತಗೊಳಿಸಿ ಸೆಕ್ಷನ್​ 144 ಜಾರಿಗೊಳಿಸಿದ್ದಾರೆ.

ಯಾತ್ರೆಗೂ ಮುನ್ನ ರಜಪೂತ ಸಮುದಾಯದ ಸದಸ್ಯರು ಹಕೀಕತ್​ ನಗರದ ರಾಮಲೀಲಾ ಮೈದಾನದಲ್ಲಿ ಧರಣಿ ನಡೆಸಿ, ಗುರ್ಜರ್​​​  ಸಮುದಾಯದವರು ನಡೆಸುತ್ತಿರುವ ಯಾತ್ರೆಯನ್ನು ವಿರೋಧಿಸಿ ಪ್ರತಿಭಟನೆ ನಡೆಸಿ ಕಾನೂನು ಉಲ್ಲಂಘಿಸಿವರ ವಿರುದ್ಧ ಕಠಿಣ ಕ್ರಮ ಕೈಗೊಳ್ಳಬೇಕು ಎಂದು ಜಿಲ್ಲಾಡಳಿತಕ್ಕೆ ಒತ್ತಾಯಿಸಿದ್ದರು.

ಸಂಘರ್ಷಕ್ಕೆ ಕಾರಣ: ​ಸಾಮ್ರಾಟ್​​ ಮಿಹಿರ್​ ಬೋಜ್ ಒಬ್ಬ ರಾಜನಾಗಿದ್ದು, ಗುರ್ಜರ್​​ ಮತ್ತು ರಜಪೂತ್​ ಸಮುದಾಯಗಳು ಸಾಮ್ರಾಟ್​​​ ಮಿಹಿರ್​ ಬೋಜ್​ ನಮ್ಮ ಸಮುದಾಯಕ್ಕೆ ಸೇರಿದ್ದವರೆಂದು ಪರಸ್ಪರ ಹೋರಾಟ ನಡೆಸುತ್ತಿದ್ದಾರೆ.

ಇದನ್ನೂ ಓದಿ: ಶಿವಮೊಗ್ಗ: ಸಿಡಿಲು ಬಡಿದು ಮಹಿಳೆ ಸಾವು... ತೆಂಗಿನ ಮರ ಬಿದ್ದು ಎರಡು ಕಾರು ಜಖಂ